Unicode
"သူလာပြီ~သူလာပြီ!!!"
ဝန်ထမ်းမလေးတစ်ယောက်က ဆိုင်အတွင်းကို အမောတကောပြေးဝင်လာရင်းပြောတော့ မန်နေဂျာမက စနစ်တကျရပ်နေသည့် သူ့ဝန်ထမ်းတွေကို အထက်အောက်စေ့စပ်သေချာစွာ တစ်ချက်ကြည့်ကာ အသင့်နေနေဖို့ လက်လှမ်းပြလိုက်သည်။
"အားချွမ်း~ ဒီနေ့ကမင်းတာဝန်ကျတဲ့နေ့မဟုတ်လား?"
"ဟုတ်...ဟုတ်ကဲ့! ဒါ...ဒါပေမဲ့ အစ်မ~"
မန်နေဂျာအစ်မက သက်ပြင်းချလိုက်ပြီး
"အဆင်ပြေမှာပါ~ အရမ်းကြီးကြောက်မနေနဲ့ ဟုတ်ပြီလား!? သူပြခိုင်းတာကိုပြပေးလိုက် သူမေးလို့ရှိရင်လည်း ခပ်သွက်သွက်ပြန်ဖြေပေးရင်ရပြီ!"
"ဒါ...ဒါပေမဲ့..."
အားချွမ်းက တုန်ယင်နေတာကြောင့် သူလက်ထောင်ပြရင်း ရှေ့ထွက်လိုက်သည်။
"ကျွန်တော်လိုက်ပြပေးလိုက်မယ်~ ခုနက သူပြောတာကြားတယ်~သူဒီနေ့နေလို့သိပ်မကောင်းဘူးတဲ့!"
မန်နေဂျာက သူ့ဘက်လှည့်လိုက်ကာ~
"မင်းဒီနေ့မှ အလုပ်ဆင်းတာလေ! တစ်ခုခုမှားသွားတာနဲ့ ချက်ချင်း အလုပ်ပြုတ်သွားနိုင်တယ်! ဒါကို မင်းမစိုးရိမ်ဘူးလား?"
သူတစ်ခုခုပြန်မပြောလိုက်နိုင်ခင် လူတစ်ယောက်ဝင်လာတာကြောင့် မန်နေဂျာကအစ ဝန်ထမ်းလေးတွေအဆုံး ခါးကို ၉၀ ဒီဂရီကိုင်းကာ ပြိုင်တူနှုတ်ဆက်လိုက်သည်။
"မင်္ဂလာပါ~ ရှောင်းသခင်လေး!"
ရှောင်းကျန့်က ထိုဝန်ထမ်းတွေကို တစ်ချက်တောင်ဝေ့မကြည့်ဘဲ တန်ဖိုးကြီးအဝတ်တွေချိတ်ထားသည့်စင်အနား လျှောက်သွားလိုက်သည်။ မန်နေဂျာက အားချွမ်းကို ရှောင်းကျန့်ဆီသွားဖို့မျက်ရိပ်ပြတော့ အားချွမ်းကတုန်တုန်ယင်ယင်ဖြင့်ပင် ရှောင်းကျန့်အနားကပ်ရပ်လိုက်သည်။
ကျန်သည့်ဝန်ထမ်းတွေက ကိုယ့်အလုပ်ကိုယ် ဆက်လုပ်ရင်း တစ်ဖက်က နားစွင့်နေကြသည်။ ရှောင်းသခင်လေးရဲ့ ဒေါသကို သိသည့်သူက သိနေပြီးသားဖြစ်တာကြောင့် နောက်တစ်ခါ ပစ္စည်းပြဖို့မဝံ့ရဲသလို အနားနားကပ်ပြီး စကားပြောဖို့လည်း သတ္တိမရှိ~
ESTÁS LEYENDO
Him ❤️ (Yizhan)
RomanceUnicode ❤️ "ရှောင်းကျန့်!!!" "..." "ရှောင်းကျန့်!!!!" ထိုအသံကဘယ်သူလဲဆိုတာ ရှောင်းကျန့်သိတာကြောင့် လှည့်ကြည့်ကာ ပြုံးပြလိုက်သည်။ "ငါဒီလိုပုံစံဖြစ်နေတာကို မင်းကျေနပ်တယ်မလား ရိပေါ်~ မင်းပျော်နေသင့်တယ်~" "ရှောင်းကျန့်~ ငါတို့အေးအေးဆေးဆေးစကားပြောရအောင်~...
