نضت الصبح هذا يوم ماشي كامل كيما اليامات لوخرين كاينة حاجة شابة كانت داخلي تكسرت
ولات تدور غير حاجة في راسي وراح نديرها
_____________
وجدت روحي الله الله سروال جين وتيشرت بيض وباسكات بيضا وشعري درتو طمطومة احكم برك وجيت نهبل كي العادة رغم سمبوليتي في كل شيء الا ان جمالي الخلاب يرجعني شابة في كل حالاتي
_ملقيتش تصويرة توضحلكم جمال اللحظة كنت راح نحط تصويرتي باش نتهنى مالتوضيح مي وياللاسف خفت تعاينوني 😂😂😂_
ايه نولو للاحداث
هبطت لقيت جواد ثماك فيصل وشوق ثان ... وسهى مطرفة شوية عليهم
رحت بلا احم لا دستور هدرة مهدرتهاش ديراكت للكوزينة
نوجد كاس حليب نمخمخ عليه
شوية ويدخل فيصل وجواد
دخلو ظلينا ساكتين حتى
فيصل : شهد
انا : هممم
فيصل : صباح الخير
انا : اممم _وخشعت مع الحليب_
فيصل: اخزري فيا
خزرت فيه بوجه خال من المشاعر
فيصل: راكي مليحة دوكا
انا : الحمد لله
جواد : صح راكي مليحة ؟؟؟
خزرت فيه : راك تشوف فيا نتمسخر مثلا ..._طفيت الفرن لي كان شاعل للحليب_ راني هايلة _رفدت يديا لزوج فالسما بمعنى شوف _ وش خصني
فرغت الحليب فالكاس وكلمة مازدتهاش قعدت فوق الطابلة كي عادتي _الكرسي خليتو لماليه ماتضحكوش الحالة راهي سيريو _
وربعت رجلي نشرب
فيصل : جواد خليني معاها شوية
جواد: لالا منخليكش انا ثان ....
فيصل دار ليه مقبل ميكمل : قلتلك اخرج خليني معاها منعاودش الهدرة
جواد غصب عنه ومن فوق خشمه خرج
فيصل جا لعندي : شهد
انا خزرت فيه ونشرب فحليبي حرفي بلى حتى حاجة
فيصل : وشبيك ؟؟
انا : وشبيني ؟؟
فيصل : راكي متبدلة اليوم .... متقيمينيش ... ماشي من عادتك
انا : مانيش متبدلة .... حابني نقعد نوح ونبكي واقيل ونظل نشكيلك حتى تكره مني ....هه ولا المليحة متأمنيش ....
فيصل : ايه حابك تحكيلي متخليش حتى حاجة في قلبك .... قوليلي لي راهي توجعك .... والله جامي نكره منك .... هذاك النهار ماكنتش نورمال والله غير أمنتك كي تخلطتلي الحالة معرفتش وش ندير .... اسمحيلي
أنت تقرأ
رواية: ﴿ أوراق غيرت لونها -لماذا تنتحر الأوراق عندما تشعر بالاصفرار ﴾
Adventure: لست أظن الطرقات تعرفني، حتى الصوت الذي كان يتردد داخل رأسي محاولاً تذكيري بخيباتي شعر بالتعب، ولشدة يأسه غادرني وأختفى ... كان عليك أن تأتي قبل أن تموت الكلمات في فمي، قبل أن يُغلق قلبي أبوابه، قبل أن أُعيد يداي إلى جيبي بدلًا من أن تُعانق الفراغ...
