الحلقة السادسة والخمسون
وخشيت لداري وحولت عبايتي واشربي ورقدت ع السرير ولميت كرعيا لصدري وقعدت نهز ونبكي بحرقة دموعي حارااات نحس بيهن ومية فكرة ف عقلي وليش حكيت هكي وليش درت هكي ليش مش قادرة نروح للحوش وقعدت فكرة تاخذني وفكرة تجيبني ونسمع ف صوت هرجه وينفتح باب داري بالقوه ويخش عليا قيس ومعصب والشر كله ف عيونه ويسكر الباب ويجيني ويمسكني من يدي بالقوه
قيس:: كيف تطلعي من الحوش بلا ماتقووولي اه مش مالي عينك ولا كيف
نا:: بصوت دوبه طالع مني ومش قادرة حتي نفتح عيوني ولا ناخذ نفسي قيس اطلقني
قيس:: تي كييييف تطلعي بلا ماتقولي طلعتي من حوشي تروحي لحوشي فاااااااهمة ولالا
نا:: مش انت معش تبيني مش قتلي امشي لحوش هلك
قيس:: تي انتي كييييف قعدتي هكي كيييف ليش معش تسمعي ف كلامي ولا تحسي بيااا
نا:: يادوب قادرة نحكي وناخذ نفسي قيس اطلقني وقبل مانكمل كلامي جيت طايحه بين يديه
قيس:: مسكني نسمممة تسمعي فياااا وقعد يخبط علي وجي نسسسسمة ردي نسسسسمة
بابا:: ركب يجري وفتح باب الدار ولقاني طايحه وقيس مسكني وينوض فيااا جا يجري ومسكني ودف قيس
قيس:: منصدم ومش فاهم حاجة
بابا:: وخرررر من ع البنت وخرر مش قتلك البنت تعبانه ومتحكيش معاها مش قتلك
ماما:: خشت تجري حي عليااا بنتي كنهاا
بابا:: مافي شي مافي شي محمد لوطا مع عماد كلميه بسرعه
ماما:: تبكي باهي
قيس:: لا محمد مايجيييش شورها
بابا:: قيس مش وقت هبالك توا عدي ياليلي
ماما:: نزلت تجري وتكلم فيه
بابا:: رقدني ع السرير وحط اشرب علي راسي ويحاول ينوضني بابا تسمعي فيااا نوناا حبيبتي ماتخوفينيش عليكي تسمعي فياا
قيس:: حاط يديه علي راسه وعيونه ف دموعه ومش فاهم شن صار
ماما:: ركبت تجري ووراها محمد وعماد وامجد وخشو هما 3
محمد:: جا شوري بسرعه وكان واضح عليه الخوف كنها ياعمي شن صار
بابا:: تعال شوفها ياوليدي تعبت بروحها بروحها
محمد:: قرب مني وقعد يقيس ف النبض امتاعي ولاحظ اني مش قادرة انتفس امممجد
امجد:: نعم نعم
محمد:: عدي للصيدلية الي تحت بسرعه وجيب منها البخاخ. هضا بسرعه
امجد:: هياا هي ونزل يجري
قيس:: كان موخر ومصبي جنب الروشن ووالعه فيه نار من جهة عشان الي صارلي بسببه ومن جهة عشان محمد قاعد قريب مني
محمد:: قييسس افتح الروشن عطوها هواء
قيس:: مصدوم وقلبه ينبض بالقوه وحالته حاله
محمد:: قيييس تسمع فياا الروشن افتحه
قيس:: اه باهي باه وفتح الستارة بسرعه وفتح الروشن وقعد مصبي وجسمه كله يعرق
ماما:: خايفه وتبكي
بابا:: ماسك ماما ويسكت فيها يامسكينه مافيش حاجة ماتخافيش
عماد:: شن صار يامحمد
محمد:: وين امجد كنه طول
امجد:: خش بسرعه اهو جيت هاك هي
محمد:: خذا البخاخ من امجد نوناااا تسمعي فيااا وفتحلي فمي وقعد يبخلي ف البخاخ
قيس:: والعه فيه نار عشان محمد قريب مني ومش قادر يدير حاجة
نا:: قعدت ناخذ ف نفسي بصعووبه ودوب مافتحت عيوني
محمد:: نونااا تسمعي فيااا
نا:: فتحت عيوني ووجي كله عرق ومش قادرة نحكي وقعدت انكح
ماما:: الحمدلله ياربي
قيس:: قعد يمشي ف يديه علي راسه ومرفع راسه مايبيش دموعه ينزلن وقعد يبحت. م الروشن
محمد:: تقدري اتنفسي توا
نا:: اه ا بس ب صع وب ة
محمد:: تريحي تواا خلاص وهاكي اشربي اميه ومدلي كبايه الميه وقعدت نشرب
بابا:: شنو يااحميده
محمد:: لا تمام توا وصبا
بابا:: خذا محمد علي جنب وطلع معاه شن صار
محمد:: ياعمي نونااا حساسه زياده ع اللزوم وبعد تزعل الشي هضا يأثر عليها وهوا الي السبب ف ان ادوخ ومعش تقدر اتنفس لانها عندها آزما
بابا:: بس الدكتور قال انها معرضه مش عندها
محمد:: لا ياعمي نونااا عندها آزما وواضح الشي هضا عليها لان مش اول مره تسيرلها يس مازالت ف البداية يعني جرعة الاكسجين مازالت صغيرة
بابا:: لا حول ولا قوة الا بالله
محمد:: ماتخافش ياعمي مش خطيرة بس نونا لازم تحافظ علي روحها وتغير طبعها يعني موضوع عند كل زعله ادوخ ومعش تقدر اتنفس مايسير شي هكي
بابا:: يستر الله سامحني تعبناك معانا
محمد:: معقوله هضا واجبي
نا:: قعدت نبكي وجتني ماما
ماما:: كنك يانوناا شن الي صارلك فجأة ليش قعدتي هكي ليش
امجد:: جا قمعز جنبي كنك ياعليوه شن صارلك
نا:: تعبانه شويه بس
امجد:: ف حد مزعلك
نا:: بحتت ف قيس لا انا مضايقه بس
عماد:: خلاص صبي يامجد خليها اتريح
امجد:: هياا
ماما:: كان احتجتي حاجة كلميني
نا:: مسكت يدها خليكي
ماما:: نشوف باتك ونجي وطلعت وسكرت الدار وراها
قيس:: برم علياا وجا قمعز جنبي ع السرير
نا:: قيس اطلع
قيس:: نعم
نا:: زي ماسمعت اطلع برا مانبيش نشوفك اطلع
قيس:: تي شن الي خلاك تنقلبي شنو ولا عشان شفتيه توا حنيتي ومعش قعدتي تبيني
