ثم تُدرك لاحقًا أن عافيتك كانت على الدوام تكمن في التخفّف، في انتهاج: أنتم الطُلقاء.
أن لا تتمسّك في أحد، أن لايكون لديك من تبذل له الرغائب -فوق ما يستحق- خشية فقدانه.
#Hana_kr
___________________
خرجت لولة فيهم ..... يسموها هردت جدها فالفلسفة واخترقت الرقم القياسي خرجت مور 10 دقايق ...
قعدت فالكراسى لي عند الخرجة خروجا وعند الدخلة دخولا 😂 .... حطت يدها على خدها وسندتها على الطابلة لي كانت ثماك وفبلاصة ما تخمم فالاختبارات لي ذبحت جدهم كانت تخمم فصحبتها ... ماجاتش كامل هذي السمانة ... مجوزتش الاختبارات
قالك خوها جا وسينيا الورق بلي ماتجوزش الاختبارات وكي راحت عندها للدار مع صحاباتها قاللها مكاشها هنا وراحت عند خالتها فألمانيا (المانيا يحبيبي) .... مزال مافهمت الخرطي تاعو ... تتفكر غير عينيه لي ميبشروش بالخير ولافاصون لي كان يحكي بيها معاهم .... وكي حاوزهم .... وجعها راسها حطاتو فوق الطابلة ...... من صحبتها دار التخمام تاعها ليه .... عندها شهر ماشافتوش ... لالا سمانة ... مآه عندها ملبارح فليل ما شافتوش .... توحشاتو ... كيفاش تعلقت بيه قاع هكذا معلابالهاش ... بصح تعلقت بيه.....
ولات تضرب الارض برجليها : اففف علاش هو يجي الوقت لي يحب وانا منشوفوش الوقت لي نحب
رفدت راسها وشافت فالتلفون : دوك نعيطلو يندبلي حناكي
خبات التلفون ورجعت حطت راسها على الطابلة : اااع حبيت نشوفو .. لوكان زعما هكذا يخرج ويجي ... علاش علااش
قعدت على حالتها تستنى الزوج سوايع يجوزو ولا شحال باش يخرجو شهد وشوق وتروح معاهم بما انو اخر يوم اختبارات
العساس: مرحبا بيك حضارات
نحى نواظرو ودخل يديه داخل الجيب : وبيك اهلا
وبعد السؤال وكذا : غير الخير كاشما صرا باش جيت
شاف فيه برفعة حاجب _حلوف يدير ذراع بصح بيناتنا يستاهل السعيد العساس يلعبها روحو خشين _ : عندي أمانة هنا
سكت العساس *السعيد* وتبسم تبسيمة صفرا ... وراح يمشي معاه باش يدخلو
سمعت صوتو راهي تقول هو مآه ماشي هو .. لالا هو هو ... طلعت راسها وشافتو دور راسو عندها ناضت والابتسامة شقت حلقها تخزر فيه وكانها لم تصدق .... وكأنه سرق من مخيلتها ليتجسد أمامها ... رفدت كارطابها وراحت عندو ... وقفت قدامو وبان فارق الطول بينهم همست : كريمتي بالفانيلا
تبسم : مهبولتي
السعيد من العدم : تفضل ميسيو كريم .. ادخل
كريم بابتسامة لمريم : الدخلة تاعي تحبس هنا
ضحكت وقريب دخلت فحوايجها .... السعيد خزر فيهم ومعلقش مالقري بالعادة موالف يلعلع لربما خاف 😂✌
كريم قعد مع مريم
مريم : كريم
كريم ضحك كي شافها كيفاش كانت تخزر فيه وهمس : توحشتك
مريم بنص عين وتبدلو ملامحها : ااه يكذاب توحشتني
ضحك وحط يديه على ركايبو يخزر فيها _هذيك القعدة فهمتوها المهم _ وولا يلعب بنواظرو : انا نكذب ؟؟ اناا
مريم : هييه خليتني قاع هكذا وتوحشتني
كريم : البارح على 12 تاع الليل كنت عندك _ضحك_ راكي تتوحشيني ولا تزيدي عليها
مريم : البرستيج ميسمحليش نطلع على يديا
كريم : خلاص ولي ديريني داخل الكارطاب كلما تتوحشيني اجبديني
مريم : قدك قد الديناصور نديرك داخل الكارطاب ربحت على جدي خصنا فوربيات حنا .. قصدي خصني فوربيات انا
كريم : عندك رومانسية يعني كشغل ... منكذبش عليك بصح جامي شميت ريحتها
مريم : معليش ريحتي تكفي الروايح لوخرين شكليات لا تهم
كريم بنص عين : ماشي جلبابية وحرام ديري الريحة .. ولاا احم احممم تحللي وقت حبيتي وتحرمي وقت حبيتي
شافت فيه بقهر علابالو مديرش ريحة الحلوف بصح لازم يدخل كلمة جلبابية فالوسط .. شافت فيه كي شافها ضحك ناضت وحكمها من يدها :نوريلك الجلبابية ..... نوض يا خب....
كريم زيرلها على يدها وطلع حاجبو: ششششت اغلقي
مريم : خلاص غلقت
حكملها يدها بين يديه وشافها قالك زعفت : وش كانت دير السكر قاعدة وحدها
مريم : الملح اونبرسون راه يهدر معاك ماكا ني سكر ني طكوك
كريم ضحك : هههههه خلاص والله متزعفي نتي السكر والحلوة والعسل ... بصح وش كنتي ديري وحدك
أنت تقرأ
رواية: ﴿ أوراق غيرت لونها -لماذا تنتحر الأوراق عندما تشعر بالاصفرار ﴾
Adventure: لست أظن الطرقات تعرفني، حتى الصوت الذي كان يتردد داخل رأسي محاولاً تذكيري بخيباتي شعر بالتعب، ولشدة يأسه غادرني وأختفى ... كان عليك أن تأتي قبل أن تموت الكلمات في فمي، قبل أن يُغلق قلبي أبوابه، قبل أن أُعيد يداي إلى جيبي بدلًا من أن تُعانق الفراغ...
