perfect soulmate {Completed}

[13]

ပြိုင်ပွဲစတင်ရန် နှစ်ဦးလုံးနေရာ ယူပြီးကြလေပြီ။ ဒိုင်များလည်း ရောက်ရှိနေပြီမို့ စတင်လိုက်တော့သည်။ ဟျွန်းလေးဘက်က စတင်တိုက်ခိုက်လာသည်ကို ရှောင်ရှားရင်း ဟျွန်းလေး၏ ဓားရေး အခြေအနေကို  အကဲခတ်နေလိုက်သည်။  ထိုအရာသည် ယောလေး လုပ်လေ့ လုပ်ထရှိသော အရာပေ။ မည်သည့် အခြေအနေတွင် မဆို ပြိုင်ဘက်၏ အားနညိးချက် အားသာချက်များကိုလေ့လာတတ်သည်ပင်။ ယခုတွင်ကား ထူးဆန်းနေသည်။ မိမိသည် ဟျွန်းလေး၏ အားနည်းချက်များကို မရှာနိုင်ပဲ ဟျွန်းလေး မည်မျှ တိုးတက်လာသည်ကိုသာ ကြည့်နေသောကြောင့် ဖြစ်သည်။

မကြည့်သော်လည်း မြင်လာရသည်မှာ ဟျွန်းလေး၏ အားနည်းချက် ဖြစ်သည်။ ဟျွန်းလေးက အကောင်နည်းနည်းသေးသည်မို့ မိမိလောက် လက်ကောက်ဝတ်တွင် အားမထည့်နိုင်ချေ။ မိမိ အနေဖြင့် အင်အားကုန် ထုတ် တိုက်ခိုက်ပါက ဟျွန်းလေး ထိခိုက်သွားနိုင်သည်။ ဟျွန်းလေး မထိခိုက်စေရန် အင်အားထုတ်မသုံးရန် ဆုံးဖြတ်လိုက်သည်။ ဟျွန်းလေး၏ တိုက်ကွက် များမှာလည်း စုံသလောက်ပင် ဖြစ်နေပြီ ။ ယောလေးက ရှောင်တိမ်းနေဆဲပင် ဖြစ်သည်။ မိမိဘက်က စတင်မတိုက်ခိုက်သောကြောင့် ဟျွန်းလေးက တိုက်ခိုက်ရန် မျက်ရိပ်ပြသည်။ မိမိလည်း ရှောင်တိမ်းခြင်းကို ရပ်တန့်ပြီး တန်ပြန်တိုက်ခိုက်နေတော့သည်။

မိမိ၏ တန်ပြန်တိုက်ခိုက်မှု ကို ဟျွန်းလေးသည်  ခုခံနိုင်သည်ပဲ ဖြစ်သည်။ ထို့ကြောင့် အနိုင်ရရန် အခြားအကွက် သုံးလိုက်သည်။ ဟျွန်းလေး ထင်မထားသော အကွက် ဖြစ်သည်မို့ ထင်သည်။ ခြေလှမ်းအနည်းငယ် ယိုင်ထွက်သွားသည်။ ပုံမှန်လေ့ကျင်ခဲ့ရသော လေ့ကျင့်ပွဲများတွင် အနိုင်အလိုချင်ဆုံး မှာ မိမိပင် ဖြစ်သည်။ သို့သော် ယခု ဟျွန်းလေး ယိုင်ထွက်သွားသည့် အနေအထာမျိုးတွင် ထပ်မံတိုက်ခိုက်ရန် စိတ်မကူးမိပဲ ယိုင်နဲ့နဲ့ ကိုယ်လေးအား ဖမ်းထိန်းထားချင်သည့် စိတ်တို့က ဖြစ်တည်လာသည်။ သို့သော် ပြိုင်ပွဲ မဟုတ်ပါလား ။ သို့သော် ယခုပွဲတွင် မိမိနိုင်မှ ဖြစ်မည်ဆိုသော အသိက ခေါင်းထဲရောက်နေသည်။ အသားအရည် ဖြူဖွေးပြီး သေးသွယ်သော ကိုယ်ဟန်နှင့် ဟျွန်းလေးအား မိန်းကလေး အဝတ်အစား ဝတ်လိုက်လျှင် မည်သို့ ဖြစ်မည်နည်း ဆိုသော အတွေးကို မကြာခဏ တွေးမိသည်ပဲ ဖြစ်သည်။