perfect soulmate {Completed}

[31]

မုန်တိုင်းအပြီးတွင် လေပြေလာစမြဲပင် ဖြစ်လေသည်။ ငိုကြယိုကြသည်အထိ ရန်ဖြစ်စကားများခဲ့သော ချစ်သူနှစ်ဦးသည်လည်း ယခုအချိန်တွင်တော့ အမြင်ကတ်စရာကောင်းလောက်အောင်ပင် သည်းနေ ကဲနေကြတော့သည်။

သူတို့နှင့် အတူပါလာသော အစ်ကိုမင်လေးသည်လည်း မျက်နှာပူပူ နှင့်ပင် မမြင်ချင်ယောင် ဆောင်ထားရပေသည်။

ရန်ဖြစ်စဉ်တုန်းက သူတို့မဟုတ်ခဲ့သလို ယခုအချိန်တွင်တော့ မိုးမမြင် လေမမြင်ပင် ချစ်ခင်ကြင်နာနေကြသည်။

တည်းခိုဆောင်တွင် တစ်ရက်တာမျှ အနားယူပြီးသည်နှင့် ထွက်ခွာရန် ပြင်ထားသော်လည်း ရန်မီးများငြိမ်းစေခြင်း အလို့ငှာ အချစ်တိုက်ပွဲ ဆင်နွဲလိုက်သည်မို့ အားနည်းသွားသော သူ၏ ချစ်ရသူအား ကြည့်ကာ နောက်တစ်ရက် ထပ်နေလိုက်ရလေသည်။

မိမိလည်း ဟျွန်းလေးနှင့် အတူ ကြီးပြင်းလာသည်ပဲ ဖြစ်လေသည်။ ကျွန်းပေါ်တွင် နေစဉ်က အင်မတန် ရဲရင့်ထက်မြက်ပါသော အကြီးအကဲဘတ်၏ သားကို ယခုအချိန်တွင် အခြားလူတစ်ယောက်လို မြင်နေရသည်။

ယခင်က နေမကောင်းသော်လည်း ကျွန်း၏ လုံခြုံရေးကို လစ်ဟင်းမည်စိုးကာ တစ်နေကုန်ပတ်၍ စစ်ဆေးခဲ့သော အကြီးအကဲဘတ်၏ သားသည် ယခု အချိန်တွင် ကြောင်လေးတစ်ကောင်လို အီကာ ချွဲနေလေသည်။

ရဲရင့်ပါသည်။ သတ္တိရှိလှပါသည်ဟု သတင်းမွှေးသော ခေါင်းဆောင်၏ သားငယ်အား ယခုအချိန်တွင် ခေါ်ကာပြလိုက်ချင်မိသည်။

ယောလ်ရဲ့ ရင်ခွင်ထဲမှ မထွက်ပဲ အချွဲပိုနေသည့် ကြောင်လေးတစ်ကောင်အဖြစ် တွေ့မြင်ရမည် ဖြစ်သည်။

ထိုအတွဲ၏ ချွဲချွဲကဲကဲ သည်းသည်းတို့ကို မမြင်ချင် ၊ မကြားချင်တော့သည်မို့ အောက်ထပ်ထွက်လာလိုက်သည်။ အောက်ထပ်၏ စားသောက်ဆိုင်တစ်နေရာတွင် ၀င်ထိုင်ရင်း မှာလိုက်သည်။

" သေရည်တစ်အိုးနှင့် ကြက်သားကြော်တစ်ပွဲ"

*************************************

ယခင်က စိတ်ဆိုးစိတ်ကောက်ခဲ့သမျှ အလုံးစုံ ပွင့်လင်းသွားပြီ ဖြစ်သော ချစ်သူနှစ်ဦးမှာလည်း အတော်ကိုပင် ပျော်ရွှင်နေကြသည်။