هنالك زمن لم يخلق للعشق
هنالك عشاق لم يخلقوا لهذا الزمن
هنالك حب خلق للبقاء
هنالك حب لايبقى على شيء
هنالك حب في شراسة الكراهية
هنالك كراهية لا يضاهيها حب
هنالك نسيان أكثر حضورا من الذاكرة
هنالك كذب أصدق من الصدق
#أحلام مستغانمي
________________________
كانت قاعدة فالسرير وايمان تسيي تخرجها مالصمت تاعها بصح مانطقتش غير تشوف فالفراغ.... طلعت عينيها كي حست بالخطوات تاعو وريحتو لي تسبقو تحملت الوجع تاع رجلها لي ترولا .... ودارلو الطبيب بوندون حتى تريح باش تنحيها
ناضت تشوف فيه ... عينيها لي ولاو يلمعو بالدموع وجعوه وحلف غير راح يندم آلاء على كل دمعة نزلتهالها ... تقدمت لعندو بخطوات ثابتة تضغط على رجلها لي كانت قراف توجعها .... تحاول تختصر المسافة وتوصل لعندو ... فتحلها يديه وهي باستجابة كملت الخطوات لي بقاولها بالزرب وترمات فحضنو تعض على شفتها باش ماتبكيش حاوطت بيديها ظهرو وسكتت ... كانت بحاجة لحضن فهذي اللحظات ... تحس بلي ماراهيش وحدها بلي كاين شخص فكتافها حط يدو على راسها يزير عليه فحضنو وصلو الارتجاف تاعها والهزة تاع كتافها دليل على بكاها .... ايمان كي شافتهم هكذاك رفدت روحها وراحت
سكت يخليلها المجال تنفس على وش كاين فقلبها بكات بضعف اللحظة : هي معلابالها بوالو .... تكذب ... هذوك خاوتي وسيم وجواد خاوتي ... كانت تقول فالعيب ... حرام وش كانت تقول ربي مايقبلش هكذاك هذوك خاوتي أناا والله خاوتي .... كانت تكذب وتقول كلام ماشي مليح ... ونتا عماد لي تخاف عليا وما تحب حتى واحد يضرني .... تحافظ عليا _شهقت ببكا _ صح ؟؟ ودايما تحامي عليا
تمنى فهذوك اللحظات آلاء قدامو كان نسى كامل الرحمة لي فقلبو وضربها حتى ماتوليش تتنفس يخلصها غالي على كل دمعة سخونة سالت من عينين صغيرتو : ماتعمليش عليها ماكانتش فعقلها وماعلابالهاش وش كانت تهدر كانت تطرش برك .... ماديريش كلامها المسخ فبالك _خلطلها شعرها_ نتي بريئة باش ديري هذاك الكلام فبالك .... انساي
بعدت عليه عاضة على شفتها تكتم شهقاتها عينيها مانشفش الدمع فيهم : كنت نهدر مع فيصل والله وسقسيتو على جواد ووسيم وهي تحسبلها حاجة وحدوخرا ... قالتلي هذو ثان رحتي عندهم للدار كيما عماد وبتي معاهم عجبك الحال وليتي ... وليتي _بكات_ وليتي حاجة ماشي مليحة تاعهم قاع والله خسارة تحسبلي مربية وبنت ناس طلعتي بنت حرام وماتسوايش وين يكونو ولاد تتلاحي كي الكلب عليهم ..... _بكات وحطت يديها على وجهها ... مسحت دموعها ورجعت شافت فعماد قربت لعندو وشداتو من الفاست تجبد فيه _ قوللها بلي ماكاش منها هذي الهدرة .... أنا أمانة عندك هكذا قالك فيصل .... ونتا قلتلو إيه نخليها فعينيا ..... هي تحسبلها حاجة ماشي مليحة .... علاش تقولي هكذا ... أنا مادرتلها والو والله ... هي تكرهني وماتحبنيش .... دايما تحب تجرحني حتى هذاك النهار لي كنت مريضة فيه وزعفت مني تحسبلك رحت نتلاقى مع صحبي هي لي حكمتني وحبستني فواحد الشمبرة لتحت وغلقت عليا الباب ... _زادت فالبكا وحطت يدها على خدها _ وضربتني ..... خلاتني لداخل زوج سوايع وهي غالقة عليا .... _شافت فيدها للساعة ... نحاتها وجبدت المسجل الصغير لي كان ثماك وعطاتهولو _ شووف كنت نسجل باش تصدقني .... من أول يوم جيت لهنا معاك وهي تتحرشلي وتقولي كلام ماشي مليح .... _ولات تهمس صوتها انبح _ بصح اليوم جرحتني بزاااف _حطت يدها على قلبها _ هنا راه يوجع بزااف والله كلامها يجرح ... عمااااد قوللها بلي وش كانت تقول كذبة
أنت تقرأ
رواية: ﴿ أوراق غيرت لونها -لماذا تنتحر الأوراق عندما تشعر بالاصفرار ﴾
Adventure: لست أظن الطرقات تعرفني، حتى الصوت الذي كان يتردد داخل رأسي محاولاً تذكيري بخيباتي شعر بالتعب، ولشدة يأسه غادرني وأختفى ... كان عليك أن تأتي قبل أن تموت الكلمات في فمي، قبل أن يُغلق قلبي أبوابه، قبل أن أُعيد يداي إلى جيبي بدلًا من أن تُعانق الفراغ...
