လက်ခုပ်သံနှင့် အတူထွက်လာသည်က ခေါင်းဆောင်ဂျိုဂျင်ဝူးသာ ဖြစ်လေသည်။ တရားရေးအမတ်ကြီးအတွက် နှစ်ရှည်လများ တာဝန်ထမ်းဆောင်ပေးနေသူ ဖြစ်သည်။
အမတ်ကြီးအားထားရသော လက်ရုံးတစ်ဆူလည်း ဖြစ်လေသည်။ အသားညိုညိုထောင်ထောင်မောင်းမောင်းနှင့် ကြည့်ကောင်းလှသော ဂျိုဂျင်ဝူးသည် ဓားရေးလည်း အတော်ကောင်းလှသူ ဖြစ်သည်။
သူ၏ နောက်တွင်တော့ အိုဂျွန်းနှင့် မင်လေးလည်း ရှိနေခဲ့သည်။ ဂျိုဂျင်ဝူးက လက်ခုပ်တီးနေရာမှ ရပ်လိုက်ကာ စကားတစ်ခွန်းပြောလိုက်သည်။
" ကိုယ်ရံတော်ရဲ့ ဓားရေးကအတော်ကောင်းလှတာကိုတော့ လက်ခံရမှာပဲ အမတ်ကြီးက ဒီကို လွှတ်လိုက်လည်း ဆိုတာလည်း ကိုယ်ရံတော်အိုဂျွန်းပြောပြလို့ သိပြီးပါပြီ၊ ဒါပေမဲ့ ကျွန်တော်အနေနဲ့ အမတ်ကြီးလက်ခံလို့ လက်ခံလိုက်ရတာမျိုး မဖြစ်ချင်ဘူး ဒီတော့ ကျွန်တော်နဲ့ ဓားရေးပြိုင်နိုင်မလား ဓားရေးပြိုင်လို့ နိုင်သွားတယ်ဆိုရင်တော့ ကျွန်တော်လက်ခံပါမယ် ဘယ်လိုလဲ"
ခေါင်းဆောင်ဂျိူ၏ သဘောကို နားလည်သည်မို့ လက်ခံလိုက်သည်။ ယောလ်ကို စိတ်မချစွာ ငေးကြည့်နေသော ဟျွန်းကို အသာအယာ ပုခုံးပုတ်ခဲ့ကာ ဓားကိုကိုင်လျက် ရှေ့ကိုထွက်လာခဲ့သည်။
အိုဂျွန်းကလည်း မျက်နှာပျက်လျက်။ သို့သော် ဖြစ်သင့်ဖြစ်ထိုက်သည့် အကြောင်းအရာမို့ လက်ခံထားသည့်ပုံ။
ယောလ်အနေနှင့်လည်း ဤလမ်းကို လျှောက်မိမှတော့ ဤသို့ ကြုံလာမည်ကို သိပြီးသားပင်ဖြစ်သည်။
ထို့ကြောင့်လည်း လွယ်လင့်တကူ လက်ခံလိုက်ခြင်းဖြစ်သည်။ ထို့နောက် ကွင်းပြင် အနည်းငယ်ကျယ်သော မြေကွက်လပ်လေးကို ရွေးချယ်ကာ တိုက်ခိုက်ရန် နှစ်ယောက်သား မျက်နှာမူလိုက်သည်။
ယခုအနေအထားသည်ကား ယောလ်နှင့် ခေါင်းဆောင်ဂျိုတို့က ဓားကိုယ်စီကိုင်လျက် မျက်နှာချင်းဆိုင် ရပ်နေသည်ပဲ ဖြစ်သည်။
ထို့နောက် စတင်တိုက်ခိုက်လာသည်က ခေါင်းဆောင်ဂျိုပင်ဖြစ်သည်။ယောလ်ကတော့ ခေါင်းဆောင်ဂျို၏ တိုက်ခိုက်မှုကို အသာအယာရှောင်တိမ်းရုံသာ။
VOCÊ ESTÁ LENDO
perfect soulmate {Completed}
Ficção Históricaအချစ်ဆိုတာ တကယ်တော့ ပြီးပြည့်စုံစေခြင်းပဲ ( Uni & Zawgyi ) Chanbaek 😍 crd for cover photo
