perfect soulmate {Completed}

[22]

ဟျွန်းလေး၏ ရင်ဘတ်နားတွင်မှ ထုတ်ချင်းပေါက်သွားသော မြားသည် မိမိအား ကြက်သေသေစေခဲ့သည်။ မိမိ၏ ကျောပြင်အား ရုတ်တရက် ဖက်တွယ်ရင်း မြားမှန်သည်မို့ သေချာသည်ကား မြား၏ ဦးတည်ရာသည် သူဖြစ်သည်။

မိမိ၏ နေရာတွင် ဟျွန်းက အစားဝင်ခံလိုက်ခြင်း ဖြစ်သည်။ အနည်းငယ် မှေးစင်းလာသော မျက်ဝန်းတို့ကို အားပြုကာ ပြောလိုက်သည်က.....

" ယော ဘယ်နားထိသွားသေးလဲ" ဟူ၍ပင်။

မိမိ ရင်ကွဲရအောင် ထိုမေးခွန်းအား မေးလိုက်သလားပင် မသိတော့ပါ။ သေချာသည်က အသည်းတို့က ဟက်တက်ကွဲပြီ ဖြစ်သည်။ မှေးလာသော မျက်ဝန်းများကို ကြည့်နေရင်း ပါးကို ဖွဖွလေး ပုတ်ကာ ...

" ဟျွန်း သတိထားပါဦး ဟျွန်း သတိထားပါဦး"

ခေါ်နေခဲ့သော်လည်း ဟျွန်းက သတိလစ်သွားခဲ့ချေပြီ။ ဟျွန်း၏ ရင်ဘတ်မှ စီးကျလာသော သွေးများက မြင်မကောင်းအောင်ပင် ရှိတော့သည်။ မိမိ၏ ည၀တ် အဖြူတွင်လည်း သွေးတို့က စွန်းထင်းနေခဲ့ချေပြီ။

မိမိအား ကာကွယ်ရန် မလိုပါဟု ကြွေးကြော်ခဲ့သော်လည်း မိမိအတွက်နှင့် ချစ်ရသူတစ်ယောက်က ထိခိုက်စေပြန်လေပြီ။ မိမိက မွေးဖွားမလာသင့်သော သူတစ်ယောက်ပေလား။

လောကထဲ ရောက်လာကတည်းက မည်သို့ကိုမျှ ကောင်းကျိုးမပေးခဲ့သော မိမိပါပင်။ မျက်စိရှေ့တွင် ချစ်ရသူတို့ သေဆုံးရသည်ကိုလည်း မြင်ခဲ့ရသည်။ အပြစ်မဲ့သည့် သူများလည်း မိမိကြောင့် သုတ်သင်ခံခဲ့ရသည်။

ယခုလည်း ချစ်ရသည့် ဟျွန်းက မိမိကြောင့် ထိခိုက်ပြန်သည်။ မိမိကိုယ် မိမိ မည်သို့ လုပ်ရမည်နည်း ။ သတ်သေပစ်လိုက်ရမည်လား။ အတွေးတို့က ရှုပ်ထွေးလျက်ပင် ရှိသည်။

ဟျွန်းသာ သေသွားခဲ့လျှင် ဆိုသော အတွေးက မိမိအား နှိပ်စက်လျက် ရှိသည်။ မိမိမှာ ဘာမှ မရှိတော့သကဲ့သို့ ခံစားရသည်။ တွေးခေါ်နိုင်သည့် စိတ်များ၊ ခွဲခြားနိုင်သော စိတ်များ ဘာဆိုဘာမှ မိမိခေါင်းထဲ ရှိမနေခဲ့။

ရှင်လျက်နှင့် သေသွားသကဲ့သို့ပင်။ မိမိ ရှေ့တွင် သွေးအိုင်ထဲ လဲနေကာ သတိလစ်နေသော်လည်း မိမိလက်ကို ဟျွန်းက ဆုပ်ကိုင်ထားဆဲ။ မိမိအတွက် ထိခိုက်ပေးနိုင်သော ဟျွန်းကို မြင်လေ မိမိမှာ ရင်ကွဲလေ ဖြစ်သည်။