الحلقة السادسه والثلاثون
وعدا قيس غير دبشه وصلى الظهر وجا. ف الصالة وحطيت الغداء وتغدا وخش رقد وانا لميت المطبخ ومشيت خشيت للمكتب وقعدت انضم ف شيتاتي وانرتب ف الوقت امتاعي عشان المنهج ميتراكمش عليا وقريت شويه وانا نقرا رن الفون امتاعي محمد ترددت ف البداية اني نرد بس بعدها رديت عليه
نا:: ايوا
محمد:: ااهلين شن اخبارك
نا:: الحمدلله تمام انت شن امورك وشن داير
محمد:: الحمدلله كل شي بخير
نا:: باهي الحمدلله
محمد:: وقيس شن اخبار صحته كويس ولا مازال يتعب
نا:: الايام هذي كويس وحتي الدكتور قاله في تحسن
محمد:: عندي لكي خبر
نا:: احكي شنو
محمد:: ف مريض عندنا ف العيادة حالته تعبانه بكل وخلاص يودع ويبي يتبرع بالاعضاء امتاعه
نا:: باهي
محمد:: والقلب امتاعه بعد درت عليه تحاليل طلع يطابق قلب قيس
نا:: تحححححكي جد
محمد:: اهاا والله بس المريض عنده شرط ويبي يتعرف علي اي حد يبي ياخذ عضو من اعضاءة
نا:: باهي
محمد:: ف ياريت لو يجي قيس هنا يتعرف عليه وبالمره يدير العملية لان وفقاً للتحاليل الي ادزي فيهن ليا حالته معش اتحمل اكثر من الي تحملاته وجاي دكتور زائر من واشنطن شاطر بكل ف حبذا لو هوا الي يديرلا العملية
نا:: قعدت نبكي
محمد:: نونا توا ليش تبكي
نا:: مش مصدقه الي قاعده نسمع فيه يعني قيس ف احتمال ان يشفي ويرد طبيعي
محمد:: اهدي باهي واحمدي ربك بس لازم تعرفي ان العملية خطيرة مش ساهله
نا:: يعني كم نسبة نجاحها
محمد:: هيا تفرق من شخص لشخص بس حوالي 60%
نا:: بس
محمد:: للاسف
نا:: وكان منجحتش يعني قيس ...
محمد:: اسكتي متقوليهش متقوليش هكي انتي خلي ثقتك بالله كبيرة والي ربي كاتبه بيصير
نا:: ونعم بالله
محمد:: بس انتي لازم تخلي قيس يجي ويدير العمليه لازم
نا:: خلاص تو نقولك شن يسير معايا وبينا اتصال
محمد:: تمام سلام وسلمي ع الكل
نا:: يوصل سلام
وسكرت من محمد ونا مش فاهمة روحي فرحانه ولا خايفه وبرمت لقيت قيس ورايا مشيتله نجري وقربت منه واضبطته لاني فرحانه ان هوو ف احتمال يشفي ويرد كيف قبل بس الي مكنتش متوقعته ان قيس يبعدني عليه اهاا اهاا اول مره نضبط قيس بس هوا يبعدني عليه
نا:: كنك
قيس:: يعني تستغلي فرصة نومي وتكلميه
نا:: انت شن قاعد تحكي محمد هوا الي رن عليا
قيس:: وتقولي فيها اخرا مش متحشمة مش انا قتلك محمد معش تكلميه وكيفه كيف اللخرين
نا:: لا انت بجديات شكلا ساير لعقلك حاجة وقعدت تحكي بلا ماتفكر
وطلعت. من الدار وسيبته ونا راقيلي من كلامه وفرحانه باللي قاله ليا محمد ومشيت خشيت للمطبخ وكليت وقيس معدلش عليا ولا جاني مشيت للمكتب وقعدت نبي نقرا بس مقدرتش نقرا من الفرحة ومشيت لقبت قيس ف الصالة مقمعز ع الطاولة قمعزت جنبه ومحكش ولا كلمة
نا:: هاي انت
قيس:: قويه هاي انت كنك شن تبي
نا:: كنك بارد هكي
قيس:: سخنيني كان بارد
نا:: هاهاه ياحناطه
قيس:: مش عاجبك
نا:: اهاا
قيس:: اشربي من اميه البحر
نا:: تي قييييسس
قيس:: هههههه كنك ياهبلة
نا:: مزعلتش مني امبدري صاح
قيس:: لا زعلت عليش الكذب
نا:: ومازعلت زعلان
قيس:: وانتِ رضيتيني عشان نرضي يعني
نا:: قييس عاد انت عارف نيتي تجاه محمد وعارف ان منحكيش معاه الا لسبب
قيس:: باهي خلاص عطيني بوسه تو نرضى
نا:: ياعيني ياعيني
قيس:: هضا الي عندي
نا:: الأ
قيس:: متأكدة
نا:: اهاا
قيس:: بحتي للمكتبه شنو هضا الي عليها
نا:: برمت وجي نبي نشوف شنو
قيس:: يمشي يمسكني بين يديه ويقعد يبوس فيا علي خدي
نا:: ياغشاش حوول وقغد اندف فيه وصبيت نجري
قيس:: صبا ورايا تعالي ولا تندمي
نا:: ههههه الأ خليك مكانك متقريش
قيس:: هههه قعد يقرب تعالي قتلك
نا:: باهي اصبر دقيقه بس
قيس:: جاني يجري ومسكني وطحنا نحنا الاثنين غ الصالون
نا:: ااااااااي ههههههه حول خلاص شفطتلي خدودي كلهن هههههه
قيس:: بيش مره اخرا تسمعي الكلام
