الحلقة الثامنة والعشرون
وصبا قيس ووسقملي الفيلو ومشينا وبعد جيت نبي ننزل نزل عليا ورفعني ونزل بيا والقاعة كلها قعدت تصفق
نا:: ههههه نزلني ياهبل
قيس :: اس را اندير العار
نا:: ههههههه وبسته علي خده
وطلعنا للرسيبشن ونزلني وطلعن خواتي وماما وام قيس وخواته
قيس:: هيا ياانسام عطيني الكاب
انسام :: هيا هي
نا:: عيوني تعبن دموع وجيت بنبكي
قيس:: بحت فيا ولمني لصدره وبحت فيهم فكوني من الدراما والبكاء اه حتي تسليم مفيش داعي
ماما:: رد بالك منها
قيس:: ف عيوني
ام قيس :: ربي يحفظكم
وجت انسام ولبستني الكاب وسقمه ليا قيس وجينا بنطلعوا يجي قدامنا محمد
محمد:: مد لقيس يده مبروك
قيس:: سلم عليه بالاحضان يبارك فيك
محمد:: قرب مني وباسني علي راسي من فوق الكاب حطيه ف عيونك
نا:: ان شاء الله
قيس:: منصدم من لقطة محمد وكيف جاته الجرأة يجي يزف حبيبته لغيره
محمد:: نونا ف امانتك راه
قيس:: كون هاني متخفش
وطلعنا ركبني قيس قدام وسكر الباب وجا ركب جنبي وولع السيارة ومشا وورانا خوته واصحابه وخوتي والشباب كلهم يزفوا فينا والعاب نارية وجو وولع المسجل وحط اغنية
الليلة رايحين علي بيتنا ويارب يكمل فرحتنا
الحب الي هيبقى ثالثنا ويصحى الشوق وننام
ارقص وافرح كده من قلبك دانا والله ياحبيبي بحبك
وهعيش عمري ياحبيبي وانا جنبك ودي مش عايزة كلام
وقعدت نسمع ف الاغنية تهبل كانت وحطيت يدي علي يده مشا باسها ليا
قيس:: انا بحلم ولا بعلم
نا:: ههههه بعلم وحياتك
قيس:: والله العظيم نحبك باهي
نا:: انا فتت الحب بلاك مليش حياة
قيس:: نجك ليا انتي كبيدتي
نا:: مزلت مش مصدقة قاعده معاك ف السيارة وماشيين مع بعضنا
قيس:: تبي تصدقي
نا:: هههه لا خلاص صدقت
قيس:: فتح الروشن امتاعه وقعد يعيط بصوت عالي نحبببببببببببببببببك
نا:: ههههههه اس ياهبل
قيس:: نحببببببببببببببك
(ليث وعمر كانوا ف نفس السيارة ويسوق عمر جو قريب منه )
عمر:: غير اهدا ياااعريس اهي قاعده جنبك
قيس:: ههههه نحبها شن اندير
ليث:: الليلة ليلتك ياعرييس متحشمنش معاها بس
قيس:: امشي ياامسخ يلا وجوهكم
وسكر الروشن وعدا يجري وفاتهم
نا:: حبيبي كنك ماشي شور البحر
قيس:: اجرت شاليه عشان ناخذوا راحتنا احسن م الفندق
نا:: اهاا
نا:: ودبشي جبته
قيس:: اهاا جت امبدري ياسمين هنا ونضمت كل حاجة
ووصلنا للشاليه وجا قيس فتحلي الباب ونزلت وعدينا للشاليه وفتح الباب وجيت بنخش
قيس:: استني
نا:: نخش باليمين عارفه
قيس:: بحت حواليه ملقش حد رفعني وخش بيا وصكر الباب بكراعه
نا:: مستغني علي ظهرك اليوم
قيس:: مستعد نرفعك العمر كله
نا:: نجك ليا
