الحلقة الثلاثون
نا:: حبيبي عيب تو يشوفونا
قيس:: نجيلي الي اتحشم
نا:: هيا باهي نخشو للدار
وومسكت ف يده من عند المرفق وخشينا عليهم ف الدار
ماما:: يامرحبا
شهد:: كنكم طولتو
قيس:: الحق انا الي طولت كنت نحكي مع عمي
رؤى:: بحتت فيا وغمزتلي
ماما:: تعالو باهي عشان تقصوا كيكة نونا المفضلة
نا:: هههههه
قيس:: ليش متعبيش ارواحكم هكي
ماما:: مفيش تعب نونا الغاليه وجابتنا قيس مش خسارة ف ولا واحد فيكم
قيس:: تسلمي ياعمتي
وقصينا الكيكة وقعد قيس يوكل فيا ونصوروا مع بعضنا وجو وخواتي كلهن يهدرزن مع قيس ويصورن لان كنا حنتباعدوا ومش بالسهوله نقدروا نجو كانت ماما فرحانه. لان شافتني متريحه معاه ونفس الوقت زعلانه لاني حنتباعد بس كانت تغطي ومتبيش تبين الشي هضا ومشا الوقت وطلع قيس برا مع الرجالة ونحنا قعدنا نهدرزو وجونا يهبل وحسينا روحنا ردينا زي ايام زمان
نا:: شهد لولي وين عدت
شهد:: توا رن فونها صبت
نا:: اها
عماد:: كنك طولتي
الآء:: كنت تالا هلك
عماد:: اركبي لداري باهي دقيقه ونجي
الآء:: لا فكني تو يشوفني شي حد
عماد:: محد حيشوفك غير امشي
الآء:: باهي مطولش لكن
وركبت الآء لدار عماد فوق وخايفه وعماد شويه وجاها وخش لدار والآء كانت تبحت من الروشن انفجعت برمت لقاته عماد
الآء:: فجعتني
عماد:: سكر الدار كيف انا نفجع
الآء:: لا مش هكي بس خايفه
عماد:: قرب منها ومسكها من يديها قمعزي باهي غير قوليلي عليش خايفه
الآء:: قمعزت خايفه حد يشوفني هنا واكيدة حيفهمنا غلط
عماد:: بس نحنا منديروش ف حاجة غلط
الآء:: عارفه بس هما مايعرفوش
عماد :: خلاص باهي خلينا ف المهم توا مرايفتيش عليا
الآء:: لا رايفت عليك بكل
عماد:: وليش حارمتني منك
وقعدوا يهدرزو وجوهم سمح وسبحان الله عماد الواعر الي عنده الحب كله قطاف كيف حب وتعلق بالآء للدرجة هذي
ماما:: كنك ياسالمة
عمتي سالمة :: سايرلي شد ف رقبتي متعبني بكل
ماما:: عندي مرهم والله كويس بكل شهد وينه
شهد:: قاعد ف داري
ماما:: عدي جيبيه لعمتك
عمتي سالمة :: لا خليها تو نمشي انا بيش حتي ندهن منه غادي
ماما:: براحتك وين حاطتيه
شهد:: فوق ياعميمه اول ماتركبي من الدروج داري تاني باب ع اليمين تلقيه ف الرف الاول امتاع المكتب
عمتي سالمة:: باهي كملوا انتو شويه ونجي
وركبت عمتي سالمة وهيا ماسكة رقبتها من الالم وماشيه مركزتش اول باب جا قدامها فتحاته وتلقا قدامها عماد والآء مقمعزين ويضحكوا ويهدرزوا وانصدمت والآء وعماد من الفجعة صبوا هما 2
عمتي:: شن اديري هناااا يااافرخة
الآء:: كنت
عمتي:: ضربتها كف وكرتها من شعرها كنتي شنو اه كنتي شنو قاعده معاه ف الدار بروحكم يالصايعه بتحشميني مع خويا انتي ولا شن قصتك
عماد:: ياعمتي بالشويه عليها انتِ فاهمة غلط
عمتي:: انت اسكت ياخسارة والله امنتك علي بناتي كيف خواتك لكن طلعت مش قد الامانة
عماد:: ياعمتي انتي اسمعي بس والله مافي حاجه م الي ف عقلك
عمتي:: انسي ان عندك عمه اسمها سالمة ميشرفنيش تقعد ولد خويا
الآء:: تبكي ياماما حرام عليكي
عمتي:: انتِ ولا حرف حسابك ف الحوش مع وليد عطيتك راحتك واجد شكلي لعند خربتك وادف قدامها
الآء:: قعدت تبحت ف عماد وتبكي
عماد:: ياعمتي اهدي بس واسمعيني
الآء:: تبكي ياماما
عمتي:: دلفتها دلفه علي ظهرها لعند قريب قلبها طلع ولا حرف قتلك
