هدنة يابشر تنفسوا قليلا بعد لم يتبقى الكثير
سحقا .....فرصة أخرى للجميع
دنيا ملكة جمال الكون لأن أخرى تبرعت بذرة من جمالها لدنيا معادلة بسيطة لا تدع الدنيا تضع أظافرها على سترتك أخرى تغار
#المتمرد
*********************
عماد طلع دوش ولبس سيرفات يرقد بيها ... لاح روحو فالسرير وحط يديه مور راسو يرقد ........ تقلب ماقدرش غير شهد راهي دور فراسو .... شاف الساعة لقاها 23:59 .... ناض رايح للشمبرة تاعها .... لقى الضو تاع شمبرتها مشعول .... طبطب قالتلو يدخل دخل شافها تهدر فالتلفون
شهد : هيا موناليزا تليكيداي غدوة نشالله
حطت التلفون قدامها تشوف فيه كان يبان عيان : عماد وشبيك تبان عيان
حط يديه على عينيه : بزاااااف .... معامن كنتي تهدري
تعجبت من ملامحو التعبانين موالفاتو دايما شامخ وبكامل قوتو ردتلو بهمس : مع شوق
عماد : ونتي وشراكي دوكا
شهد : الحمد لله صليت وريحت
عماد : الله يقبل
تقدم لعندها وهي سقمت روحها فالسرير قعدت تشوف وش راه حاب .... من غير حتى كلمة راح لعندها قعد فالسرير قدامها وكي شافها مكسلة رجليها حط راسو فوقهم وهي تشوكات بصح ماقالت والو حط يدو على راسو يزير فيه : راسي راح يطرطق
شهد بربكة : شربت باراسيتامول ؟؟
عماد : شربت ومانفعتش
شافت الملامح تاعو بلي راه يتوجع : ندلكهولك كيما ندير لفيصل ؟؟ اذا حبيت
نحى يدو من راسو : امممم
دلكتهولو بهدووء وهو رخف روحو باش مايشدش الاعصاب تاعو ... شوية ويسمع صوتها العذب الرقيق وهي ترتل ايات قرانية :
أعوذ بالله من الشيطان الرجيم بسم الله الرحمن الرحيم:
《والصافات صفا * فالزاجرات زجرا * فالتاليات ذكرا* إن إلهكم لواحد *رب السماوات والأرض ومابينهما ورب المشارق * إنا زينا السماء الدنيا بزينة الكواكب * وحفظا من كل شيطان مارد * لا يسَّمَّعون إلى الملإ الأعلى ويقذفون من كل جانب * دحورا ولهم عذاب واصب * إلا من خَطِف الخطفة فأتبعه شهاب ثاقب * فإستفتهم أهم أشد خلقا أم من خلقنا إنا خلقناهم من طين لازب * بل عجبت ويسخرون * وإذا ذكِّروا لا يذكرون * وإذا رأوا آية يستسخرون * وقالوا إن هذا إلا سحر مبين * وقالوا إنْ هذا إلا سحر مبين * أئذا متنا وكنا ترابا وعظاما أئنا لمبعوثون * أوآباؤنا الأولين * قل نعم وأنتم داخرون * فإنما هي زجرة واحدة فإذا هم ينظرون * وقالوا يا ويلنا هذا يوم الدين * هذا يوم الفصل الذي كنتم بيه تكذبون * 》
حبست كي حست يلي الانفاس تاعو انتظموا ... شافت فيه لقاتو رقد .... شحال كان يبان بريء فهذوك اللحظات .... الملامح تاعو مستكينة ... كانت اول مرة تشوف فيه بلا قيود وتتمعن فملامح وجهو بلا مايحشمها بالنظرات تاعو .... اول مرة تكتشف بلي زل قاع هكذا حلو يطيح الطير من السما 🥱😂_مود تأثر بالروايات السعودية أكتيف_ استغفرت في سرها وخممت وش تدير المخلوق رقد فوق رجلها ... وزاد رقد فبلاصتها .... جبدت المخدة مور ظهرها ورفدتلو راسو حطاتو فيها .... غطاتو وناضت دات المخدة الثانية وراحت جبدت غطا كان ثماك داخل الخزانة .... ورقدت فوق الطابي فالارض بعيدة عليه شوية .... _كان كاين غير كرسي ثماك وماكاش كيفاش ترقد فيه خممت تروح تستولي على الشمبرة تاعو دام استولى على الشمبرة تاعها بصح خافت يزعف ويبدى يطلق برك _
أنت تقرأ
رواية: ﴿ أوراق غيرت لونها -لماذا تنتحر الأوراق عندما تشعر بالاصفرار ﴾
Aventura: لست أظن الطرقات تعرفني، حتى الصوت الذي كان يتردد داخل رأسي محاولاً تذكيري بخيباتي شعر بالتعب، ولشدة يأسه غادرني وأختفى ... كان عليك أن تأتي قبل أن تموت الكلمات في فمي، قبل أن يُغلق قلبي أبوابه، قبل أن أُعيد يداي إلى جيبي بدلًا من أن تُعانق الفراغ...
