Unicode
"မင်္ဂလာပါ ညီလေး၊ ညီမလေးတို့"
"မင်္ဂလာပါ"
"အစ်ကိုတို့က WYTUရဲ့ activity clubတွေထဲက တစ်ခုဖြစ်တဲ့ hiking & mountaineering club ဖြစ်ပါတယ်..ပထမဆုံးအနေနဲ့ အစ်ကိုတို့ clubကနေ ပထမနှစ် ညီငယ်ညီမငယ်လေးတွေကို လှိုက်လှိုက်လှဲလှဲကို ကြိုဆိုပါတယ်ဆိုတဲ့အကြောင်း ပြောချင်ပါတယ်"
"ဒီနေ့လာခဲ့ရတဲ့ အကြောင်းကတော့ အစ်ကိုတို့အနေနဲ့ ဒီ hiking & mountaineering club အကြောင်းကို မိတ်ဆက်ပေးရင်းနဲ့ tripတစ်ခုကို စီစဉ်ထားတဲ့အကြောင်းကိုပါ အသိပေးချင်လို့ပါ"
"WYTU Hiking Clubလို့ ဆိုပေမယ့် အခုအချိန်ထိ ကျောင်းအနေနဲ့သီးသန့်ထွက်တဲ့ ခရီးစဥ်မျိုးတော့မရှိသေးပါဘူး..သဘာဝခေါ်သံဖောင်ဒေးရှင်း(Invitation of Nature)က ဦးဆောင်စီစဥ်တဲ့ ခရီးစဥ်တွေမှာ ပါဝင်လိုက်ပါနေတာဖြစ်ပါတယ်"
"တောင်တက်ခရီးစဉ်တွေမှာ အကိုတို့က Soft,Medium, Trekking နဲ့ Razi ဆိုပြီး အလွယ်မှတ်ရအောင် အမျိုးအစား ၄ခု ခွဲထားပါတယ်..softက အပင်ပန်းမခံနိုင်သူတွေအတွက် သင့်တော်တဲ့ တောင်တက်ခရီးမျိုးပေါ့.. mediumကတော့ မြင့်မြင့်မားမားရှိတဲ့ တကယ့်တောင်မျိုးတွေကို တက်ရမှာပါ..trekking ကကျတော့ မိုင် ၅၀/၆၀လောက်ထိတောင် လျှောက်ရတဲ့ long range အမျိုးအစားဖြစ်ပါတယ်.. နောက်ဆုံးတစ်ခုဖြစ်တဲ့ Razi ကတော့ ရေခဲတောင် / နှင်းတောင်တွေကို တက်ရတာဖြစ်တဲ့အတွက် ပင်ပန်းမယ့် ခရီးစဉ်မျိုးပါ "
အားလုံးက ငြိမ်သက်စွာ နားထောင်နေကြသည်။
"First termကလည်း မကြာခင် ရောက်လာတော့မှာဆိုတော့ ပထမနှစ်ဝက်စာမေးပွဲကြီး မဖြေခင် အမှတ်တရလေးဖြစ်အောင် tripလေးတစ်ခုသွားဖို့စီစဥ်ထားပါတယ်..ညီလေး၊ညီမလေးတို့အတွက် ဒီကကျောင်းသူ/သားတွေအနေနဲ့ ပထမဆုံးအကြိမ်သွားရမယ့် ခရီးစဉ်လိုမျိုးဖြစ်တာကြောင့် အမှတ်တရကောင်းတွေ အများကြီးပေးနိုင်လိမ့်မယ်လို့ မျှော်လင့်ပါတယ်...လိုက်မယ်ဆိုရင် ခုကတည်းက စာရင်းပေးလို့ရပါပြီ"
ထိုစကားသံအဆုံး လှုပ်လှုပ်ရွရွ ဖြစ်လာကြသော ပထမနှစ်ကျောင်းသား/သူလေးများမှာ လိုက်မယ်၊မလိုက်ဘူး ငြင်းခုန်ကြရင်း အနည်းငယ်ဆူညံလာတော့သည်။
