انها باب الحرية تضيء من بعيد
انا قلعت بكل ما اوتيت من قوة رغم الالم لي كنت نحس بيه ولكن كل شيء يهون من أجل الحرية
خرجت اونفااان وشميت الهوا تاع برا ..... كنت نجري حفيانة شادة في كرشي ....
كلشي صرا بسرعة ونلقى روحي شادني راجل واحداخر يعني هربت من هذا زاد جاني هذا ..... هذا يبان شرير لابعد درجة كان حاكمني كي الحلوف وجبدني مور السبيطار وين كانت الحالة ظلمة وقرد مايسعاش
نضمنلكم بلي مخي طار وفرفر وقلبي زلق وتبخر وانا ذبت وقتلني الخوف مليار مرة ..... قعدت نرفس فيه ونعيط ونخبط ونضرب ودرت كلش
وبديت نبكي حتى حسيت البكا عيا مني
والسيد راه يكركر فيا يدخلني بالسيف للطوموبيل وغالقلي فمي ...... هذا ان دل على شيء دل على مصيبة كحلة راهي جاية فالطريق
كيما دار مخليتوش يدخلني حتى عطاني كف مسقم عوجلي وجهي وطحت فالارض .....
ولات كل حاجة فيا توجع وظليت نبكي
حتى نشوف عبد جاي جيهتنا يمشي بلعقل وداير يدو فجيب سروالو
مالقري الدموع ماخلاونيش نشوف والو مي شفت شوية من الملامح تاعو هذا .... هذاا ....هذا عماد ولا ابو عضلات ولا المجهول المهم هو
مع انو هو ثن خاطفني مي ارحم من هذا السيد لي راه حاب يوخد جدي...
وليت نعيطلو بالبكا والدموع وكلش : عمااد ... 😭😭عماد
المخلوق لي كان شادني رخف يدو عليا كي شاف عماد وانا نضت ديراكت لعند عماد نجري وعنقتو وقعدت نبكي وشاداتو مزيرة عليه
علابالي وش راني ندير حرام مي راني خايفة وغير هو لي يسلكني منا ..... ياربي سمحلي مي الظروف حتمت عليا
انا قعدت نبكي نبكي حتى عاودت ولاتلي الخيقة وماوليتش نتنفس
مزية كنا قراب مالسبيطار ورفدني عماد مرة وحدوخرا ودخلني للسبيطار وعاودو دارولي اكسجين والشكة💉 لي ماحسيتش بيها اصلا
ابو عضلات خزر فيا ويلقى خدي حمر معلمين عليه صباعتين يد ....
عماد : هو لي دارلك هكذا
انا بالبكا وكلش درتلو براسي ايه
عماد : شوفي دوك نخرج نلقاك كاشما درتي ولا قلتي لكاش واحد حاجة ماتلومي غير نفسك راكي فاهمة
مرديتلوش يروح يزمر الواحد راه بهمو واوجاعو جاي يأمر فيا
كي مرديتلوش قرب ليا قريب تيراني : فهمتي ولا لالا
أنا وليت خفت وحافظت على روحي : ا.. ايي.. اييه فهمت
مبعد خرج وجا لعندي الطبيب صاحب الوقار وانا كي شفتو طرطقت بالبكا
قعد فالكرسي لي حدايا وشدلي يدي : راه قالي خوك وش صرالك .... وانتي علاش تهربي ... ياك حنا درنا لي علينا ..... وانتي كان لازم تريحي شوية برك وتروحي لعند يماك ياك راح تشوفيها تشوفيها ..... ودوكا راكي ضريتي روحك
انا معلاباليش وش راه يهدر ووش مالخرطة لي خرطهالو السيد : توحشتها .... عندي بزاف ماشفتهاش ومقدرتش نتحمل ......
الطبيب صاحب الوقار: ربي يحفظهالك يابنتي ... مي لازم تخافي على روحك شوية
أنت تقرأ
رواية: ﴿ أوراق غيرت لونها -لماذا تنتحر الأوراق عندما تشعر بالاصفرار ﴾
Aventura: لست أظن الطرقات تعرفني، حتى الصوت الذي كان يتردد داخل رأسي محاولاً تذكيري بخيباتي شعر بالتعب، ولشدة يأسه غادرني وأختفى ... كان عليك أن تأتي قبل أن تموت الكلمات في فمي، قبل أن يُغلق قلبي أبوابه، قبل أن أُعيد يداي إلى جيبي بدلًا من أن تُعانق الفراغ...
