Unicode
သာဒင်၏ ပရမ်းပတာ propose လုပ်ခံရခြင်းအကြောင်းသည် တစ်ကျောင်းလုံးတွင် ဟုန်းဟုန်းကျော်လျက်ရှိပြီး လူပေါင်းများစွာက အမျိုးမျိုးထင်ကြေးပေးကြသည်။
"ထိန်ညီးသစ္စာက မိန်းကလေးတွေတင်မကဘူး ယောက်ကျားလေးတွေကိုပါ ကစားတော့မှာလား"
"ဇယားအသစ်ရွှေ့တာပဲ နေမှာပါ"
"ဘာပဲဖြစ်ဖြစ် စိတ်တော့ဝင်စားစရာပဲ"
ထိုစကားသံများသည်
အလှပဂေးလေးများစကွက် ဝိုင်းထိုင်ရင်း စကားစမြည်ပြောနေကြသည့်နေရာနှင့် မဝေးလှသောကြောင့် စကားဝိုင်းက ထိုအကြောင်းကို ဦးတည်သွားသည်။
"တို့အဖွဲ့ထဲမှာ ထိန်ညီးရဲ့ ex ဖြစ်ဖူးတာ ဘယ်နှစ်ယောက်ရှိလဲ"
"၆ယောက်"
တစ်ယောက်က ရင်ဘတ်လေးဖိရင်း
"ဘုရားရေ ၇ယောက်ပဲရှိတာကိုလေ"
"ထိန်ညီးသစ္စာကို ဘယ်လိုလူမျိုးကများ ငြင်းနိုင်မှာမို့လို့လဲ"
အားလုံးက ယဲ့ယဲ့သာပြုံးလိုက်မိကြသည်။
"လွန်းမြတ်သာဒင်တစ်ယောက်လည်း ဘယ်နှစ်ရက်ခံလေး ဖြစ်မလဲပဲ ဟင်းဟင်း"
ဒုနှစ်က the whole princessက သရော်သလို ဆိုသည်။သူ့တုန်းကတောင် ၉ရက်ပဲ တွဲလိုက်ရတာ ဖြစ်သည်။
"ဒို့တော့ မထင်ဘူး ဝတ်ရည်..
အနည်းဆုံးတော့ သာဒင်လေးကို ကြည့်တဲ့ ထိန်ညီးရဲ့အကြည့်တွေက ဟန်ဆောင်နေတာမဟုတ်ဘူး..ဘယ်လိုဖြစ်ဖြစ် ဒို့က ထိန်ညီးနှစ်ပတ်အတိ တွဲခဲ့တဲ့သူမို့ သူ့မျက်လုံးတွေကို ဖတ်တတ်တယ်"
ဝတ်ရည်နှင်းစက် က ခပ်ရွဲ့ရွဲ့ပြုံးသည်။
"စောင့်ကြည့်ရသေးတာပေါ့"
....................................💕
"အိမ်း..တကယ်စိတ်မကောင်းဖြစ်ရသလို သံဝေဂလည်းရမိတယ်..လူတွေဟာ နောက်ဆုံးတော့လည်း အနိစ္စ သဘောတရားကို ဘယ်သူမှ လွန်ဆန်နိုင်ကြမှာ မဟုတ်ပါလား..."
ပါချုပ်ကြီး၏ စကားသံအဆုံးတွင် အားလုံးက မျက်နှာမကောင်းကြ။ကျောင်းသားများသည် မိမိတို့အားလုံး ချစ်ခင်လေးစားကြရသော အင်ဂျင်နီယာသင်္ချာဌာနမှ ဆရာကြီးဦးဌေးမြင့်၏ နောက်ဆုံးခရီးဖြစ်သော ရက်လည်ဆွမ်းသို့ စုဝေး ရောက်ရှိလာကြခြင်းဖြစ်သည်။ပင်စင်နီးနေသော ဆရာကြီးသည် ရုတ်တရက်ဆိုသလို နှလုံးသွေးကြောပေါက်ကာ ကျောင်းကြီးကို နှုတ်ဆက်ခဲ့ပြီဖြစ်သည်။
