الحلقة السادسة عشر
محمد:: قيس
قيس:: برم عليه وعطاه بوكس لعند وجه برم وخشمه قعد دم
محمد:: رفع وجه وقعد يمسح ف خشمه
قيس:: "يمسكة من قميصة من فوق ويقعد يهز فيه "
تبي تقتلها انت كيف تسمح لروحك تشك ف شرفها كيييف هضا وانت ولد عمها تي نسمة اشررف م الشرف متريح توا وهيا طايحه ف المستشفى و قاعده بين الحياة والموت
محمد:: دف قيس. وقعد يدف فيه قالتها لكي دازتك عشان تاخذلها حقها دازتك عشان تقولي ان عمرها ماحبتني قاعدة تثبتلي انها وافقت بس عشان تقعد معاك
قيس:: "يمشي يدف محمد ويطيحه ف البحر ويقعد يغطسله ف راسه " تي فهمني كيف تحبها وانت متعرفش توثق فيها كيف تقول تحبها وانت اتهمتها ف شرفها واتهمتها بالخيانة انت عارف ان كنت كلما نحكي مع نسمة ونحاول نعبرها علي مشاعري كانت تمشي وتسيبني وتقولي انا منحسبه علي راجل اخرا ومش حنوطي راسه تي انت متستحقققققش ظفرها تسمع فيا ولالا
محمد:: يقلب قيس ويقعد يضرب فيه تي نحبها من حبي لها خايفها تضيع من يدي من حبي شكيت فيها بدون قصدي وقلت كلام بدون مانحس ان حيجرحها ومكانش قصدي نجرحها
قيس:: يفك ف روحه من محمد عاااااارف واقسم بذااات الله لو قربت شور نسمة مره اخرا حنقتلك تسمع فيا ولالا نسمة تحرم عليك ليوم الدين وطول مافيا نفس مش حتشوف ظفرها
محمد:: "صبا من علي قيس" توا داير روحك.تحبها ليش تسيب فيها سنتين مادام تحبها انا نحبها طول عمري وساكت ووقت الي جيتها كانت مجروحة كلما نحكي معاها كانت دمعتها علي خدها توا بعد وافقت عليا حلت ف عينك وقعدت تخش بينا ليييش فهمني انت الي خربت علاقتنا انت
قيس:: انا عمري ماسيبتها وطول عمري نحبها بس ظروف هنا خلني نبعد عليها لاني خايف عليها بس مقدرتش نبعد اكثر وقمعز علي ركبيه وقعد يبكي من يوم ماوعيت ع الدنيا وانا نحبها طول عمري ونحلم امتا تبقى حلالي قلبي ماعمره دق لغيرها وحتي بعد ماسيبتها كنت عارف ان مش حتحب غيري عارف ان انا لعنة نازل عليها ومش حتنساني بس قلت نجرب
محمد:: قعد يسقم ف دبشه ويمسح ف وجه من الميه وجا قمعز جنب قيس كيف حالها نسمة
قيس:: توا جاي تسأل علي حالها قاعده طايحه لا تاكل لا شي وجايها انهيار عصبي كله منك انت كله منك لو صارتلها حاجة صدقني حنقتلك
محمد:: انت الي خربت بينا كنت انت الطيف الي مخرب علاقتنا والي انا مكنتش قادر نشوفه كنت كلما نقرب منها طيفك يبعدها عليا لو انت تحبها زي ماقلت ليش تسيب فيها ليش تنزل ف دمعتها
قيس:: تنزل دمعتها توا وتنساني خير مابعدين متقدرش تعيش بدوني
محمد:: شن تقصد
قيس:: صبا منقصد شي وصدقني لو قربت شورها مش حنرحمك
محمد:: انا مستعد نموت عشانها
قيس:: متتحدانيش لانك حتندم
وركب سيارته وعدا ومحمد نفس الشي بس الفرق ان قيس روح لحوشهم ومحمد رن علي امجد وخذا عنوان المستشفى وعدالها
امجد:: اووو ابو احميد امتا جيت ياراجل
محمد:: والله الحق من كم يوم كان عندي شغل ف المستشفى
امجد:: وليش ماقتلي انك هنا ي واطي فيها حق هذي
محمد:: حقك عليا يامعلم بس قولي شن اخبار نسمة توا
امجد:: لا الحمدلله توا احسن من قبل خش جوا عشان تشوفها
محمد:: هيا هي
