perfect soulmate {Completed}

[59]

Zaw gyi

ရှီလာ၏ နန်းရင်ပြင်တွင် ဖြစ်သည်။ ကောင်းစွာ ထုပ်ပိုးထားသော ဆူဝမ်မင်းသား၏ အလောင်းကိုလည်း စင်မြင့်တစ်ခုပေါ်တွင် တင်ထားပေးသည်။

နန်းရင်ပြင်တွင်တော့ အဖြူရောင်ဝတ်ထားသော ရှီလာ၏ ဘုရင်မင်းမြတ်နှင့် မိဖုရားကြီး၊ ထို့နောက် ဆူဝမ်မင်းသား၏ မိဖုရားတို့က ညှိုးငယ်စွာ ရှိနေကြသည်။

နန်းကျဘုရင်တို့၏ ထုံးစံအတိုင်း ဘုရင်မင်းမြတ်နှင့် မိဖုရားကြီးကိုတော့ နယ်နှင်ဒဏ်ပေးမည် ဖြစ်သည်။

လီယောလ်အနေနှင့် ကွပ်မျက်လိုက်၍ရသော်လည်း သူ မလုပ်လိုပေ။ မိခင်၊ ဖခင်မဲ့ခဲ့ရသော သူ့အတွက် မိခင်၊ ဖခင်အရွယ်များကို ကွပ်မျက်နိုင်သည့် စိတ်ထား မရှိချေ။

မစောင့်ရှောက်နိုင်သည့်တိုင် ရှင်သန်စေလိုခြင်းသာ။ ထို့နောက် နယ်နှင်ဒဏ်ပို့မည့်လှည်းများကို အိုဂျွန်းက အချက်ပြကာ ထွက်ခွာစေလိုက်သည်။

တစ်လျှောက်လုံး စကားမပြောခဲ့သော ရှီလာဘုရင်မင်းမြတ်သည် ထိုအချိန်တွင်မှ စကားတစ်ခု ပြောလေသည်။

" ဆူဝမ်ကို သဂြိုဟ်ပြီးမှ ထွက်သွားလို့ရမလား"

လီယောလ်စဉ်းစားနေသော်လည်း အိုဂျွန်းကတော့ ခွင့်မပြုစေလိုသည့် အရိပ်အယောင်မျိုး ရှိသည်။

နောက်ဆုံးတွင်တော့ လီယောလ်က ခွင့်ပြုပေးလိုက်သည်။ ရှီလာဘုရင်အတွက် နောက်ဆုံး ငဲ့ညှာခြင်းပင် ဖြစ်သည်။

ထို့နောက်တွင်တော့ ရှီလာတွင် လီယောလ်က နန်းတက်ခဲ့သည်။ ရှီလာသည် ရှီလာ မဟုတ်တော့ဘဲ ဂိုလျောနာမည်အောက်သို့ သွတ်သွင်းခံရသည်။ ဂိုလျောလက်အောက်ခံ နိုင်ငံဖြစ်လာခဲ့သည်။

ထို့ကြောင့်လက်အောက်ခံ ဘုရင်ခံထားကာ အုပ်ချုပ်မည်ဟု စဉ်းစားသော်လည်း စိတ်ချရသည့်သူ ရှိမနေချေ။

ထို့ကြောင့် စစ်သူကြီးအိုဂျွန်းကိုပင် အုပ်ချုပ်သူအဖြစ်ထားခဲ့ရန် စဉ်းစားရတော့သည်။ အိုဂျွန်းနှင့် အတူ မင်လေးကိုပါ ထားခဲ့ရန် စဉ်းစားနေရသည်။

လတ်တလော စိတ်ချရသည့်အထဲတွင် သူတို့နှစ်ယောက်သာ ရှိနေသည်။ လီယောလ်က ရှီလာကို သိမ်းပိုက်လိုက်သည်နှင့် တစ်ပြိုင်နက် အလုပ်က ပိုရှုပ်ရတော့သည်။