الحلقة التاسعة
وانا راقده قعدت نحلم بأن قاعده ف غابة وف حد يجري ورايا ونجري وخايفه ويطلع قدامي محمد كله دم ونجري اخرا نشوف قيس طايح وفي واحد واخذ موس بيضربه بيه نضت نصرخ وقعدت نبكي بحتت ف الساعة لقيتها 4 الفجر خذيت المويايل ورنيت علي هيثم ورن رن بعد جيت بنسكر رد
هيثم :: ايوا
نا:: اسفه واعيتك
هيثم:: نونا كنك تبكي في حاجه
نا:: وين قاعد
هيثم:: قاعد ف حوش عمي تبي حاجه
نا:: ممكن نشوفك بكرا
هيثم:: حاضر بس شن في
نا:: بعد نشوفك تو تعرف وباريت ماتقول لحد وبالأخص شهد
هيثم:: حاضر بس وين
نا:: ف الكافي الي قريب من حوشنا ع الساعة 1 الظهر
هيثم:: حاضر بس متخوفينيش كنك رانه توا
نا:: هيثم خلاص بكرا نحكو
هيثم:: اوك
وسكرت منه وقعدت نبكي خايفه علي قيس ونبي نفهم شن داس عليا وف نفس الوقت واجعني محمد حاسه روحي حنخربله حياته ومعرفتش ليش مقدرتش نقوله السبب الي خلاني انرن ف الوقت هضا وهوا ان نبي رقم قيس وصبيت توضيت وصليت وقعدت نبكي وندعي لربي
ياربي ياحبيبي انا مليش غيرك نحكيله ويفهمني ياربي انت الوحيد الي عارف انا قديش تعذبت ف حبي لقيس ومقدرتش نننساه وبعد فكرت انك عوضتني بمحمد طلعت غلطانه لان مقدرتش انحبه ولا انتقبله ياربي طمني علي قيس ونعرف شن داس عليا ياربي احفظه واحميه وهديله باله وقعدت ندعي ونبكي لاني محتاجه نحكي وانتريح وكملت صلاتي وبحتت لقيت الساعة 7 الصبح صبيت دوشت ولبست افارول شورت جينز وتحته تيشيرت لونه اسود ولبست سبيدرو اسود بسيط ودرت شعري ذيل حصان ودرت ميك اب خفيف وصبيت ع المرايا وقعدت انبحت ف السلسلة وسلحتها وحطيتها ف الدرج وطلعت من الدار ونسيت فوني جوا
نا :: صباح الخير
ماما:: صباح النور كنه وجك هكي
نا:: لا شي تعبانه بس
ماما:: عدي لخواتك قوليلهن هيا بسرعه وقت. ع الكوافيرة راه
نا:: باهي باه
وطلعت ركبت فوق للبنات
نا:: صبااااحو ع العرايس
ميرال:: صباح النور جيتي وجابك ربي تعالي
نا:: شن في كنك
ميرال:: نوتي ف الشنطة امتاعي وخايفه ننسي حاجة
نا:: هيا تو اندير معاكي
ميرا:: ي سهى ي سهى
سهى :: نعم وانتِ صوتك تقول جعبة
ميرا:: والنبي مش وقت سماطتك توا وين الكندرة امتاعي
سهى:: تي اهي ف الدولاب
نا:: خلاص كل شي واتي توا
ميرال:: اهااا نمشي نلبس بس
نا:: من ماشي معاكن
ميرال:: سهى والاء بنت عمتي سالمة
نا:: اوك باه نمشي نلبس بيش نوصلكن
نا:: يلا ياسهى وميرا البسن عشان نوصلكن وقت
ميرا:: يلا خلاص بس وراسك كلمي الآء خليها تلبس
نا:: باهي باه
ونزلت ع الدروج وانكلم الآء
نا:: لولللي ي لووولي
لولي:: نعم نعم
نا:: يلا اركبي البسي عشان تمشي مع البنات
لولي:: هيا هي راكبه
