الحلقة الثالثة والأربعون
منى:: نبي نحكي معاكي في موضوع مهم
ياسمين:: خير ان شاء الله
منى:: والله مش عارفه كيف نبي نقولك بس كلام ماينقالش
ياسمين:: احكي متخوفينيش
منى:: بصراحه سمعت منية اختي تحكي مع خديجة بنت خالتي عليكي
ياسمين:: انفجعت شن يحكن
منى:: سمعتهن يقولن
خديجة:: اهوو كملته الايميل قعد باين ان امتاع شاب
منية:: ياما يطلع منك يلا توا خلينا ندزولا
خديجة:: يلا اندز اضافة بس ان شاء الله يقبل
منية :: لا مش حيقبل مفيش داعي تضيفيه احكي ع الرسائل
خديجة :: باهي هاتي المعلومات الي كتبتيهن عليها
منية:: هاكي هي نوريها الوسخة ياسمين ونخليها اتمنى خويا وماتحصله
خديجة:: حي علي امه رد عليا وقعد يفلم
منية:: فوتيها خويا فلام عارفته هاكي دزي الصور عشان ايتأكد
خديجة:: هههه دزيتها وااو مش مصدقه بس ان شاء الله تجيب نتيجة
منية:: اكيده حتجيب نتيجة ويروح خويا بروحه من ايطاليا
خديجة:: ونقعد انا مرات خوكي الجديدة ههههه
منية:: اصلا لو ملعبتيش بذيلك وحكيتي مع واحد اخرا مكنش خويا فسخ خطبته بيكي
خديجة:: خلاص المهم توا بيردلي
منية:: توا حسيت قلبي برد وحنخربلها حياتها كيف ماخربتلي حياتي
ياسمين:: قعدت تبكي منى متأكدة من الكلام الي تقولي فيه
نا:: نبحت فيها ومنصدمة ومش فاهمة شي
منى:: وراس بابا كيف مانحكيلك وانا لاني نحبك وعارفتك مقدرتش نقعد ساكته
ياسمين:: باهي كان حكيت لرياض مستعدة تشهدي معايا
منى:: اكيد نشهد
ياسمين:: شكراً بجد شكراً وحنحتاجك
منى:: وانا ف الخدمة تصبحي علي خير
ياسمين:: قدامك الخير
نا:: سومه شن في احكي
ياسمين:: قعدت تبكي تخيلي صبيتي اتبلى عليا وبتخربلي بيتي
نا:: شن قاعدة تحكي انتِ اين من صبياتك
ياسمين:: منية
نا:: شن قالتلك منى
ياسمين:: قالتلي .......وحكتلي كل الي قالاته
نا:: خديجة كانت خطيبة رياض
ياسمين:: اهاا من زمان بكل وكشفها تخون فيه وتكلم ف وحدين اخرا سيبها وبعدها تعرف عليا
نا:: ومنية شن مصلحتها ليش ادير هكي
ياسمين:: قعدت تبكي وتحكي زمان وقت الي كنت مخطوبة لرياض كانت منية مصاحبة واحد وصايع بكل وامتاع بنات
نا:: باهي
ياسمين:: واصلا مكانش يحبها يمشي معاها ف وقت بس وكم مره يحاول يدزلي ويبي ياخذ رقمي
نا:: باهي
ياسمين:: وبعد عرفت ان هيا مصاحبته مشيت قلتلها راهو صار صار وصاحبها بعد عرف اني نعرفها مشا سيبها وقاللها متشرفينيش انك تعرفي وحده زيها ومشعارف شنو ومن يومها حطت الحق عليا واني انا الي فرقتهم
نا:: تؤتؤتؤ وهيا ليش الحقد هضا مفروض تحمد ربها انك خلصتيها من مصيبه كانت حتجي فوق راسها
ياسمين:: عمرها ماحتفهم ومن يوم مااجوزت وهيا معاملتها زفته معايا عكس كل خواتها
نا:: سبحان الله ناس اديري فيها خير تلقي شر
ياسمين:: شن اندير انا توا
نا:: نحكو لقيس ونخلوه هوا يحكي مع رياض مش ممى قالت نشهد معاك
ياسمين:: ومفيش الا هكي اصلا
نا:: توا ارقدي سلم خيتي وامسحي دموعك وان شاء الله اهو تو تنحل
ياسمين:: ان شاء الله
