Unicode
"ဖြစ်ပါ့မလားကွ"
"ဖြစ်မယ်ထင်တာပဲ..ငါ့အဘဆိုလွန်းလို့ နည်းနည်းတော့ နားရည်ဝထားတယ်"
"အဲဒါဆို ငါတို့က နည်းနည်းအရန်သဘောလေးပဲဆိုမယ်.. မင်းကဦးဆောင်ဆိုလိုက်ကွာ"
ချစ်တီးက အဆိုတင်သွင်းသည်။
"အေး ကြောက်စရာတော့မရှိပါဘူးကွာ.. ငါတို့မှားလည်း ဘယ်သူမှမသိပါဘူး.. တီးလုံးနဲ့ဆိုမှာပဲ.. flowအတိုင်းလိုက်ရွှီးကြတာပေါ့" ဟု
စာဂျပိုးကလည်း ခပ်မြူးမြူးဆို၏။
"အခုတင်ဆက်မယ့် အလှည့်ကျသူကတော့ Mechanical major က ချစ်စရာကောင်လေး ၄ယောက်ပဲ ဖြစ်ပါတယ်ရှင်..ထူးခြားတာကတော့ ဒီမောင်လေး၄ယောက်က ဒီshowမှာ ဘယ်သူမှ မဖျော်ဖြေရသေးတဲ့ မြန်မာသီချင်းကြီးတစ်ပုဒ်နဲ့ ဖျော်ဖြေသွားမှာပါ.. kpop dance, ခေတ်ပေါ်အကတွေ နဲ့ ခေတ်ပေါ်သီချင်းတွေချည်းပဲ တင်ဆက်ခဲ့လို့ ပျင်းနေကြပြီဆိုရင် တစ်ခေတ်တစ်ခါက နာမည်ကြီးခဲ့တဲ့ ဦးမင်းအောင် ရဲ့ "ရဝေ" သီချင်းကို ပြန်လည်ဆန်းသစ်မယ့် Mechanical major ကို အားပေးလိုက်ကြရအောင်လားရှင် "
Electronic engineering major 3rd yearမှ MC ဖြစ်သူ မမ၏ announcementအပြီးတွင် လက်ခုပ်သံများ၊ ရွှီးမှုတ်သံများနှင့်တကွ ရှေ့ဆုံးတွင်ထိုင်နေကြသော ပါချုပ်ကြီးနှင့် ဌာနမှူးများ၊ ဆရာ/မများကပါ စိတ်ဝင်တစားဖြစ်လာကြပုံပင်။
သူတို့၄ယောက် high fiveလုပ်ကာ stageရှိရာသို့ သွားကြတော့ အချင်းချင်းတွတ်ထိုးပြောနေကြသော စကားသံများကိုလည်း သဲ့သဲ့ကြားနေရသည်။
"ဟဲ့ ချစ်စရာလေးတွေပါလား"
"အူယားလိုက်တာ ငါ့မောင်လေးတွေသာ ဖြစ်လိုက်ပါတော့"
"ရှေ့ဆုံးက တစ်ယောက်ဆို ဆံပင်ကိုဘိုကေလေး ညှပ်ထားသေး.. အုန်းဆီလေးကလည်း ရွှဲလို့..အား ဒီကမမ heartထိသွားပြီ "
"မဟားတရားကြီးကို ချစ်ဖို့ကောင်းတာပါဟယ် "
ဒါကတော့ seniorမမတွေရဲ့ နှာဘူးစကားသံ အဲလေ ချီးကျူးစကားသံတွေဖြစ်ပါသည်။
Stageပေါ်ရောက်တော့ လွန်းမြတ်သာဒင်က မိုက်ခ်ကို ဟန်ပါပါကိုင်ကာ...
