الحلقة الثامنة والخمسون ✨
نا:: قيس مش بيدي والله ماني قادرة نمشي لحوشكم. وللدار بالذات مجرد مانخش تغم علياا
قيس:: باهي وسعي خليني نرقد كبير السرير
نا:: رفعت الورغان خش هاه
قيس:: خش تحت الورغان ورقد ورقدني علي صدره
نا:: كنت احياناً نبي قيس جنبي و احياناً حتي ريحته مش قادرة نتحملها بس وقتها كنت جد بحاجته وحضنته ورقدت علي صدره ونزلت دمعتي
قيس:: القيت الشركة دازلي ايميل يبوني نرد لان اجازتي كملت
نا:: كيييف قصدك بتمشي وتسيبني
قيس:: كيف انتي ماتبيش تروحي ماو حتي انتي قرايتك
نا:: .............
قيس:: رقاله من دوتي ردي علياا ماتبيش تمشي معاياا
نا:: لا مانبيش نمشي معش نبي انتغرب خلاص ساد الي جاني
قيس:: وقرايتك ومستقبلك وانا
نا:: تو ننقل هناا قرايتي ونكمل وانت لو تبيني حتروح عشاني
قيس:: يعني هضا اخر كلام عندك
نا:: اهاا
قيس:: صبا بالقوة لعند ارقبتي انفصعت اقعدي فيهاا معناها
نا:: استني شويه
وطلع قيس من الدار وطبق الباب وراه وهوا راقيله مني ونزل بسرعه وهوا نازل خبط ف سراج ومعدلش عليه وطلع وخش لحوشهم وهوا خاش قابلاته امه
عمتي:: كيف صار مش قتلي بايت غادي
قيس:: غيرت رايي
عمتي:: كنكم تعاركتو
قيس:: مليت ياامي مللليت خلاص كنهاا حياتي هكي مش كيف الناس
عمتي:: وسع بالك باهي وقمعز احكيلي شن في
قيس:: قمعز ع الصالون وراقيله حياااتي ماتمشيش كيف مانبي بككل
عمتي:: قمعزت جنبه وحطت يدها علي كتفه شن في ماتخوفنيش
قيس:: الشركة دزتلي ايميل اني لازم نرد نداوم
عمتي:: باهي وين المشكلة رد لشغلك
قيس:: مااو المشكلة ف نسمة ماتبيش تسافر معش بتسافر معاياا ياامي قالتلي قرايتي نكملها هناا تي قالتلي منسافرش معاك لو تبيني متسافرش
عمتي:: بلكي عشان تعبانه بس
قيس:: نسمة مش نسمة ياامي انا مانبيش نسيب شغلي لان حيضمنلي مستقبلي بعدين تي الشغل الي محصله مستحيل نحصل ربعه ف ليبيا ماتبيش تفهمني ماتبيش مسكره راسها
عمتي:: وسع بالك عليها باهي انت وحنحاول نحكي معاها
قيس:: لا ماتحكيش معاها نسمة هكي طبعها بعد واحد يحكيلها تعاند خليها
عمتي:: شنو خليهاا
قيس:: خلاص ياامي خليها وانا حنسافر ولو ماتبيش تخسرني حتجي معايا
عمتي:: لا حول الله وخلاص ماتجيش الامور بالعناد راه
قيس:: شن انديرلها باهي تعبت معاها واقسم بالله تعبت
عمتي:: وسع بالك واستهدى بالله وخش ارقد توا والصباح رباح
قيس:: جيبيلي فوطه بنرقد هن
عمتي:: تي خش لدارك
قيس:: انا متريح هناا خلاص ماتزيدهش علياا
عمتي:: براحتك
سراج:: طقطق علياا الباب
نا:: مسحت دموعي من
سراج:: انا يانونا
نا:: خش
سراج:: كنك شن في
نا:: مافيش حاجة
سراج:: شفت قيس توا نازل معصب ومحكش ولا كلمة
نا:: تناقشنا شويه بس ورقاله
سراج:: نوناا بنقولك حاجة وخليها ف عقلك راكي انتي تظلمي ف قيس واجد معاكي وبطريقتك هذي حتخسريه وانتي حره
نا:: قعدت ساكته ومنصدمة من سراج وكلامه لان مش من النوعية الي يحكي بعد ماتعجبش حاجة واساساً مايعدلش علي شي
سراج:: تبي حاجه
نا:: لالا سكر الباب وراك
سراج:: تصبحي علي خير
نا:: قدامك الخير
