الحلقة الواحد والثلاثون
وركبنا فوق لدارنا وحط قيس الشناطي وطلع من الدار وانا غيرت دبشي ولبست تنوره سودا طويله وعليها بلوزة بيضا وقعدت انتمم علي دبشي عشان بكرا طياتنا ونسمع صوت قيس برا عاالي ويهزب وصوت بكاء حطيت اشرب علي راسي وطلعت نجري ونلقى انسام. ع الارض وتبكي وقيس يهزب ف ليث وعمتي ف نصهم وتحاول تهديهم ومشيت نجري
نا:: كنكم شن في
قيس:: بصوت عالي نسمة خوذي انسام معاكي للدار
نا:: حاضر باه
ومشيت شور انسام وقعدت نصبي فيها ومحوتك بيش صبت وتبكي وتعرج علي كراعها
ليث:: تحركي من قدامي را نكمل عليكي يانعن ...
قيس:: دفه تي اس خلاص صكر فمك
عمتي:: بالشويه الله يربحكم تو يجي باتك يسمعكم
قيس:: خليه يسمع خليه يشوف خيبة ولده
عمتي:: باهي خشو احكوا جوا
قيس:: نسمممممة تحركي جوا
نا:: حاضر اهو قاعده نمشي فيها
وخذيت معايا انسام للدار ومحوتك بيش قدرت تمشي وخششتها وقمعزتها ع السرير ورقدت وقعدت تبكي ونا حولت اشربي وجيت قمعزت جنبها
نا:: كنكم شن في
انسام:: كرهتها العيشة الي هكي انا كرهتها
نا:: وسعي بالك غير قولي شن في بس حاولي تقمعزي
انسام:: اهئ ظهري مش قادرة
نا:: ضربك ليث
انسام:: تبكي اهاا
نا:: قربت منها واضبطتها خلاص باهي معش تبكي اس خلاص شن درتي انتِ باهي لعند ضربك
انسام:: وحده حيوانه كانت معايا ف المدرسة. ايام وانا ف ليبيا طايحه ف ليث خويا ومن زمان تقولي ديريلي معاه جو وانا نفوت فيها وجت حتي ف عرسك تدحنس عليه
نا:: باهي
انسام:: اهئ اي يدي
نا:: ياروحي معش تحركيها كمليلي باهي
انسام:: امس كلمتني قالتلي حصلته رقم خوكي وكان مااديريلي معاه لقطة نوريك
ونا قلتلها خويا واعر ومش امتاع الجو هضا رنت عليا امبدري دروحها تعتذر مني وهيا مازالت تحكي خش عليا ليث ومعصب وعيونه كلهن شر
نا:: باهي
انسام:: وكر من يدي الموبايل وحطه علي سبيكر بس المصيبه ان لما خذاه هوا تكلم شاب وقال. حبيبي وين رحتي
نا:: هيييييي طح سعدها
انسام:: تبكي وبدا يضرب فيا علي خشت قيس ومبش حتي يسمعني وانا والله عمري ماكلمت شاب ولا درت علاقة كله عشان خوتي
نا:: عارفتك ياروحي والله عارفتك
انسام:: نا خايفه قيس وماما يصدقوا ويحسابوها صاح
نا:: ماعليكي فيه قيس تو نحكيله انا
انسام:: اضبطتني وقعدت تبكي ليش هكي يسيرلي انا والله كان ليث قالها لأيمن ولا صلاح حيقتلوني لولا قيس جا كنت متت بين يديه وياريتني غير نستحق الضرب
نا:: اس خلاص مش حيسيرلك شي وقيس قاعد
انسام:: قيس مش قاعدلي ديما
نا:: شن قصدك
انسام:: ماقصدي شي
نا:: ربي يطول ف عمره ويخليه ليا ولكم
انسام:: تحبيه
نا:: اه كان نحكيلك كلمة نحبه شويه عليه خوكي يانوسا النفس الي انتنفسه لو صارتله حاجة انا حنموت وراه
انسام:: بعيد السو عليكم ياخيه
نا:: نجك ليا
انسام:: حتي هوا يحبك ووقت الي سيبتو بعضكم تغير بكل وقعد ديما مكتأب كلنا لاحظنا ان بعد رديتو قيس ردتلا الضحكة
نا:: الحمدلله شن تحسي ف روحك احسن توا
انسام:: هههه. الله مااحسن جسمي كله متكسر غير نضحك من القهر
نا:: حاولي ترقدي باهي شويه
انسام:: شيليني لداري باهي
نا:: هيا صبي باهي
