الحلقة الرابعة والثلاثون
نا:: قيس حبيبي
قيس::..........
نا:: قعدت نهز فيه قيس نوض رد عليا
قيس:: .........
نا:: قعدت نخبطله ف وجه مجنوني رد عليا تي قييييس رد الله يربحك ماتفجعنيش
قيس:: ........
نا:: قعدت نبخ عليه ف اميه ونبكي حبيبي رد عليا ماتسيبنيش قيييس
قيس:: ...........
نا:: حبيبي رد هيا بلاش سماطه رد
وقعدت قريب 10 دقايق وانا نبكي وانوض فيه بس قيس لاحياة لمن تنادي ومعش عرفت شن اندير علي من انرن وخايفه نفجعهم الساعه 5 الفجر مشيت بدون مانحس بروحي خذيت موبايلي ورنيت علي محمد مردش ف البدايه بعدها رد
محمد:: ايوا
نا:: نبكي محمد
محمد:: كنك خير ان شاء الله شن في
نا:: قيس يامحمد قيس
محمد:: كنننه قيييس
نا:: .نبكي
محمد:: نونا ردي عليا كنه قيس
نا:: ميبيش ميبيش اهئ يرد عليا انننوض فييه اهئ ومييردش
محمد:: اهدي بس انتي ووخوذي نفس امسحي دموعك واسمعيني كويس
نا:: نعم
محمد:: حطي وذنك علي قلبه شوفيه ينبض ولالا
نا:: باهي شويه
وحطيت وذني علي قلبه ومحوتك بيش سمعته كانن نبضاته. ضعيفات
محمد:: ها شن صار
نا:: ينبض بس ضعيف بككل
محمد :: معناها اسمعي شن اديري عدي للصيدلية قريبه وجيبي منها ......
ولبست بسرعه وطلعت للصيدلية نجري وخايفه ولقيت صيدليه قريبه من شقتنا ومحمد معايا ع الخط وجبت الي قالي عليهن وروحت
وقعد يقولي محمد وانا اندير ف الي يقولي عليه كله وخايفه ونرعش
محمد:: ها شنو ناض
نا:: شويه بس قعدت انوض فيه
قيس:: دوب مافتح عيونه
نا:: نضحك ونبكي تمام ناض
محمد :: باهي تمام صكري معناها
نا:: شكراً والله لولاك كنت متت م الخوف
محمد:: العفو ياهبلة
وسكرت من محمد ومسكت يد قيس وهوا دوب مايفتح ف عيونه
نا:: نبكي حبيبي
قيس:: لسانه ثقيل ودوب مايحكي يا روح ي ك نك تب كي
نا:: طحت عليه واضبطته وقعدت نبكي ليش هكي تخوف فيا عليك ليش ماخذيتش دواك عارف لو صارتلك حاجة كنت متت انا ليش تخوف فيا
قيس:: ل يش ش ن صارل ي
نا:: اششش ارقد توا خلاص
قيس:: لف يده عليا ورقد لان كان بجديات تعبان ومش قادر حتي يحكي ولا يتحرك
ورقدنا ونضت ف الصبح ملقيتش حذايا نطيت وصبيت نجري طلعت ف الصالة لقيته مقمعز ع الصالون ويقلب ف القنوات جيته نبكي وطحت عليه واضبطته وااااو موعرها بكل تعيشي ف خوف انك تفقدي زوجك وحبيبك وخايفه تنوضي ومتلقيهش معاكي
قيس:: حبيبي كنك
نا:: خفت بعد مالقيتكش جنبي
قيس:: متخفيش قاعد معاكي اهو
نا:: لعند امتا بتقعد هكي
قيس:: كيف يعني
نا:: قيس را انا عارفه انك مريض ومتبيش تقولها ليا
قيس:: شن تحكي انتي
نا:: مفيش داعي تستعبط عليا
قيس:: من امتا تعرفي
نا:: من زمان
قيس:: من امتا يعني
نا:: تذكر مره بعد طحت عليا ف روما وشلتك المستشفى
قيس:: يعني وافقتي تجوزيني عشان مريض
نا:: ليش ماتقول وافقت عشان خايفه نخسرك
قيس:: وليش كنتي داسه عليا انك عارفه
نا:: قعدت نبكي شن تبيني نقولك اه نقولك انا عارفه ان انت مريض وقلبك معش يتحمل تبيني نقولك اني عارفك انك ف اي لحظة مرات تمشي وتخليني بروحي
قيس:: خداني ف حضنه اسسسس خلاص معش تبكي منتحملش دموعك
نا:: ليش ماقتلي انت انك مريض من 3 سنين
قيس:: كنت خايف عليكي ومنبيش نزعلك
نا:: بس انك تقولي الحقيقة ونزعل خير من انك ادس عليا
قيس:: يمسح علي شعري خلاص اسكتي معش تبكي توا
نا:: وانت معش تنسي دواك امس بعد جاتك نوبة معش عرفت شن اندير
قيس:: وشن درتي كيف نوضتيني
نا:: رنيت علي محمد وهوا قالي شن اندير
قيس:: وليش ترني علي محمد بالذات ليش ماكلمتي ليث
نا:: لان محمد عارف بقصة مرضك ومكنتش نبي نفجع حد ف الليل
قيس:: اسف باهي عشان خوفتك
نا:: معش اديرها بس
قيس:: يييه نسيت بكل
نا:: شنو
قيس:: مش قتلك امس ان اليوم تجديد القيد
نا:: باهي مازال الساعة 12 مرات نلحقوا
قيس:: صبي البسي بسرعة وانا تو نرن علي ليث ايتأكدلي امتا يسكروا لان قاعد غادي هوا
نا:: باهي باه
أنت تقرأ
#لعبة_القدر 💚(روايات ليبية) بقلم الكاتبةBent_benghazi#
Romantikرواية ليبية شرقاوية مميزة 💚
