الحلقة التاسعة والأربعون
صهيب:: حبيبي كنك متوترة اهدي
ميرا:: خايفه يابيبي خايفه يقولي الزرع ماصارش منه
صهيب:: انتي لكي 10 ايام زارعة وسعي بالك وقالك من البدايه مش من اول مره يصدف
ميرا:: اووف ياربي
صهيب:: اضبطها. مش حيسير الا الي تبيه ان شاء الله
ميرا:: ياااارب رد بالك تسيبني ياايبي
صهيب:: هبل انا عشان نسيبك تي نحبك ياشفشة
ميرا:: وانا نمو ت فيك
صهيب:: هيا. تعالي دورنا توا
ميرا::خذت نفس ومشت شور الغرفة وماسكة ف يد صهيب وخايفه وخشو
الدكتور:: تفضلوا اجلسوا
صهيب:: قمعز ها شنو يادكتور
ميرا:: قعدت تضغط علي يد صهيب
الدكتور:: بتحسي بايه يامدام
ميرا:: متوترة شويه بس
الدكتور:: متخافيش حضرتك التحاليل بتثبت ان عملية الزرع ماشيه ف السليم ومفيش مشاكل
صهيب:: يعني شنو يادكتور صار حمل
الدكتور:: لا انا ماقولتش كده مانئدوش نحدد حاجه دلوئتي الا بعد حوالي 20 يوم يكون مر شهر ع الزرع
صهيب:: مالا كيف قلت تمام
الدكتور:: يااستاذ مدام حضرتك معندهاش مشاكل ف الانجاب اساساً بس الظاهر ان هيا حبت تستعجل شويه عشان تبقى ام ف عشان كده الزرع احتمال كبير اوي ان يثبت ويصير حمل
صهيب:: بس نحنا لنا حوالي سنتين متجوزين
الدكتور:: دا شي طبيعي جداً ف كتير متجوزين ولغاية 5 سنين محصلش حمل مع ان هما 2 سليمين
ميرا:: يعني شنو توا
الدكتور:: ماتئلئيش حضرتك ان شاء الله مش حترجعي اليبيا الا وانتي مبسوطة
ميرا:: ان شاء الله ياارب
صهيب:: ولو صار حمل حتقعد ف كل مره تزرع
الدكتور:: لأ لو صار حمل المره دي ف بعدها حتتنظم الهرمونات وحيصير حمل طبيعي وعلي فكرة ابعدي عن الزعل والتفكير لو كنتي عايزة بجد تبقي ام
ميرا:: ان شاء الله
صهيب:: بارك الله فيك يادكتور تعبناك
الدكتور:: العفو ولو دا واجبنا
وطلعوا من العيادة وهما الاثنين فرحانين ومتفائلين من كلام الدكتور وبالأخص ميراا لان هياا الي كانت تبي تحمل اكثر من صهيب الي كان راضي بالأمر الواقع ومن حبه لميرا كان يدير ف حاجة بس عشان متزعلش ولا يشوف دمعتها وف يوم الي زعلها سيب شغله وكل حاجة وجا بيها هناا بس عشان متحسش روحها اقل من غيرها وان مش قادرة تجيبله عيال وقعدوا يدهوروا وغيروا جوهم وروحوا للشقة
قيس:: تي كولي
نا:: مانيش
قيس:: ليش كنك
نا:: معجبنيش منظرة
قيس:: هههههه تي غير فوتي المنظر والله طعمته خيال ذوقيه بس
نا:: لالا فكني منحبش نجرب حاجة جديدة
قيس:: ههههه تي كنك خوافة انا واكلها لين مال منها غمضي عيونك بس وكولي
نا:: قعدت مكشرة ومتقزززة ومعجبنيش المنظر
قيس:: ههههه منظرك ابداع بصراحه
نا:: اضحك اضحك
قيس:: تحبيني
نا:: شن خطرها عليك توا
قيس:: كان تحبيني ذوقيها وكان معجبتكش. ديري فيا الي تبيها
نا:: اممممم كان معجبنيش تشيلني الفينيسيا
قيس:: باهي باهي غير افتحي فمك هيااا
نا:: غمضت عيوني وفتحت فمي بالشوووويه
قيس:: افتحي كويس
نا:: هاه وحطها ليا ف فمي وكانت طعمتها حاجة غريبه سمحه بكل ومالحه علي حامضه حاجة مش مفهومة
قيس:: يبحت فيا ونا نمضغ ها شنو
نا:: تهببببل
قيس:: ههههههه مش قتلك
نا:: وفينيسيا
قيس:: يفتحلك ربي ههههههه
نا:: غشاش
قيس:: لا مش غشاش قتلك كان ماعجبتكش بس هيا عجباتك
نا:: لا خلاص غيرت رايي شينة اعي
قيس:: قعد يدير ف روحه يعزف علي كمان والندم مايفيد الندم مايفيد الندم ترررررررم
نا:: هههههههه خزي عليك
أنت تقرأ
#لعبة_القدر 💚(روايات ليبية) بقلم الكاتبةBent_benghazi#
Dragosteرواية ليبية شرقاوية مميزة 💚
