Hidden Pleasure (COMPLETED)

Chapter 4

"Tama na. Maawa na kayo sa akin" kahit na anong pagmamakaawa ko sa kanila ay para lang itong hangin na tumatagos sa kanila dahil parang hindi nila naririnig ito. "Please, tama na"

Napaubo na lang ako ng isang malakas na pwersa ang naramdaman kong tumama sa tiyan ko na dahilan ng pag-alon ng mga tingin ko at ang pagkahilo ko. Napahiga ako sa sahig at namaluktot nang mas nakaramdam ako ng sobrang sakit sa aking puson na parang humihilab ito sa sakit. Pinipiga na parang hinihiwa ang kaloob looban nito.

Isa-isa nang tumulo ang mga luha ko dahil sa sakit na nararamdaman ko na hindi ko maipaliwanag. Mas lalo kong ibunaluktot ang katawan ko habang sapo-sapo ang puson ko kung saan sobrang sakit ang nararamdaman ko. Nakagat ko ang pang-ibabang labi ko para mapigilan ang sigaw na gustong kumawala rito at ipinikit ang mga mata at mahinang humihikbi dahil sa sobrang sakit na nararamdaman ko.

Naramdaman kong parang nababasa ang suot kong maikling maong shorts pero hindi ko ito pinansin dahil mas lalong sumakit ang puson ko pababa sa kaibutaran ko na parang may mga karayom na tumutusok dito.

"May dugong dumadaloy mula sa kaniya, Topher!" rinig kong natatarantang sigaw ni Joshua na hindi ko na pinansin dahil sa sakit na kumakain sa sistema ko. "Tawagan mo si mom. Dali!"

Habol hininga kong iminulat ang mga mata ko habang puno pa rin ito ng luha at kahit na nanginginig ay sinubukan kong iangat ang kamay ko para hawakan ang basang parte ng katawan ko. Mas lalong nanginig ang kamay ko nang makita ko kung anong likido ang bumasa sa ibabang bahagi ng katawan ko. Dugo. Hindi. Hindi pwede 'to. Hindi maari.

Mas lalong kumirot ang puson ko at hindi ko na napigilan ang sakit na nararamdaman ko at napasigaw na lang nang malakas.

"NO!" napabalikwas ako ng bangon dahil sa isang panaginip na hindi ko alam na babalik na naman.

Napahagulhol ako at hindi ininda kung puno ng pawis ang mukha ko at patuloy na dumaloy ang mga luha sa magkabilang pisngi ko.

Narinig ko ang marahas na pagbukas ng pinto ng kwarto ko at ang nagmamadaling yabag papunta sa kinaroroonan ko pero hindi ko ito pinansin dahil sa hindi ko matanggap ang nangyari noon.

"Hey. Hey. Iria, you okay?" pilit ako nitong pinapatingin sa kaniya habang nakahawak ang mga kamay niya sa magkabilang braso ko at marahan akong niyugyog. "Shh. I'm here. I'm here"

Mas lalo akong napahagulhol sa mga bisig niya ng yakapin niya ako. Agad akong napakalas sa kaniya ng maalala ang anak ko. Hindi pwedeng mawala ang anak ko! Kinapa ko ang may kaumbukan kong tiyan at napahinga agad ako ng maluwang nang malamang hindi nawala ang anak ko.

"They kill it. They killed my... first child" mahina pero madiin kong ani at nakita kong natigilan ito dahil sa sinabi ko.

"F-first child?" utal at hindi makapaniwalang tanong niya sa akin habang nanlalaking mga matang nakatingin lang sa akin. Nakaawang din ang labi nito dahil sa narinig.

"They killed it. They killed it" paulit-ulit kong ani at parang na blanko ang isip ko dahil sa naging panaginip ko. "Mga demonyo sila. Mga walanghiyang demonyo. Pinatay nila ang sarili nilang anak" nagsimula na namang tumulo ang mga luha sa pisngi ko pero wala akong ibang maramdaman at blanko lang ang naging tingin ko sa kaharap ko.

"W-what have they d-done to you, Iria?" nanghihina at puno ng galit niyang tanong ulit sa akin.

Tumawa ako ng mapakla bago nagsalita. "They need to pay. I will make them pay" malamig kong ani at nakakita ako ng takot sa mga mata nito habang iniiwas niya sa akin ang tingin niya.