ရှီလာသို့ ရောက်သည်နှင့် မိမိရင်ထဲ လေးလံလာရသည်။ မိမိအနေဖြင့် ဟယ်ယွန်းနှင့် စေ့စပ်ထားသည့် ကိစ္စကို ဟျွန်းတစ်ယောက် အနှေးနှင့် အမြန်သိသွားနိုင်သည်ကို သိရှိပြီးသား ဖြစ်သည်။
သို့သော် ရောက်ရောက်ချင်း ဟျွန်းကို မသိစေလိုသည်မို့ ဖွနိုင်ဖွယ် ရှိသော ဟယ်ယွန်းအား အရင်ရှာရသည်။
ဝတ်စုံရှည်တို့ကြောင့် လမ်းလျှောက်ရ ခက်နေသော ဟျွန်းကြောင့် မိမိမှာ အခွင့်အရေး ရသွားသည်။
ထို့ကြောင့် အိမ်တော်တစ်ခုလုံး ဟယ်ယွန်းအား နှံ့နေအောင် ရှာလိုက်ရသည်။ တွေ့သည်နှင့် မိမိတို့ စေ့စပ်ထားသည့်အကြောင်းမပြောရန် နှုတ်ပိတ်ထားမည်ဆိုသော အတွေးနှင့်သာ။
သို့သော် ဟယ်ယွန်းက မိမိ အားတွေ့လိုက်သည်နှင့် အခြေအနေက တစ်မျိုးတစ်ဖုံ ပြောင်းလဲသွားတော့သည်။ မိမိအား အသည်းအသန်ပင် ဖက်တွယ်တာ ငိုရှိုက်တော့သည်။
ဟယ်ယွန်းသည် မိမိအတွက် ချစ်မြတ်နိုးရသူ မဟုတ်သော်လည်း မိမိအတွက် ညီမလေးလိုပင် ဖြစ်သည်။ သူက မိမိ အပေါ် မရိုးသားသည်ကို သိသော်လည်း မိမိက ရိုးသားသည်လေ။
ထို့ကြောင့် ပုခုံးလေးကို ခပ်ဖွဖွဖက်ကာ နှစ်သိမ့်ပေးမိသည်။ သူမက ဗလုံးဗထွေး အသံဖြင့် မိမိအား သေဆုံးပြီဟု အများက ပြောကြသော်လည်း မိမိမယုံကြည်ကြောင်း ပြောကြား နေသည်။
မိမိက စေ့စပ်ပွဲအကြောင်း ပြောရန် ပြင်သည်နှင့် မိမိ၏ မျက်နှာပေါ် အုပ်ကိုင်လာသော သူမ၏ လက်များက ခိုင်မြဲစွာ။ ထို့နောက် မိမိ၏ ပါးပြင်တစ်ဖက် နွေးသွားလေသည်။
ရုတ်တရက်မို့ ကြောင်သွားသော်လည်း သူမအားတွန်းထုတ်လိုက်သည်။ အတော်ရဲတင်းသည့် မိန်းကလေးပါပင်။
" ဟယ်ယွန်း ဒါက မင်း ဘာလုပ်တာလဲ ယဉ်ကျေးမှု မရှိလိုက်တာ"
" ဒါဆို ယဉ်ကျေးမှု ရှိတာက စိတ်ထဲမှာ ရှိတာကို မြိုသိပ်ထားပြီး လက်လွှတ်လိုက်ရတာများလား"
ထီမထင် ပုံစံဖြင့် မေးခွန်း ထုတ်လာသည်က သူပါပင်။ အချိန်အနည်းငယ်အတွင်း ဟယ်ယွန်းသည် အခြားသူတစ်ယောက်ပမာ ပြောင်းလဲသွားလေသည်။
ANDA SEDANG MEMBACA
perfect soulmate {Completed}
Fiksyen Sejarahအချစ်ဆိုတာ တကယ်တော့ ပြီးပြည့်စုံစေခြင်းပဲ ( Uni & Zawgyi ) Chanbaek 😍 crd for cover photo
