الحلقة السابعة والثلاثون
ومشت ساعة ورا ساعة ونحنا نستنوا ف اي حد يطلع يطمنا يقوللنا شن يسير جوا وولا واحد قدر ان ياكل حاجة وكل مره حد يرن يرن يسأل شن صار من هلي وهل قيس وعمر ورؤى ونحنا علي اعصابنا ومحمد بروحه حس ان العملية خذت اكثر من وقتها وتوتر بس مكنش يبي يبين الشي هضا وبعد حوالي ساعة يعني قريب الساعة 7 المغرب طلع الدكتور ومشينا نجروا نحنا الثلاثة
محمد:: ها يادكتور شنو طمنا
الدكتور:: العملية كانت صعبة وواجهنا مشاكل واجد وتوا المريض حينزل للعناية وخلال 48 ساعة حيبان اذا نجحت العملية او لا
نا:: الدنيا لفت بيا وجيت طايحه علي طولي
محمد:: نونااا نووضي.شن صارلك نوناااا
عمتي:: يابنتي كنك شن صارلك
محمد:: { رفعني وشالني للغرفة امتاعه ومشت معاه عمتي وحطني ع السرير وقعد ينوض فيا } يحركلي ف وجي نونااا تسمعي فياا نونااا
عمتي:: حي عليا كنها
محمد:: معاكي عطر قوي ياعمتي
عمتي:: اهاا معايا وطلعت العطر من شنطتها وعطاته لاه
محمد:: قعد يشمم فيا ف العطر لعند بديت نوعى بالشويه بالشويه
عمتي:: اهي فتحت عيونها الحمدلله ياربي
نا:: فتحت عيوني وشفت قدامي عميمه ومحمد قعدت نبكي
عمتي:: كنك بسم الله
نا:: نبكي وين قيس شن صارله احكووو
محمد:: اهدي بس قيس مافيه شي كويس
نا:: تكذبو عليا انتو حول نبي نمشيله حول وقعدت ندف فيه نبي نصبي
عمتي:: تحاول تمسكني ياحبيبتي اهدي قيس مافيه شي وقاعد كويس اهدي بس
محمد:: نسممممة اسمعي الكلام
نا:: انصدمت ان رفع صوته عليا وقعدت انبحت فيه ودموعي ينزلن كيف الشلالات
عمتي:: نمشي نجيبلك حاجة تاكليها ونجي وطلعت
محمد:: اسف مش قصدي نرفع صوتي عليكي
نا:: اطلع برا
محمد:: بس
نا:: اطللللع برا قتلك مانبيش نشوفك اطلع وقعدت ندف فيه ونبكي
محمد:: منصدم فيا نسمة شن صارلك
نا:: نزلت ع الارض علي ركبيا وقعدت نبكي مش حاسيين بيا انتو مش حاسيين بالنار الي والعه فيا حرام عليكم والله حرام عليكم خلوني نشوفه عشان يطمن قلبي خلوني
محمد:: نزل عليا وقمعز ع الارض وخذاني ف حضنه كنك هبلة انتي قيس توا ف العناية ومش حيخلوك تشوفيه اهم حاجة ان طلع من العملية كويس ادعيله انتي ان يفوت مرحلة الخطر ويقعد كويس
نا:: نبكي خايفه انا خايفه
محمد:: متخافيش خليك قوية خلاص هانت تحملي حتي عشان عمتك متقعديش ضعيفه قدامها نعرفك قويه وجالطة انا
نا:: ههههه مع دموع جالطة صار
محمد:: هيا سلم خيتي صبي اغسلي وجك وكولي اي حاجة صبي
نا:: بعد سمعته يقولي خيتي حسيت اني بجد ملكت الدنيا ومافيها يعني محمد مش شايل عليا ولا زعلان مني ويعد فيا كيف اخته الي معطاهش لاه ربي
محمد:: هيا صبي ومسكني من يدي
نا:: صبيت وطلعت مشيت للحمام وغسلت وجي وسقمت الاشرب امتاعي وطلعت مشيت قدام غرفة العناية لقيت عمتي مقمعزة
عمتي:: تعالي قمعزي تحسي ف روحك احسن توا
نا:: اهاا الحمدالله
عمتي:: خوذي كولي ومدتلي بريوش وقهوة
نا:: لا منبيش تو ناخذ قهوة بس
عمتي:: مش كويس هكي مكليتيش شي اليوم
نا:: مش قادرة ناكل والله مش قادرة
عمتي:: براحتك
نا:: محمد وين
عمتي:: عدا للمكتب امتاعه عنده مرضى وقال تو بعدين يمر علينا
نا:: اها
