perfect soulmate {Completed}

[33]

မွန်းတည့်ချိန်ပင် ရောက်လာခဲ့ချေပြီ။

အိုဂျွန်းနှင့် မင်လေးတို့၏ တိုက်ပွဲသည်ကား အဆုံးမသတ်သေးပေ။ အချိန်အတော်ကြာသည့်တိုင် အနိုင်အရှုံးမပေါ်သေးပေ။

အိုဂျွန်းအနေနှင့်လည်း သူ၏ ပြောစကားကြောင့် ရေကုန်ရေခမ်းတိုက်ခိုက်နေသည်ပဲ ဖြစ်သည်။

မင်လေးကလည်း အိုဂျွန်း၏ အထင်သေးသည့် အမြင်များကို ချေပရန် အစွမ်းကုန် တိုက်ခိုက်နေသည်ပဲ ဖြစ်သည်။

မည်သူကမျှ ရပ်နားရန် စိတ်ကူးမရှိသည်မို့ တိုက်ပွဲက ဆက်လက်ဖြစ်ပွားလျက်ရှိသည်။

အချိန်အတော်ကြာတိုက်ခိုက်နေသည့် နှစ်ယောက်ကို ကြည့်ကာ ဟျွန်းကလည်း သက်ပြင်းချလိုက်သည်။ ထို့နောက် သူက အိမ်ထဲ ခဏ၀င်သွားတော့သည်။

ယောလ်လည်း မလိုက်သွားတော့ပေ။ ဒိုင်တစ်ယောက်တော့ ရှိနေသင့်သည်ပဲ ဖြစ်သည်။ ထို့ကြောင့် မကြည့်ချင်သော်လည်း အောင့်အည်းကာ ကြည့်နေရသည်။

ယခုအနေအထားသည်ကား မင်လေးနှင့် အိုဂျွန်းသည်ကား တစ်ယောက်နှင့် တစ်ယောက်အား ဓားနှင့် ချိန်ရွယ်ထားပြီး နောက်တစ်ကြိမ်တိုက်ခိုက်မှုကို စတင်တော့မည်ဖြစ်သည်။

အားမာန်သွင်းသော အသံတို့နှင့် နှစ်ဦးသား အရှိန်ပြင်းစွာ တိုက်တော့မည့် အခိုက်အတန့်တွင် နှစ်ယောက်လုံးက တစ်ပတ်လည်ကာ ခုန်ရှောင်လိုက်ရသည်။

အကြောင်းအရင်းမှာ နှစ်ဦးစလုံး၏ မျက်နှာနှင့် အနည်းငယ်သာ ကွာဝေးသောအနေအထားထိ မြားနှစ်စင်းက တစ်ပြိုင်နက်တည်း ၀င်လာသောကြောင့် ဖြစ်သည်။

ထို့ကြောင့် နှစ်ဦးသား ခုန်ပျံကာ ရှောင်တိမ်းလိုက်ရခြင်း ဖြစ်သည်။ မရှောင်ပါက မျက်နှာအား ဘေးတိုက်ထုတ်ချင်းပေါက်သွားမည့် မြားပင် ဖြစ်သည်။

ပစ်သူကို ကြည့်လိုက်မိတော့ ဟျွန်းပင် ဖြစ်သည်။ ဟျွန်း၏ မြားပစ်စွမ်းရည်ကို မြင်ဖူးနေကျဖြစ်သော ယောလ်နှင့် မင်လေးသည်ကား အံ့သြဟန်မပြ။

သို့သော် အိုဂျွန်း၏ မျက်ဝန်းအစုံသည်ကား အံ့သြမှုကြောင့် ပြူးကျယ်လာရသည်။ထို့နောက် ဓားကို သိမ်းကာ ဟျွန်းဆီ လျှောက်လာခဲ့သည်။