الحلقة الثانية والعشرون
قيس:: السلام عليكم
امه:: وعليكم السلام
قيس:: امي نبيك ف موضوع
امه:: كنك تحس ف حاجة تعبان احكي
قيس:: لالا مافيا شي كويس موضوع اخرا
امه:: احكي قول شن في
قيس:: نبيك تخطبيلي
امه:: نخطبك!!! بس انت ....
قيس:: عيونه تعبن دموع عارف عارف انا مريض وقريب نموت. وحالتي معش اتحمل وكيف نعلق بنت الناس معايا ونمشي ونخليها بس نحبها ياامي شن اندير مش ذنبي الي صارلي مش ذنبي نحبها ونبي نعيش معاها ايامي الاخير نبي نموت وانا متريح
امه:: اضبطاته متقولش هكي انت مش حيسيرلك شي وحنخطبها لكي حتعيش معاها متحرقليش قلبي بكلامك هضا
قيس:: " فك روحه من امه "
انا تعبان ياامي تعبان كل شي بنيته وحلمت بيه نشوف فيه يضيع قدام عيوني ع الاقل خلوني نعيش مع البنت الي نحبها اخر ايامي
امه:: قلبها وجعها علي ولدها بس معندهش شن ادير الا ان تدعيله
قيس:: ها شن قلتي بتخطبيها ليا ولالا
امه:: قولي بنت من باهي هيا ووين ساكنه ونشاور باتك ويسير خير بعدها
قيس:: لا وحده تعرفيها هيا
امه:: من؟
قيس:: نسمة بنت عمي مصطفى
امه:: نسمة!!!
قيس:: كنها مش عاجبتك
امه:: لا ماشالله عليها هيا وهلها اصحابنا من عمر بس هيا مخطوبة لولد عمها
قيس:: كانت مخطوبة بس فسخت لها مده
امه:: وانت شن عرفك
قيس:: ياامي ماالاخير البنت نحبها وتحبني من زمان مش من توا ونبيها
امه:: كان تحبك ليش تنخطب
قيس:: انا الي سيبتها بعد عرفت روحي مريض بس انا معش انتحمل بلاها
امه:: وهيا توا عارفه انك مريض
قيس:: سكت
امه:: مشعارفه صاح
قيس:: اها
امه:: وعادي عندك تخطبها وتضحك عليها
قيس:: ياامي مش مسألة ضحك بس انا منبيهش تعيش ف توتر وخوف ان تخسرني
امه:: والله ياقيس حيرتني معاك
قيس:: موضوع نسمة خليه عليا انتِ بس ادوي لباتي
امه:: يسير خير
قيس:: طالع تبي حاجة
امه:: وين ماشي
قيس:: بنمشي الجامعة نجدد قيدي
امه:: يعني تبي ترد تقرا
قيس:: اها بنرد هياا فاضل سنة نبي نكملها
امه:: بس
قيس:: بلا بس سلام
وطلع قيس وعدا للجامعة وامه قعدت حايرة تحكي لباته ولالا وف نفس الوقت خايفه تظلمني لو اجوزت قيس وبعدها مات ومش هاين عليها تزعل ولدها بس الواقع فرض عليهم الشي هضا
ماما:: نسمة نوضي مازلتي راقده
نا:: نعم ياماما شن في
ماما:: نوضي طلعي اريج للسوق تبي كم حاجة
نا:: ياماما راسي يوجع فيا وتعبانه خلي واحد م العيال يشيلها
ماما:: خوتك مش قاعدين بعدين انتِ عارفتها اتحشم تشري قدامهم يلا صبي بلا طروح
نا:: اووف وصبيت يارتني نموت ونفتك منكم
ماما:: بسرعة مطوليش اختك من امبدري لابسة
صبيت دوشت ولبست سروال اسود وجاكة حمرا واشرب بيج وشنطة بيج ودرت شويه ميك اب ونزلت
ماما:: هضا كله وقتلك بسرعه مالا كان قتلك علي مهلك شنو
نا:: ماما فوتيني والله ماعندي جو للعرايك راه
اريج:: هيا باهي
نا:: من اخرا ماشي
اريج:: انا وشهد والآء
نا:: يلا باهي اطلعن وين مفتاح سيارتي ياماما
ماما:: طالع بيها سراج من اول ماسافرتي وهيا عنده
نا:: تي كنه بهيم ولدك مش قلت ستين مره حاجاتي محد يقربهن
ماما:: سأل باتك وقاله باهي
نا:: وبشن نبي نشيلهن توا اه
ماما:: قاعده سيارة سراج خوذيها
نا:: اكيده معفنة كيف وجه وين المفتاح
ماما:: ف داره تلقيه
نا:: شهددددددد انتي يافرخة
شهد:: نعم نعم
نا:: انزلن يلا بسرعه وجيبي معاكي مفتاح سيارة سراج من داره
شهد:: باهي هيا نازلة
نا:: مطوليش يلا يااريج اطلعي
