غامبول بسرعة احضر البنزين سوف نحرق المدرسة
لا لا لن نحرقها سوف نغرقها
قلت لك يحرق زريعتك سنحرق المدرسة
صوت دقدقة في الباب
غاامبووول اهرب انها ميس سيميان لقد كشفت مخططنا .... سيعاقبنا مستر براون اسررررع رووكيي احرق المدرسة 😉💔
الخبيط محبش يحبس حركت راسي بانزعاج وفتحت عينيا شوية ... نحيت الغطا على وجهي كارهة حياتي والشخص لي راه مور الباب ثان ..... رديت بصوت مبحوح حنجرتي الذهبية راهي توجع: شكووووون
رد : ندخل ؟؟
عاودت غطيت وجهي ومارديتش
ستنى شوية ماردتلوش فتح الباب بلعقل ودخل لقاها مازال ماناضتش .... الحرب العالمية ناضت فالسرير قرب لعندها : كتكوتي مزال مانضتيش
رديتلو تحت الغطا : علاش شايفني تيليتابيز نوض بكري ... مزال الحال
عماد : ههههههههههههههه لالا فلوسة... ماتجيش معايا ؟؟
رديتلو بدون اهتمام : لوين
قرب كثر ووقف عند راسي نحالي الغطا على وجهي : للخدمة
حطيت يدي على عينيا الضو عماني : مانجيش
باستغراب : علاش ماتجيش .... ماشي ماتحبيش تقعدي وحدك وتخافي
انا : لالا مانخافش ... شكون قال.... ديجا نبقى مع الخدامات
عماد : ماكاشهم راحو
بلعت ريقي : وين راحو بعيد الشر
عماد : أنا قلتلهم يروحو
نحيت يديا من عيني ونضت بلعقل رجعت شعري مور وذني وقلت بارتباك : ع... ع... علاش راحو .... _وقلت بخوف_ ودوك رانا وحدنا
عماد بلا اهتمام : عطيتهم اجازة _طلع حاجب_ ايه رانا وحدناا _شاف فعينيها خوف_ خايفة مني ؟؟
شفت فيه وسكتت ... تنهد : ماراح نديرلك والو .... ماتخافيش مني وشبيك ؟؟
ستنى منها جواب ماجاوبتش : يله تجي معايا سينون صح نولي نخوف _قعدت غير تشوف ماهيش حابة تروح معاه وتتلاقى مع معشوقتو ... حابة تقعد هنا بخوفها وماتروحش _
قرب عندي وقعد فوق السرير : علاش ماراكيش حابة تجي معايا ..._شافت فيديها _ نعيط لفيصل ؟؟
خزرت فيه ودرت براسي لالا : مال نوضي سينون نوضك بطرقي الخاصة _اردفها بضحكة _
شافت فيه ببرود وسوطات مالسرير رايحة للسالدوبان دخلت وعاودت خرجت .... شاف فيها باستغراب ... راحت لعندو ووقفت قدامو ستناها تهدر ماقالت والو : صغيرونتي وشبيك اليوم .... مازالك مريضة _ناض باش يدير يدو على راسها اذا مازال مانزلتلها الحمى_
شدتلو يدو فيدها الصغيرة وسحباتو معاها للسالدوبان وهو يتبع فيها مافاهم والو .... جبدتلو يدو وشعلت عليها الما .... نزل بارد مقلاصي : علاش ماشعلتيهش من برى
سرحتلو يدو : مانعرفش
عماد بصدمة : وكيفاش موالفة تدوشي بيه
شهد : الخطرة اللولة نتا لي كنت مشعلو ... والخطرة الثانية ..... اااا الثانية كي كنت مريضة وزدت دوشت بيه هكذاك بارد معرفتش نديرو سخون
عماد ماشي مامن وش راهي تقول : وعلاش ماقلتيليش نريقليهولك
شهد : خفت نقولك وتعرشلي
عماد : راكي من نيتك .... تقوليلي نريقليهولك نعرشلك ...لاه شايفتني حابس فمخي
حشمت : اسمحلي
عماد يخبي الزعاف تاعو : عشرين دقيقة نلقاك كملتي .... اني نستنى فيك لتحت
بهمس : نشالله
أنت تقرأ
رواية: ﴿ أوراق غيرت لونها -لماذا تنتحر الأوراق عندما تشعر بالاصفرار ﴾
Przygodowe: لست أظن الطرقات تعرفني، حتى الصوت الذي كان يتردد داخل رأسي محاولاً تذكيري بخيباتي شعر بالتعب، ولشدة يأسه غادرني وأختفى ... كان عليك أن تأتي قبل أن تموت الكلمات في فمي، قبل أن يُغلق قلبي أبوابه، قبل أن أُعيد يداي إلى جيبي بدلًا من أن تُعانق الفراغ...
