الحلقة الثامنة والثلاثون
وقمعز عمر ع الكرسي وهوا متوتر لان طولو جوا بس مايبيش يبين وقعدوا يستنوا وبعد حوالي ساعتين طلعت عليهم الدكتورة
عمر:: صبا يجري ها يادكتورة مراتي جابت
الدكتورة :: الحمدلله الولد بخير بس للاسف المريضة متحملتش. الدحم عظم الله اجرك
عمر:: عيونه تعبن دموع ودف الدكتورة شنووو شن قاعده تقولي انتي مراتي توا خشيتها مفيها شي شن درتي فيهااا احكي
سهى:: تبكي ومش فاهمة حاجة
خالتي :: تخبط ف وجها يانعليااا يابنيتي شن داروا فيكي
الدكتورة:: اهدو لو سمحتو الغلط مش منا نحنا المريضة من البدايه ف خطر ف ولادتها لان عندها القلب وهيا اصرت تولد طبيعي
عمر:: حس ان ف غلط ف الموضوع انتي شن قاعده تحكي زوجتي مش مريضه بالقلب والدكتورة امتاعها م البدايه قايلتلها ان ولادتها طبيعية
الدكتورة:: استغربت كيف !! شن اسم زوجتك
عمر:: رؤى
الدكتورة :: اسفه بجد اسفه صار في تلابس ف الموضوع زوجة حضرتك بخير وجابت وليد
عمز:: دموعه نزلن وحس ان ملك الدنيا ومافيها وقعد يضحك ويبكي
خالتي :: قعدت تهزب شنو المستشفى المهمل هضا متعرفوش حتي اسم المريضة وتفجعوا ف الناس
سهى:: تمسح ف دموعها ماما اهدي خلاص الحمدلله رورو كويسه ومفيهش حاجة
الدكتورة :: لوسمحتي ياامي الامور هذي ديما تصير وانا قالولي اطلعي قولي لزوجها قاعد برا وملقيتش الا حضرتكم
خالتي:: تمشي تفجعينا حسبي الله ونعم الوكيل فيكي
سهى:: خلاص ياماما
عمر:: وين مراتي توا وينها
الدكتورة:: شويه وحيطلعوها لغرفتها
وعمر:: حتبات هنا
الدكتورة:: ان شاء الله وبكرا الصبح تقدر تطلع
وعدت الدكتورة.وعمر قمعز ع الكرسي وحس ان ردتلا الروح بعد الفجعة الي خذاها وقمعزت خالتي ومازالت مفجوعة وتهدي فيها سهى وبعد شويه طلعوا رؤى للغرفة امتاعها وخشولها عمر وخالتي وسهى
عمر:: قرب منها ومسكلها يدها وباسها الحمدلله علي سلامتك ياام عليوه
رؤى:: اه الله يسلمك
خالتي:: الحمدلله علي سلامتك رعشونا عليك الله يرعشهم
سهى:: ههههه خلاص ياماما مافي دعوة مادعيتيها عليهم
رؤى:: ليش شن في
عمر:: وانتي ف غرفة الولادة طلعت علينا الدكتورة وملخبطة بينك وبين وحده اخرا قالت ان جبتي والبيبي وضعه تمام بس انتي بعيد السو طبعاً متحملتيش الدحم ومتّي
رؤى:: وووو بعيد السو عليا ربي يطول ف عمري
كلهم:: هههههههههه
سهى:: وين حبيب خالته كنهم معش جابوه
رؤى:: شويه وحيجيبوه
عمر:: قمعز جنبها تحسي ف حاجة ياروحي
رؤى:: عادي ليه خفيفه بس الحمدلله
سهى:: بتنزلي علي شقتك ولا عندنا
خالتي:: لا البكر ضروري ف شقتها
سهى:: كنك تلزي فيها
خالتي:: ووه منك ومن الفتنة امتاعك
رؤى:: هههههه خليها ياماما اصلا انا بننزل ف شقتي عشان ناخذ راحتي اكثر
وخشت الممرضة بالبيبي ف يدها
عمر:: واهو جا حبيب بابا ومسكه منها بين يديه ماشالله تبارك الرحمن يهبل طالع لباته
كلهم:: ههههههههه
الممرضة:: ربي يحفظه محتاجه شي يااختي
رؤى:: لا بارك الله فيكم
الممرضة :: لو سمحتو مايقعدش معاها الا مرافق واحد ويفضل انكم متأخروش جوا
عمر:: روحو انتو وتو نقعد انا
الممرضة:: ممنوع يااستاذ قسم نساء هضا والمرافق حيكون مرأة
خالتي:: خلاص تو نقعد انا
الممرضة:: يكون افضل عن اذنكم
عمر:: هضا شنو كنها هكي هيا خسارة مامستشفى خاص
سهى:: خززي وجها يجيب الجلطة
رؤى:: هههههه خلاص اساسا بكرا الصبح حنطلع
خالتي:: هيا روحو انتو
عمر:: كيف صار ياعمتي كنك تلزي فيا خليني مع مراتي شويه
خالتي:: مراتك تبي اتريح وترقد يلا يلا روحو
سهى:: ههههه خلاص ماما قعدت تلز فينا رسمي يلا ياعمر معش فيها احتمال شويه وتضربنا
عمر:: هههه حسيت حتي انا هاكي ياروحي عليوه
رؤى:: هات بسم الله
عمر:: باس البيبي وباس رؤى علي راسها تبي حاجة
رؤى:: سلامتك
عمر:: خلاص بكرا الصبح حنجيكي
رؤى:: باه
خالتي:: سهى انتي ف الصبح قبل مانجو نحنا تعالي لشقة رؤى ورتبيها قبل مانجو
سهى:: حاضر ياماما حاضر
خالتي:: ردي بالك م الطريق
سهى:: حاضر اي اوامر اخرا
خالتي:: تيسري خلاص
عمر:: يلا اطلعي قدامي
