الحلقة العشرون
نا :: اسفه طولت عليك
ليث:: لا انا توا كبف وصلت اصلا
نا:: نبي نحكي معاك ف موضوع ومحتاجة مساعدتك
ليث:: احكي شن في
نا:: نبيك تساعدني عشان نحكي مع قيس
ليث:: كيف مفهمتش قصدي يعني رني عليه واحكي معاه
نا:: قيس عليش يبعد عليا
ليث:: ممكن بطل معش يحبك
نا:: عيوني دمعن ليث بلاش كذب انا عرفت بمرض قيس
ليث:: شن تحكي انتي مرض شنو
نا:: مفيش داعي تستعبط خلينا نحكو بصراحه
ليث:: سكت
نا:: وقت الي سيبني قيس كان عارف بمرضه
ليث:: اها وهضا كان السبب الي خلاه يبعد عليكي وعشان هكي حولنا هنا
نا:: باهي ليش يعذب ف روحه ويعذب فيا يحسابني حنسيبه بروحه لو عرفت يعني نا عندي مستعدة نعيش معاه حتي لو يوم راحد بس المهم 2 نكونوا مرتاحين
ليث:: مكنش حاب يشوف نظرة الشفقة ف عيونك ولا حاب يشوف دموعك وزعلك عليه ولو عرف اني قتلك معش حيحكي معايا
نا:: بس انت مقتليش. عرفت بروحي انا
ليث:: مهما كان بس هوا مش حيصدق
نا:: باهي تساعدني ولالا
ليث:: حاضر بس شن نقدر اندير
نا:: نبيك تقنع قيس ان يردلي
ليث:: كيف
نا:: انا متأكدة ان قيس مش حيوافق نردوا لبعضنا هوا امس حتي ف وجي مبش يبحت
ليث:: حنشوف شن نقدر اندير ويسير خير
نا:: خلاص معناها وبينا اتصال
ليث:: ولا يهمك
وصبيت كنت بنروح للحوش بس مقدرتش قعدت انتمشي ونفكر هل قيس حيوافق نردوا لبعضنا وكلما نذكر ان حيجي يوم وانوض منلقهش قاعد قلبي يوجعني ودموعي ينزلن مسحت دموعي نسمة كنك هبله كل الي تفكري فيه مش حيسير وقيس مش حيسيبك انتي لازم تقعدي قويه عشانه وعشانك وخشيت لمحل عشان نشري قفطان لعرس رؤى ونشريلها هدية ونا قاعده انتفرج انشوف 2 جايين والبنت تقيس ف الفيلو وخطيبها يختار معاها وكل مره تخش تقيس واحد وتطلع ميعجبش وقعدت تبكي حضنها وقعد يبوس فيها وبدون مانحس بروحي دمعتي نزلت وتمنيت روحي مكانها خذيت قفطاني وحاجات ناقصاتني وهدية رؤى وطلعت روحت للشقة وامجد مكنش قاعد خشيت غيرت دبشي وكليت وحاولت نقرا لان مازال 3 ايام علي امتحاني ونا ماقريت شي وقعدت نقرا ومره نركز ومره نشرح لعند نعست ع الكرسي ووعيت علي رنة فوني ونلقاها رؤى
نا:: بصوت راقد ايواا
رؤى:: راااقدة قصدك
نا:: كنت نقرا وغفيت شويه شن جوك
رؤى:: الحمدلله قاعده حايسه عندي ومنفضش بكل
نا:: طبعاً عروس مين ادك
رؤى:: عقبالك ياحنه
نا:: لا خلاص اضربت انا
رؤى:: ربي يصلح حالك ها امتا جاية
نا:: بعد 10 ايام
رؤى:: شنووووو تحكي جد قصدك مش حتحضري عرسي وقعدت تبكي
نا:: رورو عاد والله مابيدي شن اندير امتحاناتي كله من سي السيد امتاعك هوا الي قدم الموعد كنت نقدر نحضره انا
رؤى:: خززي باهي متقدريش تقدمي جيتك
نا:: ميسير شي لان يوم عرسك عندي امتحان
رؤى:: والله حسك قهرتيني ومعش جتني نيه ف العرس
نا:: تو بعد تشوفي عمر قدامك تجيكي نيه هههههه
رؤى:: خزي واطيه كنه صوتك مش عاجبني ف حاجة صايرة
نا:: لا فيش شي ماو قتلك كنت راقده بس
رؤى:: تي حافضتك انا بطلي كذب محمد دارلك حاجة
نا:: لا اصلا من يوم ماسيبنا معش حكينا
رؤى:: دسي باهي ساد ماان موضوع محمد حكاته ليا جيجي
نا:: يارورو والله ماني ناقصة راه بروحي واصله معايا حدها وخنفتني العبرة
رؤى:: حي عليا بتبكي احكي وراس نونا كنك شن في
نا:: خلاص والله ماعندي نيه نحكي تو نحكيلك مره اخرا
رؤى:: مش حنصر عليكي براحتك
نا:: اووك باي وسلمي عليهم كلهم
رؤى:: باي
