الحلقة الحادية والأربعون
قيس:: هيي حبيبي كنك تبكي
نا:: مكني شي
قيس:: جا قمعز ع الكرسي الي جنبي احكي ف حد مزعلك
نا:: لالا
قيس:: باهي كنك في حد صارتله حاجة
نا:: قعدت نبكي بعد بكرا امتحاني وانا معش فهمت شي ومعش عرفت شن اندير
قيس:: ههههه توا هضا عليش تبكي ياهبله
نا:: تضحك !!!
قيس:: هههه اها اكيده نبي نضحك توا من جدك تبكي عشان مش فاهمة
نا:: عارف شنو صبي من تالايا صبي
قيس:: هههه تي كنك
نا:: قتلك صبي وخليني ف همي يالا
قيس:: حط يده علي كتفي ولفني شوره هههههه هبلة انتي نصبي ونسيبك نشرحلك انا معندكش مشكلة
نا:: تحكي جد
قيس:: اهاا وليش منشرحلكش يعني مش انتي مراتي وحبيبتي
نا:: مش عندك موعد ويراجو فيك الجماعة
قيس:: بلاهم الجماعة بتخرب الدنيا يعني
نا:: نجك ليا
قيس:: هيا شنو الي مش فاهمتيه
نا:: طلعت الشيت الكورس هضا
قيس:: الغليظ هضا كله
نا:: اهاا شرحه الدكتور وثقيل مافهمتش
قيس:: هيا باهي تعالي
وقعد قيس يشرحلي ونقوله عاود شردته بكل وقعدنا لعند الساعة واحد ف الليل وهوا يشرحلي بيش كمل الشيت كان كورس ثقيل بكل واخيراً كملته وخشينا رقدنا ومشا اليوم الي بعده وانا نقرا وقيس مطلعش من الحوش عشاني وجا يوم الامتحان ونضت الصبح وخايفه ومتوترة وخشيت دوشت. ع السريع ولبست قفطان اسود طويل وجاكة جينز واشرب اسود وشنطة سودا سيرها طويل وكندرة سودا ومدرتش شي ف وجي وطلعت
قيس:: تعالي افطري
نا:: معنديش نيه وبطني توجع فيا
قيس:: من التوتر بس تعالي افطري تو تقعدي كويسه
نا:: والله مانقدر
قيس:: باهي كولي الشوكولاطة هذي هاكي
نا:: قيييس
قيس:: ياتاكليها يامفيش مشي للامتحان
نا:: باهي هات ويلا بسرعة وقت
قيس:: يلا انزلي
ونزلنا وعدينا للجامعة ووصلنا ونزلت بسرعة ونا خايفه ومرتبكة. ونقول لقيس ادعيلي وخشيت للامتحان وانا حاسة روحي بنموت لان كانت مادة واعره بكل ولازم نصفيها بدرجة عاليه لان مهمة ف التخصص امتاعي وقمعزت وعطوني ورقة الامتحان وغمضت عيوني وخذيت نفس وفتحت عيوني وقعدت نبحت ف الاسئله وحسيت روحي نسيت كل الي قريته وخفت وقعدت نقرا ف الاسئله شويه شويه وبدا يحول التوتر والحمدلله قعدت نحل ومشا الوقت وكملت امتحاني وسلمت ورقتي وطلعت وانا فرحانه اني حليت كيف مانبي وقعدت اندور ف قيس وبعدها لقيته مصبي تحت شجره ومصبيه معاه وحده ورقيتلي لاني منعرفهش وجيت من وراه ودروحني مشفتش البنت ومسكت ف يده وبسته علي خده
نا:: حبيبي انت هنا وانا اندور فيك
قيس:: تلخبط اني بسته اوو نونتي طلعتي ها شن صار حليتي
نا:: اهاا الحمدلله حليت كويس بكل سلم حبيبي الي قراني
قيس:: ههههه
البنت:: تبحت فينا ومش عاجبها الوضع قيس انا بنمشي وبينا اتصال
قيس:: استني
نا:: بحتت ف البنت بنص عين وبحتت ف قيس كيف تعرفها نحسابها مصبيه هكي
قيس:: اهااا هذي سميحة بنت عم باتي وسميحه هذي نسمة مراتي
سميحه:: اهلين ومدت يدها
نا:: درت روحي مشفتش يدها وبرمت علي قيس وندوي بحقاره بس منعرفهش ماجتش ف العرس صاح
قيس:: سلمي عليها ماده يدها
نا:: اه اسفه مفطنتش ومديت يدي
قيس:: سميحة طالعه بإفاد من الدولة وتقرا هنا هضا عليش ماجتش ف العرس
نا:: اها اصلا اول مره نسمع بيها
سميحه:: انا بنمشي انتلاقو
قيس:: اوك
سميحه:: تبحت فيا بحقد ردي بالك من قيس عاد
نا:: قربت من قيس زياده هضا راجلي منتوصش عليه
سميحة:: بلإذن وعدت
نا:: فكيت يدي من قيس ووخرت من عليه ومشيت
قيس:: استني وين ماشية
نا:: ماشية شور الباركي ومعدلتش عليه
