الحلقة الرابعة والأربعون
وخش عليا قيس ف المكتب وقالي ان رياض جا وياسمين تبي تطلعله وغيرت ياسمين دبشها ومشطت شعرها ودارت بلاشر وروج وخذت انس ف يدها وطلعت لقت اكرم ف حضن باته ورياض بعد شافها صبا
رياض:: اهلين ومد يده
ياسمين:: معدلتش عليه ومدتله انس
رياض:: مسك انس شنخباركم
ياسمين:: الحمدلله
رياض:: مش ناقصكم شي
ياسمين:: الحمدلله وصبت مش جاي عشان عيالك اهم قاعدين معاك اشبع منهم وجت بتمشي
رياض:: استني
ياسمين:: برمت نعم
رياض:: مش جاي عشان العيال جاي عشان بنحكي معاك
ياسمين:: شن عندك ماتحكي معايا مش انا نخون فيك ومش صاينتك
رياض:: نزل راسه وحط يديه ف بعضهن اسف
ياسمين:: انصدمت وقعدت تبكي اسف !! اسف علي شنوو ممكن تفهمني علي اهانتك ليا وضربك ليا ولا لزتي من الحوش ولا عدم ثقتك وخيانتي لكي فهمني علي شنوو اسف علي شنوو تقدر تفهمني
رياض:: صبا وقرب منها باهي ممكن تهدي شويه وتسمعيني
ياسمين:: دمعتها علي خدها ف نظرك ساهلة انك تتهم حد ب الخيانة
رياض:: قرب منها وحاول يمسكلها
ياسمين:: قعدت تعيط بعد عليا ماتلمسنيش بعد
رياض:: اهدي باهي اهدي
قيس:: طلع بجري كنكم شن في
ياسمين:: تبكي بعبرتها قوله يطلع منبيش نشوفه منبيش
رياض:: قيس لو سمحت خوذ العيال انفجعوا وخليني معاها شويه
قيس:: بحت ف رياض وحب انه يعطيه فرصة تقدروا تخشو ف الدار وتحكو براحتكم
رياض:: ياريت
ياسمين:: مانبيش مانبيش خليه يروح
قيس:: ياسمين خلاص راجلك جاي ويبي يحكي معاكي اسمعيه
ياسمين:: سكتت وخشت للدار امتاع المعيشة
رياض:: لحقها وصكر الدار
ياسمين:: قمعزت ع الصالون وعطاته بظهرها
رياض :: قرب منها وحط يده علي كتفها حبيبتي ممكن تسمعيني
ياسمين:: شن نسمع كذا قولي انك مش واثق فيا ولا شنو
رياض:: اسمعيني انتي باهي
ياسمين:: تمسح ف دموعها احكي
رياض:: كلمتي منى امس وحكتلي كل الي داراته منية مع خديجة
ياسمين:: يعني انت جايني بعد قالتلك منى مش لانك واثق فيا
رياض:: يحكي بحرقة ياسمين بالله عليك حطي روحك مكاني يقولولك مراتك تخون فيك ومصدقتش وهزبتهم بس ان يدزولي صور مراتي بدون حجاب شن تبي مني اندير ايديا تربطن ومعش عرفت شي والي درته كله لحظة غضب وانتي عارفتني اني نحبك ومنقدرش نزعلك ولا نقدر نعيش بلاكي تي انتي ام عيالي شريكة حياتي الي ياما درت بيش حصلتك بالله عليك افهميني اسف وحق ربي اسف الحوش شين بلاكي وبلا العيال وحضنها من لاوره وعيونه معبيات دموع
ياسمين:: تبكي نسألك سؤال
رياض:: شنو
ياسمين:: لو مقالتكش منى شن صار كنت حتجي وتكلمني ومتكذبش عليا
رياض:: وراسك عيالي كنت جاي بنفهم منك قبل ماتقولي منى
ياسمين:: قعدت تبكي بحالة هستيرية
رياض:: حضنها وقعد يسمح علي شعرها خلاص معش تبكي عشان خاطري واخزي الشيطان وردي معايا للحوش والله ماني قادر نقعد فيه
ياسمين:: تبكي وحاطه راسها علي صدره انا منتحملش نقعد بلاك مره اخرا منتحملش اتهام مره اخرا
رياض:: قتلك اسف وحنعوضك والكلبات الي ف الحوش حسابهن عندي
ياسمين:: رفعت راسها حرام منى مادارت شي
رياض:: لا منى خذت نصيبها من الهزيبة بعد قالتلي امبدري جت الكبوة. فيها
ياسمين:: بس حرام
رياض:: لا مش حرام انا وياكي وعيالنا الي قعدوا بينا هما الي حرام
ياسمين:: سكتت
.
.
.
.
.
.
.
.
.
.
نا:: معش سمعت صوت شن صار
قيس:: مشعارف تو نطلع نشوف
نا:: خليني نطلع معاك
قيس:: لا خليكي هنا اقري
نا:: نلبس اشربي ونطلع نشوف
قيس:: خلاص كلمة وحده هياا اسمعي الكلام ولو مره وحده
نا:: مديت شواربي قدامي حاضر
.
.
.
.
.
.
.
طلع قيس ولقا رياض مقمعز ف الصالة وماسك عياله ويراجي ف ياسمين تلم ف دبشها
.
.
.
.
.
قيس:: كيف صار
رياض:: مروحين الحوشنا
قيس:: تراضيتو
رياض:: الحمدلله
قيس:: باهي تمام وخش جوا لياسمين لقاها تلبس ف اشربها
ياسمين:: خش
قيس:: ها راضيه عليه مش زعلانه
ياسمين:: اهاا
قيس:: ربي يسعدك ولو زعلك بحاجة بس انا قاعد وحوشي مفتوح لكي ولعيالك العمر كله
ياسمين:: عارفتك ماتقصرش
قيس:: نسمة قاعده ف المكتب بيش تمشيلها قبل ماتطلعي
ياسمين:: ان شاء الله
أنت تقرأ
#لعبة_القدر 💚(روايات ليبية) بقلم الكاتبةBent_benghazi#
Storie d'amoreرواية ليبية شرقاوية مميزة 💚
