الحلقة التاسعة والعشرون
نا:: واااو عليك الطويل
قيس:: نزل عليا وباسني
علي خشمي انتِ القصيرة بس
نا:: قصيرة ف عينك 170 وقصيرة
قيس:: عندي نا قصيرة هيا تعالي كولي
وقعدنا ناكلوا وبعدها قيس وجه نسود وحسيته كيف الي معش قدر ياخذ نفسه و صبا ف وسط الوكال
نا:: كنك وين ماشي
قيس:: تو نجي شويه بس
نا:: اوك
وصبا قيس وعدا لدار النوم وانا صبيت لحقته بالشويه بالشويه وفتح الدولاب وطلع شنطته امتاع اليد وطلع منها دواء وخذاه ونا حسيت بزي الغصة ف قلبي نشوف ف حبيبي قدامي يتعذب ومش قادرة اندير شي ولا هوا قرر يحكيلي بيش نساعده ولو حتي نفسيا وشفته رده ف الشنطة مشيت نجري رديت للمطبخ ودرت روحي ناكل
قيس:: طولت عليكي
نا:: لاعادي بس وين مشيت
قيس:: كنت موصي ليث علي حاجة رنيت عليه انأكد عليه
نا:: اهاا
قيس:: ليش مش واكلة
نا:: اه لاشي نستني فيك كنت منحبش ناكل بروحي
قيس:: نجك ليا
وردينا ناكلوا ونحنا الاثنين ساكتين
نا:: حبيبي
قيس:: عيونه
نا:: توعدني مدسش عليا شي
قيس:: شن خطرها عليكي توا
نا:: توعدني ولالا
قيس:: نوعدك بس ليش تحكي هكي
نا:: شي بس نبي حياتنا تكون مبنية ع الصراحة حتي لو درت حاجة غلط نسمعها منك خير من حد اخرا
قيس:: خلاص باهي كولي بلا نكد
نا:: لا عادي مش نكد شن صار انت مش بديت تقرا
قيس:: اهاا بديت وتوا اندير ف المشروع والشهر الجاي الامتحانات
نا:: اهاا باهي تمام
قيس:: في حاجة تبي تقوليها
نا:: لا مفيش شي
قيس:: باهي كولي
نا:: شبعت الحمدلله
قيس:: شن شبعتي وانتِ ماكليتي شي
نا:: منحبش ناكل بعد نقعد دوبني واعية
قيس:: جديدة هدي قبل اول حاجة الوكال
نا:: عليك كذب اول حاجة القهوة بس الوكال مش مدورته
قيس:: باهي سايريني انا الي قاعد ناكل
نا:: اهو قاعده مقمعزة مصبيتش
وقعد قيس ياكل و نهدرزو لعند كمل
نا:: انا ماشي ف الصالة ع التي في ديريلي قهوة وجيبيها
نا:: حاضر باه
وعدا قيس للصالة وانا لميت الطاولة ومسحتها وغسلت المواعين ودرتلا قهوة وحطيت معاها حلويات وجبتها لاه ف الصالة وقمعزت ع الصالون وحطيتها ع الطاولة وصبيتلا ف الفنجان ومديتلا
قيس:: تسلم يديك
نا:: صحة
قيس:: قوي بكل الفلم هضا
نا:: اهاا حتي نا غالي غليا بكل
وقعدنا انتفرجوا وكل مره قيس يقول حاجة ونضحكوا ونحنا الاثنين تناسينا موضوع المرض لعند قيس قال
قيس:: طربيقتي
نا:: عيونها
قيس:: نبي نطلب منك طلب
نا:: انت تأمرني متطلبش
قيس:: نجك ليا
نا:: قول
قيس:: نبيك تمشي لدكتورة تصرفلك حبوب
نا:: انفجعت حبوب شنو
قيس:: سكت بعدين قال حبوب منع حمل
نا:: شنووو ومن قالك انا منبيش نحمل
قيس:: بس انا منبيش عيال توا مزلت مش مستعد
نا:: عصبت قيس لو سمحت انا الي نحمل مش انت وانا الي نربي مش انت علي شن مش مستعد عشان طشة قرشين تو ندفعهن انا متصرفش علينا انت
قيس:: صبا وعصب وعلا صوته كيف تبي تلحقي اه وانتِ مزلتي ف بداية قرايتك وقدامك مشوار تقدري تقوليلي ياهانم كيف وانا مزلت دوبني نبي انتخرج ومازال تبيلي بيش نحصل شغل
نا:: مش شورك انت هذي مسؤوليتي نلحق ولالا ومتخفش لاني مقصرة ف حقك ولا ف حق حد والحاجة هذي تخصني وحبوب منيش واخذة
قيس:: هضا اخر كلام عندك
نا:: اهاا اخر كلام والي عندي قلته
قيس:: اقعدي فيها وطلع وطبق الباب وراه
