Unicode
၆လပိုင်းရောက်တော့ ကျောင်းပြန်ဖွင့်ပြီ။
ကျောင်းနှစ်ပတ်လောက် တက်ပြီးသောအခါ အားလုံးမျှော်လင့်စောင့်စားနေခဲ့ကြသော ရန်ကုန်အနောက်ပိုင်းနည်းပညာတက္ကသိုလ်၏ ၂၀၁၇ခုနှစ် ဘာသာရပ်ပေါင်းစုံချစ်ကြည်ရေး(အမျိုးသား) ဘောလုံးပြိုင်ပွဲကြီးသည်လည်း တဖြည်းဖြည်း နီးကပ်လာပြီဖြစ်သည်။
Cheerleaderအဖွဲ့များက တက်ကြွစွာလေ့ကျင့်ပြင်ဆင်နေကြပြီး majorတိုင်းမှ ပါဝင်ကစားမည့် ဘောလုံးကစားသမားများကလည်း မိမိတို့majorအလိုက် အပြင်းအထန်ကြိုးစားလေ့ကျင့်နေကြသည်။Majorတိုင်းကလည်း ကိုယ့်မေဂျာ အနိုင်ရရှိရေးအတွက် အစွမ်းကုန် အားပေးကူညီမှုများ ပြုလုပ်လျက်ရှိသည်။
သို့နှင့် ပြိုင်ပွဲကြီး၏ ပထမဆုံးရက်သို့ ရောက်ရှိလာပေပြီ။ ပြိုင်ပွဲများကို မြက်ခင်းစိမ်းအတုများရှိသည့် YUSC(Yangon United Sports Complex)ကွင်းကြီးတွင် ယှဥ်ပြိုင်မည်ဖြစ်သည်။
ကနဦးယှဥ်ပြိုင်ရာတွင် အုပ်စုနှစ်စုခွဲထားပြီး ပတ်လည်စနစ်ဖြင့် ယှဥ်ပြိုင်ကြရမည်ဖြစ်သည်။
အုပ်စု(A)တွင် MC,Archi,EP, EC မေဂျာတို့ ပါဝင်ကစားမည်ဖြစ်ပြီး
အုပ်စု(B)တွင် Civil,IT,MPမေဂျာတို့က ပါဝင်ကစားမည်ဖြစ်သည်။
အုပ်စု(A)နှင့်(B)မှ အနိုင်ရရှိသည့် အသင်းနှစ်သင်းစီက semi finalသို့တက်လာမည်ဖြစ်ပြီး အသင်းလေးသင်းသည် semi final တွင် ရှုံးထွက်စနစ်ဖြင့် ယှဥ်ပြိုင်ကြရမည်ဖြစ်သည်။Semi final တွင် အနိုင်ရရှိသည့် အသင်းနှစ်သင်းကသာ finalသို့ တက်ရောက်ယှဥ်ပြိုင်ခွင့်ရရှိမည်ဖြစ်ပေသည်။
မေဂျာတိုင်းက လာရောက်အားပေးကြပြီး သောင်းသောင်းဖြဖြရှိလှသည်။ မေဂျာအလိုက်နေရာယူထားကြပြီး နားချိန်တွင် မိမိတို့မေဂျာကစားသမားများအတွက် ရေ/အချဉ်သီး အစရှိသည့် အားဖြည့်စာများကို ပြင်ဆင်နေကြသည်။
ပထမပွဲစဉ် စလေပြီ။
"ဆရာတို့ WYTU 2017 football match ကြီးရဲ့ ပထမဆုံးပွဲစဉ်ကတော့ ကစားသမားချောချောလေးတွေများတဲ့ mechanical နဲ့ ရော်နယ်ဒိုရဲ့မျိုးဆက်သစ် လို့ ကြွေးကြော်ထားတဲ့ Architectureတို့ပဲဖြစ်ပါတယ်..ကဲ အဖွင့်ပွဲစဉ်ကို ရင်ခုန်စိတ်လှုပ်ရှားစွာနဲ့ အားပေးလိုက်ကြရအောင်"
