الحلقة السابعة
ماما:: لمن هضا
امجد:: هضا لنونا
انا:: انفجعت ليا انا هضا
امجد:: اهااا جابة لكي محمد من فرنسا توا كيف روح وقاعد برا
نا:: سكتت معش عرفت شن نقول
ماما:: افتحيه هيا
نا:: هيا باه
وجيت فتحته ولقيت فيه قفطانين كلنا تفاجأنا كيف عرف اني مشريتش وكانن واحد طويل لونه الازرق الملكي والتاني قصير ولونه اسود وكندرة لكل واحد وكان معاه ميك اب
ميرال:: ي خيه يهبلن والله محمد شكله يموت فيكي
ميرا:: صبي البسيهن نشوفهن
شهد:: نبي محمد حتي نا
نا:: عندك هيثم انتي اسكتي
اريج:: وليش انا اوس ميجيبليش
ماما :: حاسدات اختكن ولا كيف كلكن حصلتن احسن رجالة
ميرال:: هيا صبي قيسي
نا:: باهي وخذيتهن معايا وخشيت لداري نقيس فيهن ولبست الازرق وكان خيالي بككل وبسيط ف نفس الوقت كان مسكر من قدام وصادا ومن لاوره مفتوح علي كبر الظهر وفيه تطريز خفيف من تحت كان يجنن بكل لبسته وطلعت
ميرا:: اوووووو انتي العروس شكلك مش نحنا
اريج:: نعليا خيااال بكككل
شهد:: ف اللبس تحفه بككل
ميرال:: ي خيه علي قصاد نيتك محصلتيش جاكي احسن منهن
ماما:: ابنيتي هيا الي محليته
نا:: قصدك سمح
اريج :: تي خيال خلينا نشوفوا اللاخر عدي
نا:: باه
وعديت لبست الاسود وكان الكم امتاعه دانتيل وقصير ومبوج وكان صادا وحتي هوا بسيط بكل عجبني بكل والي عجبني اكثر ان محمد كيف عارف نحب الالوان الغامقة ونحب الحاجة البسيطة
وطلعت عليهن
اريج:: لا انا خلاص معش نبي قفاطيني
شهد:: يهبل بككل ياخية طالع مع جسمك تحفه
ميرال :: جت اضبطتني ي خيه ربي كافاكي
ميرا:: حي شنو هذي الي ف الصندوق
نا:: شنو
ماما:: علبه تعالي شوفيها
وجيت خذيتها ولقيت فيها سلسله فضة مكتوب فيها اسمه ومعاها ورقة مكتوب فيها ياريت تلبسيها حاب نشوفها عليكي
وعدت كل وحده لدارها وخشيت انا لداري وقعدت انتفرج ع الحاجات وحاسة بالذنب تجاه محمد حسيت روحي حقيرة بس والله ماذنبي نش بيدي مقدرتش ننسي قيس ورن عليا محمد
نا:: ايوا
محمد:: نسومتي وحشتيني
نا:: اهلا حتي انت وشكرا ع الهدايا فرحت بكل لان محصلنش قفاطين بس كيف عرفت انت
محمد:: ولو ي قلبي كان مجبتلك انتي لمن نبي نجيب
نا:: شكرا باهي
محمد:: عفوا باهي
نا:: كيف عرفت
محمد:: قالها ليا عمر قايلتها. لاه رؤى ان محصلتيش قفاطين
نا:: اهااا والسلسلة
محمد:: شفتها عجبتني حتي نا درت حديدة فيها اسمك منحبش السلاسل اصلا
نا:: بس حلوة بكل
محمد:: انتي الحلوة اهم حاجة لبستيها ولالا
نا:: اه الحق لا بس توا نلبسها
محمد:: منغصبكش عليها امتا ماتحبي البسيها عادي
نا:: لا مش عشان حاجة تو نلسبها
وقعدنا نهدرزو وقعد يحكيلي. علي سفرته وقديش فرنسا حلوة ورقدت
ونضنا اليوم التاني علي هرجة وزحمه عشان كان يوم تفريشة خواتي دوشت ولبست استرتش اسود وقميص ابيض وصندل اسود ولفيت شعري ونزلت
