الحلقة التاسعة والثلاثون
محمد:: اسف طولت
نا:: لا عادي
قيس:: شن اخبارك
محمد:: الحمدلله انت شنو تحس ف روحك احسن
قيس:: لا الحمدلله تمام بككل
محمد:: باهي تمام تبو حاجة معينه ولا نطلب علي ذوقي
نا:: لا عادي علي ذوقك
وطلب محمد الاكل وقعدنا ناكلوا
نا:: خير ان شاء الله شنو الموضوع الي تبي تحكي فيه
محمد:: مشعارف كيف نبدا
نا:: احكي عادي
محمد:: ف عرسكم. خبطت فيا بنت وهزبتها وبعدها شفتها اكثر من مره عندكم وبعد سألت عليها قالولي صحبتك
نا:: فرحت شن شكلها باهي
محمد:: قصيرة وارقيقه وبيضا وعيونها زرق
نا:: ههههه ماشالله حافظها حفظ
محمد:: بلا سماطه يلا تعرفيها
نا:: تي هذي مروه صحبتي
محمد:: مروه مروه الي كانت مسافرة
نا:: اهاا هياا روحت من قبل عرسي واستقروا خلاص ف بنغازي
محمد:: اهااا
قيس:: شن القصة ياابو احميد مكبد ولا كيف
محمد:: تي اين تكبيد ياراجل وجي وجه تكبيد بس الحاجة تصر عليا واجد وتبي تزوجني وانا منحبش ناخذ وحده منعرفش والبنت هذي بصراحه تريحتلها من اول شفتها وتريحت زيادة بعد قالولي صحبة نسمة
نا:: باهي تمام مروه بنت ماشالله عليها ومعندهش علي جو الصحبة والجو هضا
محمد:: والله باهي تمام يعني نفسي
نا:: هههه اها نفسك تبيني نكلمها لكي
محمد:: ياريت ويكون احسن نعرف رايها قبل ماندز امي
نا:: حاضر تو نحكيلها
وكملنا الاكل امتاعنا وهدرزنا وضحكنا وحسيت ان علاقتي بمحمد متغيرتيش وقيس بروحه اقتنع ان محمد ولد عمي وبس وكيف خويا وعدا محمد للمستشفى ونحنا قعدنا انتمشوا
قيس:: شن رايك ف الي قاله محمد اليوم
نا:: الحق فرحني كلامه لان بدا يقتنع يكمل حياته انا من قبل كنت نحس تجاهه بالذنب بس بعد كلامه اليوم حسيت روحي تريحت
قيس:: ورايك انتي ان مروه حتوافق
نا:: ع الاغلب لان هيا مفيش حد تراجي فيه او مرتبطة ومحمد ماشالله عليه دكتور وبشغله وبحوشه والاهم من هكي ان عاقل ومش كيف باقي الشباب
قيس:: بس فرق العمر ممكن يكون سبب عشان ترفضه
نا:: لا عادي وبعدين محمد مازال شاب مش شايب يعني حتي لو كان ف الثلاثينات انا نقول حتوافق
قيس:: ان شاء الله توافق وتقدر تسعده لان بجد محمد يحشم فيا والي داره معايا مايديرش الخو مع خوه
نا:: اي والله امتا مروحين نحنا
قيس:: عليش مليتي
نا:: لا بس رايفت ع الحوش ونبي نلحق ع السمستر هضا قريب يبدا التسجيل
قيس:: مازال اسبوعين ع التسجيل
نا:: يعني مش حنروحوا
قيس:: لا حنروحوا لكن قبلها حنمشو لمكان اخرا
نا:: وين حنمشو
قيس:: خليها مفاجئة
نا:: وقفت حبيبي عاااااد هيا قولي وين حنمشو
قيس:: باسني علي جبهتي مش حنقولك
نا:: ههههه ماشي ياسيدي ياخبر اليوم بفلوس بكرا ببلاش
قيس:: هههه يلا امشي
نا:: لا نخاف منبيش نمشي من الجسر
قيس:: تي غير هيا
نا:: والله نخاف منقدرش
قيس:: ماشي ياستي يلا امشي من هنا
