Hana

Part 28

Katulad ng sinabi ni Akagi kay Marga, kinabukasan ay nagbalik nga siya sa warehouse.

Inilapag ng lalaki ang isang paperbag sa itaas ng lamesa.

"Ano 'yan?" tanong ni Marga na tiningnan ang paper bag nang puno ng paghihinala bago inilipat ang mga mata sa lalaki.

"Some stuff that you might need."

Nagkatagpo ang mga kilay niya. Kumilos ang lalaki at inilabas ang isang bestida na kulay puti at ilang toiletries. Pagkatapos ay lumapit sa pintuan at kinatok. Ilang sandali lang ay pumasok ang dalawa sa mga tauhan nito.

"Kalagan n'yo siya."

Nagkatinginan man ang dalawang inutusan pero walang salitang sumunod. Nang tuluyang makawala si Marga sa mga tali ay napahinga siya nang malalim. Ilang araw rin siyang nakagapos at parang matatanggal na ang kanyang mga kamay sa tuwing ginagalaw iyon. Sa katunayan, nag-iwan na iyon ng marka sa kanyang palapulsuhan. Pati ang mga paa niya ay tila kay gaan.

"Ihatid n'yo siya sa banyo."

Pasimple ulit na nagkatinginan ang dalawa bago kumilos.

Dala ang paper bag na ibinigay ni Akagi, nilinis ni Marga ang katawan. Hindi niya maiwasang mag-isip na tumakas habang mag-isa siya sa banyo ngunit wala rin naman puwedeng daanan. Enclosed iyon. At kahit mayroon man, kaya kaya niyang takbuhin palayo ang lugar? Those men were armed with guns, sigurado pati rin ang mga boss nito. Base sa kilos ng mga lalaki, mukhang kinatatakutan talaga nila si Akagi.

Pagkatapos tuyuin ang sarili gamit ang puting tuwalya ay hinalungkat niya ang mga laman ng paperbag, hinahanap ang isang maliit na saplot. Ngunit habang ginagawa iyon ay napaisip siya, posible kayang kasama iyon sa binigay ng lalaki? Baka naman hindi, mahirap bumili ng ganoon lalo kapag hindi alam ang sizes. Pero nasurpresa si Marga nang makita ang hinahanap, isang pack ng white bikinis. Mayroon ding isang nude colored bra. Binuksan ng baba ang pack ng panties at sinuri ang size.

'Hmn, Medium, tumama. Paano kaya sa bra?'

Sunod na pinakialaman ay ang bra. Diretso niyang sinuot iyon, mukhang malaki nang kaunti pero okay na.

Napapitlag si Marga nang may malakas na kumatok sa pintuan.

"Hoy, 'di ka pa ba tapos? Nakatulog ka na ba d'yan o kailangan mo ng tulong?" Narinig niya na nagtawanan ang dalawang lalaki na parang manyak.

"Patapos na 'ko," sagot na lamang niya dahil ayaw niyang totohanin nito ang mga sinabi.

Napahagod siya ng katawan nang maisuot ang damit. It has a cotton fabric at ang haba ay hanggang sa itaas ng tuhod. Marga stepped out from the bathroom and she heard a man whistled. Sinundan ng salita, "Naghihintay si boss sa iyo sa loob."

Naglakad siya papasok sa silid kung saan prente pa ring nakaupo si Akagi. Nakalingkis ang isa nitong binti sa kabila at nakapatong ang kamay sa ibabaw ng hita. Nakita na niya ang hitsura nito sa internet ngunit ngayon na kaharap niya ang lalaki ay hindi niya mapigilang kilatisin ang anyo nito. He has an intimidating aura, strict and stoic ang singkit na mga mata. Ngayon ay nakapatong ang isang frameless eyeglasses sa ilong nito. Pahaba ang hubog ng mukha at may prominenteng panga. He's wearing a gray suit and black leather shoes. Tila kalkulado ang bawat galaw na ginagawa.

Sa totoo lang, mas nakakatakot ang dating nito kaysa sa tatlong lalaking halos gumahasa sa kanya. Mukhang kaya nitong baliin ang kanyang leeg sa isang kampay lang ng kamay kapag may nagawa siyang hindi nito nagustuhan.

"You look better." Iminuwestra nito ang kamay paturo sa isang silya, tanda na pinapaupo siya nito. Sinunod naman niya. "Ngayon na presko na ulit ang pakiramdam mo, you might want to change hearts and tell me believable stories"