perfect soulmate {Completed}

[27]

ညအမှောင်၏ အောက်တွင် ပင်လယ်ပြင်တွင် လူးလွန့်နေသော လှေငယ်တစ်စင်းရှိ၏။ လှေငယ်လေးမှာ ရေစီးကြောင်းအတိုင်း ရွေ့လျားနေလေသည်။

လှေပေါ်တွင်တော့ ယောကျာ်းသုံးယောက်ပါရှိပြီး တစ်ဦးမှာ ရွက်တိုင်အား လေလမ်းကြောင်းနှင့် အလိုက်သင့်စေရန် လှည့်ပေးနေလေသည်။

လူကောင်းအနည်းငယ်သေးသော ယောကျာ်းလေးက တသိမ့်သိမ့်ရှိုက်ငိုလျက် ရှိသည်ကို ခပ်ထွားထွားယောကျာ်းတစ်ဦးက နှစ်သိမ့်ပေးနေဟန် ရှိသည်။

ငိုရှိုက်ကာ တုန်ယင်နေသော ကိုယ်လေးအား ခပ်ဖွဖွ ပုတ်ကာနှစ်သိမ့်ပေးနေလေသည်။

သူတို့ထွက်ခွာလာရာ ကျွန်းသည်ကား ညအမှောင်တွင်ေ၀၀ါးကာ ကျန်ခဲ့တော့သည်။

***************************

ငယ်စဉ်ကတည်းကပင် တစ်ခါမျှပင် မိခင် ၊ဖခင်တို့နှင့် မခွဲဖူးသည်မို့ ၀မ်းနည်းမှုတို့က ဆို့တက်လာကာ မျက်ရည် မဆည်နိုင် ဖြစ်ရသည်။ မိခင်ဖြစ်သူက ငိုသော အခါ ပိုဆိုးလာတော့သည်။

မိမိငယ်စဉ်ကတည်းက ဤကျွန်းပေါ်တွင် ဆော့ကစားခဲ့သော ပုံရိပ်များက အမြင်အာရုံတွင် တစ်ဝဲလည်လည် ဖြစ်ကာနေတော့သည်။

မိခင်၏ လက်ကိုဆွဲကာ လျှောက်သွားခဲ့သော နေရာများ ၊ မိခင်၊ဖခင်တို့နှင့် အတူ နွဲပျော်ခဲ့ရသော ပွဲတော်များ ၊ မိမိ ကျင်လည်ရာ နေရာဒေသများအား စွန့်လွှတ်ခဲ့ရပေပြီ။

ချစ်ရသူ၏ နောက်ကို အရာရာဖြည့်ဆည်းပေးရန် ချစ်ခင်မက်မောရသည့် အရာအားလုံးကို စွန့်လွှတ်ကာ လိုက်လာခဲ့သည်။

မိမိကိုယ် မိမိ မိုက်မဲသည်ဟု အပြစ်တင်ချင်လှသော်လည်း မိမိ ထွက်လာခြင်းက မျိုးနွယ်စု၏ ရှင်သန်ခြင်း ဖြစ်သည်မို့ အပြစ်မတင်နိုင်ခဲ့ပေ။

မိမိလည်း စိတ်ကိုတင်းမထားနိုင်ပဲ ထွက်လာကတည်းက ငိုနေမိတော့သည်။ မိမိ၏ နာကျင်မှုသိပ်သည်းဆကို ယောလ်ကလည်း သိသည်ထင်၏။ မိမိအား ခပ်ဖွဖွဖက်ကာ နှစ်သိမ့်ပေးလာသည်။

လူဆိုသော အမျိုးက ချော့သူရှိလေ ပိုငိုချင်လေ ဆိုသော အမျိုးမဟုတ်ပါလား။ ယောလ်က ချော့လေ မိမိက ငိုလေပင် ဖြစ်နေတော့သည်။