الحلقة الخامسة
وروحنا للحوش وركبنا دغري لداري منبيش حد يشوفني ومريت علي شهد لقيتها راقده ودمعتها علي خدها خشينا لدار وغيرنا دبشنا واستلقيت ع السرير
وقعدت نذكر ف كل حاجة ودموعي ينزلن مني ونسمع ف صوت فون يرن ونبحت ونلقاه فون شهد والي يرن هيثم
نا:: رؤى ي رؤى
رؤى:: نعم شن في
نا:: هيثم يرن
رؤى:: ردي باهي وفهميه كل حاجة
نا:: اوك
ورديت
نا:: ايوا
هيثم:: كنت عارف ان فون شهد عندك عشان هكي رنيت ونبي نحكي معاكي
نا:: تفضل احكي ومن غير كثرة دوه
هيثم:: نقدر نشوفك بكرا ونحكو
نا:: هههههه والله وبصفتك من ان شاء الله عشان نشوفك ف مكان عام عندك حاجة تستاهل احكي توا خاطيها معنديش وقت نسمعك
هيثم:: مزلتي نفس ماانتي ماتغيرتيش
نا:: تفضل شن عندك
هيثم:: اول حاجة انسي ان انا صاحب قيس اعتبريني شخص تعرفيه من قبل صديقك. ي ستي وانتي عارفتني ي نسمة انا مش من النوعية الي نلعب ببنات الناس انا والله نحبها شهد ونبيها والي حببني فيها براءتها واخلاقها وخصوصا ان مش متحجبة لان الي زيها والي ف سنها ياما دايرات ممكن انكون انا صح اكبر منها ب6 سنين بس انا والله نبيها وداوي عليها حتي لامي ونا مازالي سنتين ونكمل وان شاء الله بعد تكمل شهد الثانوية نخطبها ي نسمة متخليش الي صارلك ايأثر علي غيرك وتحرمي 2 ايحبوا بعضهم من بعضهم انا نخاف علي شهد. ومصلحتهاممكن اكثر حتي منك
نا:: سبحان الله انت وصاحبك نفس بعضكم لان الكلام الي قلته توا كله سمعته بالحرف من صاحبك المحترم وف النهاية عدا ولا كأنه قال كلمة ف لو سمحت بعد علي شهد لان شهد حساسه واجد ومش حتقدر اتحمل الي انا تحملته ولو تحبها جديات متكلمهش لعند تقعد حلالك غير هكي معنديش ويلا توا تصبح علي خير
هيثم:: انتمني تفكري في كلامي ومتضلمينش
نا:: وبرضوا انت ي ريت تتفهم كلامي وتنفذه باي
هيثم:: في امان الله
رؤى:: حرام والله حسيته صادق
نا:: كنتي تقولي ف نفس الكلام علي قيس
رؤى:: خلاص انسيه
نا:: مش قادرة
عارفه تعبانه بكل ينخش ندوش بلكي انتريح
رؤى:: اوك خشي
وخشيت دوشت وطلعت لبست بيجامة رماديه وخليت شعري مبلول
رؤى:: نعيما
نا:: الله ينعم عليك حسني جعانه هيا ننزلوا ناكلوا
رؤى:: خاطري نعرف الوكال وين يمشي انتي بس
نا:: ههههه فاتحه ممر علي بطنك
رؤى:: هههههه شكلك والله
نا:: هيا انا نازلة الحقيني وجيبي معاكي فوني واللاب
رؤى:: اوك نغير دبشي بس
ونزلت وكان الحوش مظلم ونسمع في صوت المطبخ قعدت نمشي. بالشويه علي روس اصابعي وخايفه ونمشي لعند وصلت للمطبخ وخشيت ونشوف في خيال مصبي يفتش ف الدولاب
نا:: قعدت نعيط سرااااق سرااااق
جا شوري يجري وحط يده علي فمي قعدت نرعش ونضرب فيه نبيه يحول ولع الفون وحطه علي وجه ونلقاه محمد
أنت تقرأ
#لعبة_القدر 💚(روايات ليبية) بقلم الكاتبةBent_benghazi#
Storie d'amoreرواية ليبية شرقاوية مميزة 💚
