الحلقة الثانية والثلاثون
وصبيت انا وقيس ومشينا شور الحماماات وكان راسي دايخ وماكسة ف يد قيس وخبطت ف حد ورفعت راسي ونلقاه محمد
محمد:: ضحك نونا
نا:: اهلين شن اخبارك
محمد:: الحمدلله شن اخبارك انتِ
نا:: الحمدلله
محمد:: شن اخبارك ياقيس
قيس:: الحمدلله بخير شن امورك انت
محمد:: بحت فيا لقاني ماسكة ف يد قيس وجه تغير طيارتكم اليوم
قيس:: اهاا توا طيارتنا
محمد:: باهي توصلوا بالسلامة
قيس:: الله يسلمك شن ادير انت هنا
محمد:: حتي نا طيارتي اليوم
قيس:: كيف وين ماشي
محمد:: ماشي لامريكا
قيس:: تغيرة جو ولا
محمد:: لا عندي واحد صاحبي لقالي شغل معاه ف المستشفى غادي وانا من قبل نبي المشية عشان نحضر الدكتوراه ف جتني الفرصة منبيش نضيعها
قيس:: والله صحه لكي خير.ماادير وماشي لواشنطن
محمد:: لا نيويورك
قيس:: باهي موفق ان شاء الله
محمد:: اجمعين كنك يانونا ساكته مش عوايدك
قيس:: دايخه شويه بس
محمد:: ههههه مزلتي تخافي من الطيارة
نا:: ههههه اسكت ياسامط
محمد:: هههههه تي مازال ماركبتي راه انتِ لعند تخافي
قيس:: ههه دلوعه نونتي
محمد:: خلاص نستأذن توصلوا بالسلامة
انا. وقيس:: الله يسلمك
عدا محمد وهوا واجعته روحه ان يشوف ف حبيبته مرات حد اخرا. ونا وقيس عدينا للحماماات وخشيت غسلت وجي وطلعت عطاني قيس اميه وخذيت دواء عشان الدوخه ومشينا شور الصالة وقالنا امجد انهم ركبوا ف الطيارة ومشينا عشان نركبوا وقيس ماسكني من يدي بس مايبيش يبحت ف وجي ولا يحكي معايا وووقفت
قيس:: برم عليا كنك وقفتي
نا:: كنك قالب وجك
قيس:: لا عادي
نا:: لامش عادي قول شن في عشان سلمت علي محمد يعني
قيس:: لاعادي ولد عمك هوا
نا:: ها باهي كنك
قيس:: يلا امشي تو تفوتنا الطيارة
نا:: منيش ماشية لعند تقولي كنك
قيس:: لا شي بس شكلا محمد يعرف عليكي حاجات اكثر مني
نا:: هههه عشان عارفني نخاف م الطيارة يعني
قيس:: ا عقد حواجبه ورقاله ضحكي اضحكي
نا:: حبيبي والله ماتزعل ومحمد عارف اني نخاف من الطيارة لان كنا نحنا وعيت عمي نسافروا مع بعضنا زمان
قيس:: ونا ليش مانعرفش
نا:: هههه تبيني نقولك اني خوافه يعني
قيس:: اضحكي باهي يلا امشي تو تفوت الطيارة
نا:: نجيلي راجلي الي يغار عليا ربي
قيس:: هههه والله هبلة
ومشينا ركبنا ق الطيارة وجينا جهة الكراسي امتاعنا
عمتي:: كنكم طولتو
قيس:: لا شي غير نسمة كانت تبي كم حاجة بس
عمتي:: هيا باهي الطيارة بتقلع قمعزوا
قيس:: هيا خشي
نا:: لالا منبيش نخش
عمتي:: ليش كنك
نا:: بحتت ف قيس
قيس:: خلاص تو نخش انا
وخش قيس وقمعز وخشيت بعده انا وقمعزت وقالو اربطوا الاحزمة علي وشك الاقلاع وسكروا البيبان وربطنا الاحزمة وبدت الطيارة بتقلع. حسيت راسي برم غمضت عيوني ومسكت ف يد قيس من فوق بالقووووه وقعدت نستغفر وبعد شوية سمعت قيس يحكيلي
