الحلقة الثامنة
امجد:: امي ي امي نونا شهودة ي بنات تعاالن
نا:: مشيت نجري كنك شن في
امجد:: كلميهم كلهم
ماما:: شن في
وجن باقي خواتي كلنا مفجوعين مش عارفين شن في
امجد:: خش ي عمااد
وخش عماد وكان معاه قيس ولين عيال علا
نا:: ي خييييييه حبايبي جيتوو وجاني قيس يجري
قيس:: نونا
نا:: ي عيونها تعلمت تحكي
ماما:: اضبطت علا وقعدت تبكي وينك هضا كله والله فقدتك
علا:: تبكي والله حتي نا حياتي بلاكم اعي بكل كل يوم نبكي مدرها لأحمد( راجلها ) كبده.
نا:: حولي ياماما عطينا طريق نسلموا
علا:: ياخيه ياعليوه مزلتي جالطة
نا:: اضبطتها وحشتيني ي فرخة خزي
علا:: تي وحشك قيس انتي بس
وقعدنا نسلموا عليها وفرحانين بجيتها وخشينا قمعزنا ف الصالة ولدينا نحنوا ف البنات
ميرا:: تي اوف مش هكي يا رؤى لبزتيها
رؤى:: اسكتي مش شورك انتي انا عارفه روحي شن اندير
ميرال:: نونا تعالي
نا:: نعم
ميرال:: مصعب يرن ردي عليه
نا:: هاتي باه
وخذيت الفون ورديت
نا:: خيرات ياعريس
مصعب:: اووو الجالطة شن اخبارك
نا:: الحمدلله وانت
مصعب:: لوز اللوز
نا:: طبعا مين ادك عريس
مصعب:: وين مراتي
نا: وسع بالك ياغالي مازال ماقريتوا الفاتحة بكرا تقعد مراتك
مصعب:: ههههه وانتي ديما زاقبتلي خليني عايش اللحظة
نا:: هههههه
مصعب:: وين ليلو باهي
نا:: تي قاعدة تحني ياهبل
مصعب:: اوووو عطيها ليا نقوللها حاجة بس
نا:: شنو هيا
مصعب:: مش شورك عطيها بس
نا:: خزي اصبر باهي
نا:: ليلو مصعب بيقولك حاجة
ليلو:: ايوا
مصعب:: قالو تحني ياعيوني
ليلو:: اممم
مصعب:: باهي كثريها اه خليني نشبع منك
ليلو:: اه باه
مصعب:: جبت عرم ارواب من تركيا
ليلو:: اممممم
مصعب:: مش قادرة تحكي
ليلو:: اها
مصعب:: باهي انحبك
ليلو :: اممم
مصعب:: هههههههه خلاص صكري ياهبلة كملتيها اممم
ليلو:: اوك باي
نا:: ههههههه شكلا كان يخزرط فيكي
ليلو:: تي بككل ودارها بالعاني
ميرا:: تي يااااارؤى متكثريهش صهيب ميحبهش
رؤى:: والله خفيفه بكل غير اسكتي بس
نا:: لينو وين قيس
لينو:: تلع ف الذنان ثفته (طلع ف الحنان شفته )
نا:: حي عليه وطلعت نجري ندور فيه خفته يطيح ف المسبح
وقعدت نبحت لين شفته
نا:: قييس تعاال وماشيه شوره نجري ومسكته
قيوسي:: نونا تنت ( نونا كنك)
نا:: معش تطلع بلا ماتقولي تريح بعدها
قيوسي:: امو امح تلمني ( عمو سمح كلمني)
نا:: وينه عمو
قيوسي:: ذا اهوه (جا اهوه)
نا:: رفعت راسي لقيته قيس
قيس:: ولد علا هضا
نا:: شن ادير هنا
قيس:: كيف تلزي ولا شنو حوش جارنه وانا حر
نا:: لا مش حر وياريت تمشي
قيوسي:: نذليني ابي ماما ( نزليني نبي ماما)
نا:: ي روحي تو اطيح بعدها تو نخشو مع بعضنا
قيس:: شن اسمك ي بطل
قيوسي:: كيث (قيس)
قيس:: حي اسمي كيف اسمك وبحت فيا مسميه ولد اختك عليا
نا:: مش شورك
قيوسي:: قعد يكرلي ف السلسلة
نا:: لا ي روحي احا تقطعها
قيس:: بحت وشاف اسم محمد خايفه علي سلسلة الباشا
نا:: اها خايفه عليها عندك مانع وياريت تمشي ومعش نشوف وجك
قيس:: تي انتي والله مانك فاهمه حاجة والله العظيم ظالمتني
نا:: قيس بلا كثرة دوه وحول من قدامي بنخش
قيس:: اسمعيني باهي
نا:: تي حول ودفيته ومشيت خشيت جوا
