الحلقة الرابعة والخمسون
وولعوا الاغاني وقعدوا كلهم يركبوا للمسرح ويباركوا وركبنا انا وماما وخواتي وقعدنا نرقصوا ومشا الجو يهبل وشويه هكي شفنا وحده راكبه ع المسرح وجايه شورنا وكلنا تفاجأنا ووعماد كان يهدرز مع لولي برم وجه وشافه ريهام وانصدم ولولي بعد شافتها انفجعت لان كنا كلنا نعرفوها باعتبار انهم خاطبين
ريهام:: عيونها دموع ومدت يدها مبروك ياميدو
عماد:: مبش يمد يده يبارك فيك
ريهام:: مدت يدها لـ الآء. مبروك عليك ميدو
الآء:: مدت يدها ومصدومه وترعش
ريهام:: دارت بروحها بتسلم بالخد وجت عند وذنها صدقيني مش حنخليك اتهني بيه
الآء:: منصدمة من وقاحة ريهام
نا:: جيت شورها ومسكتها يلا انزلي بطلي فضايح
ريهام:: مش جايه انديز فضايح خطيبي وجايه انباركله
نا:: مسكتها وانزل فيهاا تركبي هكي بشكلك هضا مقدرتيش تلبسي عبايتك
ميرال:: جت ورايا وخذت ريهام ونزلتها
نا:: مشيت لعماد وطبست عليه قالت حاجة لـ لولي راه وجها تلخبط
عماد:: هـ الحمارة هذي من خلاها تركب
نا:: خلاص توا ماتخليهش تخرب فرحتكم
ميرا:: مشت لامتاع الدي جي وخلتها تغير الاغنية
عماد:: مد يده لـ الآء ترقصي
الآء:: ابتسمت وصبت
وقعدوا يرقصوا وبعدها قصوا التورته وقعدوا يصوروا وصورنا معاهم نحنا وريهام تبحت فيهم والشر كله ف عيونها
عماد:: هياا نمشو
الآء:: هياا
وصبو هما الاثنين ونزلو ماسكين يدين بعضهم والقاعة كلها. عيونها عليهم والي يزغرت والي فرحان والي مقهور وعمتي قعدت تبكي ونحنا نسكتوا فيها وحيدتها عاد وطلعوا ف الرسيبشن وطلعنا وراه انا وماما وخواتي وعمتي
الآء:: تبحت ف امها وعيونها معبيات دموع
عمتي:: جت حضنتها ردي بالك من روحك ومن راجلك حطيه ف عيونك
الآء:: قعدت تبكي حاضر
عمتي:: تحاول تمسك روحها بس مقدرتش وقعدت تبكي حتي هيا
ماما:: هييي كنك مع البنت ياسالمة مش بعيد راه قاعدة عند خالها
عمتي:: الحوش بيفضى عليا ياليلي
عماد:: خلاص عاد ياعمتي تو نجيبها لكي ديما
الآء:: خلاص معش نبيك نبي نروح مع ماما
عماد:: البنت انهبلت جيبي الكاب يانوناا جيبي
نا:: هههههه هاك
وخذا مني. عماد الكاب ولبسه لهاا وسلم علي ماما وعمتي وطلع بيهاااا وركب ف سيارته وكان يسوق بيه امجد ودارولا زفه جهاد وباقي اصحابه وقيس ورجاله خواتي وعمر وسراج. ووليد وعبدالله وقعدو يمتعوا. قدامهم والعاب ناريه وجو والآء ماسكة ف يد عماد وقريب تموت من الخوف وروحوا اغلب الناس ونحنا قعدنا نستنوا ف السيارات يجن وقعدنا نصوروا وضحك وجوو وروحوا عيت عمي وفضت القاعة وقعدنا فيها نحنا وخذينا باقي الحاجات الي زادن ولبسنا عبايتنا وقعدنا نستنوا فيهم وكل مره جاي وااحد منهم وروحن خواتي كلهن وقعدت انا ورؤى وخالتي بس وشويه هكي وجا عمر وجا وراه قيس وطلعت خالتي ورؤى مع عمر وطلعت انا ركبت مع قيس
