الحلقة الثانية عشر
وعدينا خلاص وانا قلبي واجعني وركبنا ف الطيارة واقلعت الطيارة ونا مقمعزة سمعت حد ناداني برمت وجي ونلقاه ليث
نا:: هيي شن ادير هنا
ليث:: انتي الي شن اديري هنا نا مروح
نا:: ماشيه نقرا نا وامجد واريج بس مش كانت طيارتكم المفروض امس
ليث:: هيا المفروض بس باتي طلعله شويه شغل وبعد عرفنا ان في رحلة اليوم اجلناها
نا:: اهاا
ليث:: فاضي الكرسي هضا نقمعز عادي
نا:: اها فاضي
ليث:: باهي قيس يعرف انك جاية
نا:: خنقتي العبرة لا وياريت متقولش
ليث:: ليش يانونا انتي تقسي عليه وعلي روحك هكي
نا:: ليث ارجوك بس انا توا شبه مخطوبة وبعدين قيس هوا الي اختار هكي
ليث:: نونا اسمعيني نا نعرفك من وانا صغير وكبرت معاكي وممكن كنت قريب منك اكثر حتي من قيس باعتباري كبرك ونقرا معاكي من ونحنا صغار وحافظك حفظ يانونا انتي مزلتي تحبيه واضح عليكي
نا:: نقدرش ننكر اني مازالت نحبه قيس حب طفولتي بس حط روحك مكاني لو حبيت وحده اكثر من روحك بعدين بدون مقدمات او سبب مقنع تسيبك وتقولك كلام يجرحك عشان تكرهك فيها
ليث:: انا مش من حقي نحكي بس قيس داس عليكي حاجة مهمة بكل وهيا الي خلاته يسيبك ويتعذب عشانها واخرا قيس هوا الي كان سبب جيتنا لايطاليا جينا عشانه هوا عشان حاجة تحدد مصيرة ومنقدرش نقولك اكثر من هكي بس صدقيني فكري قبل ماتندمي متضيعيش علي روحك وعليه حياة كنتو المفروض من زمان تعيشوها
نا:: نسمع ف كلامه وخنقتني العبرة ساد ماان مسيبه هلي وجاية نقرا واخرا نسمع كلام يعذبني زيادة ليش هكي
ليث:: انتمني تاخذي كلامي علي محمل الجد وتفكري كويس
نا:: يسير خير
وعدا ليث وانا قعدت مسنده راسي ع الروشن ونفكر ف كلامه تي ليش هكي بس وشن داس عليا شكلا موضوع خطير الي كلهم مدققين عليه ونعست وانا نفكر لان امس طول الليل مرقدتش وانا مضبطة ماما ومنضتش الا علي صوت امجد يهز فيا
امجد:: نونا هيا وصلنا
نا:: اه هيا هي
وفكيت الحزام ونزلنا م الطيارة وطولنا ونحنا انتموا ف اجراءات الخروج واخيرا بعد ساعة ونص طلعنا لصالة القادمين ونا ماشيه ندف ف الحمالة تاع الشناطي نلقا قدامي قيس ويلعب بالفون امتاعه وشكلا يرجي ف هله حاولت نمشي بسرعة عشان مايشوفنيش بس امجد خرب كل حاجة
امجد:: اوووو قيس شن ادير هنا
قيس:: ( رفع راسه وكانت فعلا علامات الصدمة واضحه عليه ووجه شاحب ورايح ناقص) نستني ف هلي تي انت الي شن ادير هنا ي راجل
امجد:: كيف معندكش العلم جاي نقرا هنا نا وخواتي وباتك هوا الي تمنلنا امورنا كيف مقالكش
قيس:: لا والله مجابليش سيرة روما نورت والله وبحت فيا
نا:: ساكته ومحكيتش ولا كلمة ونبحت فيه وهوا يحكي مع امجد ويبصر ويضحك نبي نملى عيوني منه اوعر حاجة واوعر احساس لما تحبي حد اكثر من روحك والظروف تقعد ضدكم تقعدي تموتي ف اليوم ميه موته شعور من بشاعته منوصفش
أنت تقرأ
#لعبة_القدر 💚(روايات ليبية) بقلم الكاتبةBent_benghazi#
Roman d'amourرواية ليبية شرقاوية مميزة 💚
