perfect soulmate {Completed}

[64]

Zaw gyi

ရှီလာ၏ ညနေခင်းသည် အတော်ပင် လှပနေခဲ့သည်။ အိပ်တန်းပြန်လာသော ငှက်တို့ကလည်း ဟိုတစ်ကွက် ဒီတစ်ကွက်နှင့် ညနေခင်းအလှကို ဖော်ကျူးနေကြသည်။

နန်းတော်၏ ဂိတ်ပေါက်မှထွက်လာသော လီယောလ်တို့ကို ရဲမက်တို့လည်း အရိုအသေပြုကြသည်။ လီယောလ်က နဂါးဝတ်ရုံနှင့် မဟုတ်ဘဲ သာမန်လိုသာ ၀တ်စားဆင်ယင်ထားသည်။

သူ၏ ဘေးတွင်တော့ အဝါရောင်ကောင်ငယ်လေးက ကပ်လျက်ပါလာသည်။ ခေါက်ယက်တောင်လေး တဖျတ်ဖျတ်ခပ်နေသည့်ပုံက မျိုးရိုးမြင့် သခင်လေးတစ်ယောက်လိုပင်။

ကိုယ်ရံတော်လည်း မပါဘဲ နှစ်ယောက်သား ဈေးထဲ ဉီးတည်ကာ သွားကြတော့သည်။ လီယောလ်ဆန္ဒအရသာဆိုလျှင် ကိုယ်ရံတော်များကို ခေါ်လိုလှသော်လည်း ဟျွန်းက လွတ်လွတ်လပ်လပ်နေလိုသည်ဟု ပြောလာသဖြင့် ချစ်သူ့အလိုကျ ချန်ထားခဲ့ခြင်း ဖြစ်သည်။

သို့သော် လတ်တလော ဖြစ်ပွားထားသည့် လုပ်ကြံမှုများအရ လီယောလ်မှာ ဟျွန်းကို စိတ်မချနိုင်ပေ။ သူ၏ မျက်စိရှေ့မှောက်မှာပင် ချစ်ရသူက အမျိုးမျိုး နာကျင်ခဲ့ရပြီးပြီ။ ထပ်မံနာကျင်အောင် မည်သူကမျှ မပြုလုပ်နိုင်စေရ။

ထို့ကြောင့် ကိုယ်ရံတော် အင်အားစုကို အရပ်ဝတ် အရပ်စားဖြင့် ဈေးတစ်ခွင် ဖြန့်ကျက်ပြီးသား ဖြစ်ချေသည်။ အရပ်သားဝတ်စုံနှင့်မို့ ဟျွန်း သတိထားမိမည်ကိုလည်း မစိုးရိမ်ရချေ။

အတူတူလျှောက်နေရင်း ဟျွန်းက လီယောလ်၏ လက်ဖဝါးတို့ကို ဆုပ်ကိုင်လာသည်။ လီယောလ်က ကြည့်မိတော့ ပြုံးပြလာကာ ခပ်တ်ိုးတိုးပြောသည်။

"ယောလ် လက်ဖဝါးတွေက နွေးနေတာပဲ "

ထို့ကြောင့် အနည်းငယ် အေးနေသော လက်ဖဝါးတို့ကို ဆုပ်ကိုင်ပေးထားလိုက်သည်။ လွန်ခဲ့သော ရက်ပိုင်းက အဆိပ်မိကာ အရသာမခံနိုင်ခဲ့သော ဟျွန်းသည် အစားအသောက် နည်းပါးသွားသည်မို့ ကိုယ်က အတော်လေး ပိန်ကျသွားသည်။

ယခင်က လုံးတစ်တစ်ကိုယ်လေးက အနည်းငယ် ဖြူဖျော့နေသယောင်ပင်။ အမြဲတစေဖောင်းနေတတ်သော ချစ်စရာပါးဖောင်းလေးများပင် မရှိတော့။