_الكاتبة هنوش_
كان مسلع مقلع للسبيطار هو للقدام وشهد لور
يخزر فالطريق مبعد يخزر فيها حتى بدات تمتم وتهترف: لااا لااا .... متخلونييش ... وانا لمن نبقى ... اصبرو ادوني معاكم ..
وبدات دير صوت كشغل تبكي مبعد سكتت
هو غي سمعها هكذاك زاد فالفيتاس وعععننننن عشر دقايق ولحق للسبيطار
شد التلفون يعيط
المجهول : الو ... وش عيسى درت كيما قلتلك
عيسى : وي .... ارواح مالباب لي ملور
المجهول : اوكي
المجهول ابو عضلات راح مالجيهة الخلفية 🌚💔✋ وقارا الطوموبيل ثماك
هبط وراح من جيهة شهيد (يابختك عايشة لحظات لا تنسى خخخخخخ) جبدها بلعقل مبعد رفدها بشوية ودخل بيها للسبيطار
لقى عيسى يستنى فيه .... ورالو الغرفة لي يحطها فيها وكيما كان الحال ..... استناو حتى جا الطبيب وفحصها وصح لقى عندها كسر طفيف فعظام القفص الصدري ألووغ ضمدها بيان كوم إل فو وهبطلها الحمى لي كانت عندها ورجع حرارة جسمها لطبيعتها .... مبعد دارلها قرعة اكسجين وكي تخلاص يديرولها💉 (ابغة)
جازت 45 دقيقة وٌلا مامبا ..... شهيد بدات تنوض
_ ايا نخليهالكم تحكي _
_شهوود_
بعد الخبطة بصرعة لي ديتها ولي حسيت فيها بلي فيصل جا لعندي ملي عنقني وليت لا عين رأت ولا أذن سمعت ولا جبت خبر
المهم نضت ماكنت نشوف والو غير الضباب ... والضو كان قااسح ... غلقت عيني عاودت فتحتها لقيت محاوطتني كل حاجة بيضا ..... اصبرو واقيل مت وراني هنا ... اوووووه مااي سيدي ربي وش هذا ثان لي راه على فمي ونيفي ..... ويلااااه انا احتضر ولك
سييت نحيها جاتني اعاقة فكامل جسدي كان فاشل مي وبعد جهد جهيد نحيت يمات يماها الحلوفة وسيميطريت جدها
كنت راح نهدر ونحس حلقي ناشف ويحرق فيا
وليت نحرك فيدي عشوائيا ويجي واحد السيد عجوز كبير يبان عليه الوقار (دون تعليق) قالي : اصبري بنتي دوك نعطيك تشربي
ياعمري صوتو شحال حنين ... كيفاش عرف راني حابة نشرب الما 🤔
المهم بلا ماقلت والو درتلو براسي ايه
جابلي كاس ما ورفدلي راسي وشربلي
حنانتو جابتلي الدمعة بسيف حسيتو بابا لي ماعشتش معاه واش يكفي باش نتفكرو
كملت شربت وليت قلتلو صحا وهبطت راسي
(متعملوش عليا جاني ارتجاج مزال متفكرت ني راني مخطوفة ني جد ماليها ..... شويق ام سوري نتي ثان نسيتك انديلا ساعفيني مع الوقت نتفكرك بربي نشالله )
خزرت فالطبيب : وش جابـ♣︎ـني لهنا دكتور
الطبيب : ماراكيش شافية طحتي مالدروج وخبطتي كرشك فالكرسي لي كان قدام الدروج ولي سببلك شق طفيف فضلع من قفصك الصدري .... مي متخافيش راني داويتك كيما يلزم .... والحمى هبطهالك ثان
لحبيب wait a minute هل راك من نيتك انا تشقلبت مالدروج .... خممت مع عقلي مليح مبعد تفكرت وش صرا .... تجمعو الدموع فعيني ونضت شديتلو يدو للطبيب غير هو لي يسلكني كنت راح نقولو بلي راهم خاطفيني وما طحت لاهم يحزنون انا كنت راح نهدر ويدخل ابو عضلات وجبد الموس ودارو قدام الطبيب بلا ميحسلو صاحب الوقار
وهذا باش يوصلي ميساج نهدر هدرة يسلخ الطبيب
انا سكت وعينيا زادو فيهم الدموع
الطبيب زاد زير على يدي : يابنتي قتلك متخافيش ريقليت كلش ومافيك غير الخير ...
عاودت ريحت فبلاصتي ودرت براسي ايه وسكت
أنت تقرأ
رواية: ﴿ أوراق غيرت لونها -لماذا تنتحر الأوراق عندما تشعر بالاصفرار ﴾
Adventure: لست أظن الطرقات تعرفني، حتى الصوت الذي كان يتردد داخل رأسي محاولاً تذكيري بخيباتي شعر بالتعب، ولشدة يأسه غادرني وأختفى ... كان عليك أن تأتي قبل أن تموت الكلمات في فمي، قبل أن يُغلق قلبي أبوابه، قبل أن أُعيد يداي إلى جيبي بدلًا من أن تُعانق الفراغ...
