Unicode
"မင်း အဲကောင်ကို ခုချက်ချင်း ဖုန်းဆက်ပြီးခေါ်လိုက်စမ်း"
စာဂျပိုးက ဒေါသတွေထွက်ပြီး တရှူးရှူးတရှားရှား။
"ဟာ ငါမခေါ်ချင်ပါဘူး"
တရားသမားက ခေါင်းလေးခါပြီး ငြင်းသည်။ လူသတ်မှုဖြစ်ရင် သူပါအဆစ်ပါနေဦးမည်။
"ခေါ်လိုက်စမ်းပါ..ငါ အဲကောင်နဲ့ ဒီနေ့မှစာရင်းမရှင်းရရင် လူမလုပ်တော့ဘူး"
"စိတ်လျှော့ သည်းခံ......"
"တိတ်"
အေးချမ်းတစ်ယောက် ကိုယ့်ပါးစပ်လေးကိုယ် အသာပိတ်လိုက်ရသည်။ သာလွန်းပိုင်က ခုနေများ သွားထိလိုက်လျှင် မီးထတောက်တော့မည့်နှယ်။
"ခု ဆက်"
ကြောက်ကြောက်နဲ့ပဲ ဖုန်းကောက်ဆက်လိုက်ရသည်။
..................................💕
အားကြိုးမာန်တက် စာသင်နေသော ဆရာမကို ရှေ့ထား၍ နိုင်လွန်တစ်ယောက် အိမ်မက်ကမ္ဘာထဲတွင် နိဗ္ဗာန်လေးနှင့် နှစ်ကိုယ်တူယှဉ်တွဲကာ ပျော်မွေ့နေသည်။ နိဗ္ဗာန်လေးကို အာဘွားပေးတော့မည့်ဆဲဆဲတွင် အလိုက်ကမ်းဆိုးမသိ ဖုန်းသံက ထမြည်သည်။
တောက်စ် ဒီချိန်မှာမှ ဖုန်းဆက်တဲ့ကောင် ပြာချပစ်မယ်။
အိပ်မှုန်စုံမွှားနှင့် လင်းနေသော ဖုန်းမျက်နှာပြင်ဆီ အကြည့်ရောက်တော့....
ပလုတ်တုတ်တုတ်...
'နိဗ္ဗာန်ငယ်လေး'တဲ့လား။
ပါးကို တစ်ချက်နာနာရိုက်လိုက်ပြီး မျက်လုံးဖြဲကြည့်လိုက်သည်။ ငါလည်း မြင်ချင်ရာတွေ မြင်နေပြန်ပြီ။
ဖုန်းကတစ်ခါကျသွားပြီး နောက်တစ်ခါပြန်မြည်သည်။
'နိဗ္ဗာန်ငယ်လေး'
သူအကြည့်မှားတာမဖြစ်နိုင်တော့။တကယ်ကြီးကို သူ့နိဗ္ဗာန်လေးဖြစ်သည်။
လူတစ်ကိုယ်လုံးလေပေါ်မြောက်တက်သွားသလိုခံစားလိုက်ရသည်။ သူ့နိဗ္ဗာန်လေးက သူ့ကို ဖုန်းစဆက်သတဲ့လား။ အဟိဟိ။
"လိုဟယ်"
"ဗျာ"
ဟိုက် သွားပြီ။ ပျော်လုံးဆို့ပြီး ဘာတွေထွက်သွားပါလိမ့်။ မရှိတဲ့ အရှက်တွေတော့ကွဲပါပြီ။
