الحلقة الثالثة عشر
ونا كنت راقدة نسمع ف الجرس يرن محوتك نضت وراسي صداع وصبيت فتحت ويطلع قيس
نا:: تفضل يااستاذ من تبي
قيس:: نسمة شن صارلك
نا:: من حضرتك معلش
قيس:: نسمة راخيرلك راه نبي نحكي معاكي اسمعيني
نا:: سوري يااستاذ بس امجد مش هنا تقدر تجي بعذ يروح
وجيت بنسكر الباب يحط كراعه بين الباب وميخلينيش نسكر
نا:: تي حول كراعك را يجي امجد
قيس :: دفني وخش بم انك متبيش امجد يجي ف تسمعيني غصبن عنك
نا:: كنك بارد انت اه قتلك منبيش نشوف وجك منبيش نعرفك بيش تفهم
قيس:: نسمة را انا مزلت مطول بالي
نا:: انت درت حاجة تحمل عواقبها حتي بابا عمره مامد يده عليا بتمدها انت
قيس:: اسمعيني بس والله ماكان قصدي انتي عارفتني بعد نعصب منشوفش قدامي
نا:: عصب علي روحك مش عليا ويالا تفضل اطلع برا
وقعدت ندف فيه من صدره وهوا يوخر وبعدها فجأة يمسك وجي بين يديه ويبوسني علي .......
نا:: دفيته وبدون مانحس بروحي ضربته كف انت بجد المره هذي تخطيت حدودك اطلع را والله انكلم السكيورتي امتاع العمارة اطلع
قيس:: سكت وطلع بدون مايقول ولا كلمة
ونا خشيت لداري وقعدت نبكي ومعرفتش السبب الي خلاني نبكي وجعتني روحي ان ضربني وبعدها جا وفرض عليا روحه ونفس الوقت نحبه وتمنيت الشي الي صار صار وانا معاه وانا علي ذمته وحلاله وحسيت روحي خنت ثقة بابا الي حاطها فيا وصبيت دوشت وقعدت قريب ساعة ف الحمام ونا نبكي تحت الدوش وبعدها طلعت وجففت شعري ولقيت ليلو رانه عليا رديت رنيت عليها
نا:: ليلو ياعويناتي
ميرال:: خيرات ي قلبي شن اخبارك شن دايرة ليك وحشه ي شينه
نا:: الحمدلله والله مرايفه عليكم بكل
ميرال:: بدت بتبكي والله حتي نا تمنيتك تكوني معايا ف اللحظات هذينا
نا:: ليش شن في حي عليا بتبكي كنك مصعب مزعلك دايرلك حاجة
ميرال:: لا مصعب يهبل وعمره مازعلني وهله كويسين بكل
نا:: باهي كنك ي روحي
ميرال:: انا حامل
نا:: حييي تحكي جددد يعني بنقعد خالة
ميرال:: هههههه ي هبلة ع اساس انتي مش خالة يعني
نا:: لالا عيال ميرال ومصعب غير
ميرال:: ي خيه نجيكي انتي شن اخبار الامتحانات وامتا تكملي
نا:: الحمدلله تمام درت 3 مواد ومازال 3
ميرال:: وامتا تكملي
نا:: حاجة 3 اسابيع اخرا لان كل مادة اسبوع
ميرال:: بااهي تمام
نا:: كنك زعلانه باهي انتي
ميرال:: لا مش زعلانه بس خايفه من المسؤولية ومن الجياب
نا:: ههههههه مزلتي هبله ودلوعة
ميرال:: يييييه كيف انتي كيف مصعب كلكم دلوعة دلوعة
نا:: هههههههه نبصر معاكي بس حتقعدي احلا ام وميرا باهي فيش حمل فيش شي
ميرال:: لا ي حنه ميرا قالت نبيش نجيب قبل سنة
نا:: اهااا باهي تمام وتشوفي ف ماما وشهودي
ميرال:: اها امس كنت عندها وشهودي قاعده هيثم خلاها اتحجب
نا:: ههههههه هيثم عاجبني لان قادر علي شهد موريها
ميرال:: بكل مش غير خلاص انا منعطلش عليك ياروحي تو يروح مصعب يبي عشاء وانتي عدي اقري
نا:: خلاص وسلمي عليه مصعب وماما وكلهم
ميرال:: اووك باي
نا:: باي
